Khaw tin 10h30 saong 14h30 harei 6/8/2015  

# Kadung jien daong uranaih tỉnh Quảng Ngãi barau pambuak bruk saong sang iek ruak meta, sang iek ruak Đa khoa Đà Nẵng saong sang iek ruak Chỉnh hình- Phục hồi chức năng Quy Nhơn, tỉnh Bình Định iek, phân loại ka labaih 100 uranaih ruak tim bẩm sinh, mbaih cambuai hở hàm ếch, hu tật meta... di pulao Lý Sơn, tỉnh Quảng Ngãi. Kadung jien daong uranaih tỉnh Quảng Ngãi hu daong labaih 300 triệu đồng piah ba 5 adei ruak tim bẩm sinh trak samal nao blac raih di sang iek ruak Đà Nẵng. 

# Urak ini, jaik 1.800 baoh sang bhap bini dom phường Hải Cảng, Ghềnh Ráng, Bùi Thị Xuân, Trần Quang Diệu ban sit Quy Nhơn, tỉnh Bình Định kurang ia pandar kayua dom bingun rok njom mbak, oh pandar hu. Ong Ngô Hoàng Nam, akaok UB bhap bini ban sit Quy Nhơn, tỉnh Bình Định brei thau: dom labik di khu vực 9, Hải Minh ye hu brei kapal gaiy pajeng ia hacih mai brei ka mikva. Urak ini hu ba dom baoh bồn di ban sit brei ka khu vực Ghềnh Ráng, daok Bùi Thị Xuân cang jien daong di tỉnh saong TƯ meng daong ia hacih brei ka mikva pandar, raong glaong athur.

# Piah caga pacang bilan hajan ribuk thun ini, Sở ngak nong saong patagok palei pala tỉnh Đắc Lắc daok pasang iek veik dom công trình thủy lợi, danao padang ia, ba tabiak  jalan ngak ka dom công trình oh an toàn.  Tapa nan mboh hu 80 công trình thủy lợi daok khut, daok mbaih mbaoh. Ông Mai Trọng Dũng, Phó akaok  Sở ngak nong saong patagok palei pala tỉnh Đắc Lắc brei thau :“Ủy ban bhapbini  tỉnh hu tacei pato Sở ngak nong saong dom puk palei abih di nyu nan lac dom po binek duah jien piah ramik pasiam dom cong trinh mbuan si lahik an toan glaong. Langiu nan, meyah dom puk palei, dom po binek oh ginup jien piah ramik pasiam ye njauk samar pathau khan tagok tagok uy mban tinh piah hu jalan langyah samal piah khik caga an toan danao, binek dalam bilan hajan xua thun 2015”.

# Uy mban bhap bini tỉnh Ninh Thuận barau mbaoh tangin brei quy hoạch mblang hareih saong bhum raong athur hu take tal thun 2020. Tui quy hoạch, dalam tukvak meng thun 2015 tal thun 2016, tỉnh NT hu ngak salah bloh bhum chuyên canh pala hareih ngan saong quy mô 315 ha, pambuak saong bhum raong athur hu take, ngan saong sản lượng hareik yaok thun mek hu 56.700 tấn. Tukvak patui 2017 – 2020, dalam tỉnh hu rabha jaik 1.930 ha mblang hareik brei ka bruk raong athur hu take pataom, ngan saong tapol limo 55 ribau drei, tapol pabe 35 ribau drei, tapol pabo 60 ribau drei.

# Caga ka thun bac barau 2015 – 2016, Uy mban bhap bini tỉnh Bình Thuận barau hu harak pandar dom sở, ngành, puk palei pataom tame ngak siam dom jalan ngak patrun bruk anek saih klak bac. Piah samar patrun hu bruk anek saih klak bac, Bình Thuận brei jhul pakhang jang gac dom bruk jak ba “yaok gru pato, urang jakar pato megru daong ka naek saih sang kan kandah” patagok talei pambuak bruk pambuak khang kajap di baoh sang – sang bac – XH; pasiam veik dom sang bac khut tayah, khik siam mekre ka thun bac barau. 

#  Uy mban bhap bini tỉnh Bến Tre barau peih mbang taduan raong saong iek glang gilac 300 amaik VNAH barau hu phong tặng. Tỉnh Bến Tre hu 488 amaik VNAH hu raong mbiak metai, dalam  5.464 amaik VNAH di tỉnh. Urak ini bến Tre daok labaih 700 amaik oh ka hu phong tặng, truy tặng angan praong glaong amaik VNAH, dalam dom amaik ini tỉnh hu chuyển mai ban pakacah – khen thưởng TƯ 485 hồ sơ.

# Harei pataom cong chiêng saong daoh ragu daoh bhapbini thun 2015 barau hu peih ngak di ban sit Pleiku, tỉnh Gia Lai, hu mbaok labaih 200 dam dara, thiếu niên urang bangsa takik Ja Rai dalam ban sit Pleiku. Di harei pataom, yaok kapul nyaom mein meng 2 tal 3 tiet muc cồng chiêng, tamia xoang vil tam dal gheng meng kan di urang Ja Rai; taphia nan, daoh rilo kadha daoh bhapbini saong me-in dom alat ragam mengkan di bangsa drei.

Patui di ini dom khau tin dunya:

# Harei ini 6/8, dalam nyaom meyai AMM 48 saong dom nyaom meyai pambuak tal di Kuala Lumpur, Malaysia peih tabiak điễn đàn khu vực ASEAN ARF mbang ka 22. Điễn đàn ginum meyai dom bruk praong di khu vực yau vir taom dar bruk srau kadau angaok bán đảo TT, bruk di Xyri saong dom bruk an ninh phi truyền thống karei. 

# Mintri ngoại giao Cộng hòa Séc kakei bhapbini taneh ia ini plaih nao tal dua tỉnh Đô-nhét-xcơ saong Lu-han-xcơ , gah timul Ucraina, labik daok mesruh gauk khang di gah rajaei Ucraina saong gah ly khai. Di angaok plah web di drei, mintri Ngoại giao Séc kakei, meyah bhapbini Séc nao tal dom labik nan oh pang tui panuac khan nan, meda  mbuan njauk urang mek kreik, khik mek harak gar nao mai saong drap ar ddi drei, mbuan njauk urang ngak pap atau taong paoh. 

# Tui panuac di Cục pacang cakak bala Nhật Bản, tok di dalam harei 5/8, dalam Nhật Bản hu takik di abih 912 urang njauk tame sang iek ruak, 3 urang metai, 4 urang lahik ý thức kayua pandiak dui atah dom harei tapa. Dom tỉnh ban hu urang tame sang iek ruak ralo nan lac tỉnh Sai-ta-ma hu 71 urang, Ô-xa-ka 64 urang, tỉnh Ai-chi 56 urang./.