Khaw tin 10h30 saong 14h30 harei 7-11-2015

# Harei 6/11, di Ninh Thuận, Ủy ban Trung ương Mặt trận negar  Việt Nam peih nyaom biai mek panuac di dom kapul nyom agama ka nyaom biai paglaong labik dang di dom agama VN dalam bruk hu mbaok tame khik caga alam moi truong saong caga biến đổi khí hậu meda rah tabiak di Huế bilan 12/2015 tal. Dalam nyaom biai, lambaok dom agama sanya patui jalan pambuak bruk saong dom labik, kapul nyaom, kapul nyom agama piah pathau khan ka bruk khik caga alam moi truong, cakak biến đổi khí hậu, pablak tame piah ba bruk khik caga alam moi truong, biến đổi khí hậu tame dom danakdak ngak bruk agama yaok thun di agama drei, dom tan pasram hukum agama, taphia nan pambuak bruk saong mặt trận negar dom pakat piah padang dom mo hinh khik caga alam môi trường…

#  Meng ini tal thun 2020, tỉnh Đắk Lắk daok pala barau veik 26.337 ha cao su dalam bhum quy hoạch, patagok taneh cao su dalam tỉnh abih tih lac 66.800 ha. Tui uy mban bhapbini tỉnh Đắk Lắk, bruk peih praong taneh phun cây cao su oh lac ba bruk ngak tani tanat, tagok jien mek tame ka labaih 27.100 urang ngak lac bhapbini dom bangsa, abih di nyu nan lac bhapbini dom bangsa takik daok pak labik nan, tagok 7.600 urang ngak duk saong urak ini bo daok ngak hijao yaok pluh rabau hecta taneh glai sản xuất tự nhiên kathaot, taneh klak saoh.

# Dalam tuk  pahadar 98 thun Cách mạng bilan 10 Nga (7/11/1917 – 7/11/2015) saong yam tal nyaom roya pakat negar mbang yaka XII di  Đảng,  pagaiy harei 6/11, Thành ủy ban raya Hồ Chí Minh peih harei alin Huy hiệu 70 thun, 65 thun saong 60 thun Đảng ka 146 urang đảng lão thành cách mạng. Gam saong Huy hiệu Đảng, dom urang đảng daok hu alin pandap 10 triệu đồng  ka urang đảng hu 70 thun  Đảng, 7 triệu ka urang đảng hu 65 thun Đảng saong 5 triệu đồng ka urang hu 60 thun Đảng. Hu taduan mek Huy hiệu 60 thun Đảng mbang ini, ông Võ Xuân Triều, Phó akaok kapul urang dahlau thiah ngak bol lin phường 19, quận Bình Thạnh ndom lac :Yaom lac 60 thun min jeng daok takik. Dahlak caong khin hu 70 thun, 75 thun. Dahlak sanya diuk bui sambai, diuk khang kajap piah buh pren rilo jang. Yau nan ye dom dam dara daok rilo thun ranaih umo kham merat rilo jang piah buh pren yava daong Đảng saong bhapbini siam jang.

/ Phó Thủ tướng Vũ Văn Ninh barau hu panuac tacei pato ka bruk ngak tui Nghị định 54/2015/NĐ-CP harei 8/6/2015 di rajaei tabiak bruk ưu đãi ngan saong bruk pandar ia patak pataom, kein lagaih. Tui tacei pato di phaok thủ tướng , mintri tri khoa học saong công nghệ samar patabiak tiêu chí, tiêu chuẩn pandap thiết bị tui công nghệ bahrau pandar patak pataom ia. Mintri kế hoạch saong đầu tư dang tabiak, pambuak bruk saong dom mintri, jabat pambuak bruk patabiak angan pandap, thiết bị tui công nghệ bahrau pandar ia patak pataom bo dalam taneh ia ngak hu.

/ Sang bac ĐH tây Nguyên barau brei thau dom angan daok kuhria brei padeih bac saong cảnh báo bruk bac daa di 1.041 sinh viên di 8 khoa, ralo di abih nan lac Khoa nông lâm – nghiệp, kinh tế khoa học tự nhiên saong công nghệ, khoa sư phạm…. Bruk cảnh báo, brei padeih bac dom sinh viên yếu kém hu ralo makna, dalam nan ralo sinh viên hu điểm tích lũy biar jang duk saong quy định

/ Tỉnh An Giang tuk camereip ngak hu siam danak dak ngak tabiak njaum, pandap mbang an toàn pambuak saong bruk padang mạng lưới pablei njam, pandap mbang an toàn, piah pabak njam patam, pandap mbang an toàn tal tangin urang blei pandar. Tui amuk Định Thị Việt Huỳnh, phaok giám đốc sở khoa học saong công nghệ tỉnh An Giang, njam nan lac sa dalam 8 nyaom kaya nong praong di tỉnh ngan saong 1.948 ha njam an toàn urak ini daok hu saong pataom ralo di 3 huyện, ban nan lac Chợ Mới, ban sit Long Xuyên, ban sit Châu Đốc.

Khaw tin dunya

# Urang dang akoak dom Đảng chính trị di Đức harei 6/11, hu njauk gauk sa thỏa thuận piah jhul pakhang bruk taduan mek saong langyah dom hồ sơ likau tị nạn. Kuhria tal puac bilan 10, Đức hu taduan raok 758 rabau urang nhập cư, jaik sumu số bo rajaei Đức kuhria dahlau meda taduan raok di thun ini (800 rabau urang). Kuhria dalam bilan 10, hu  labaih 180 rabau urang nhập cư tame Đức. 

# Jabat Thủ tướng Anh barau brei thau taneh ia ini saong Ai Cập daok pambuak bruk khang kajap piah samal pasiam veik dom mbang par nao saong mai meng labik padheih padhaiy Sam en Sếch (Sharm al-Sheikh) hadei di mbang kapal ahaok di Nga laik di bán đảo Sinai ngak ka 224 urang metai. Tổng thống an Sisi ndom lac, halan hatian pambuak bruk saong pabak abih dom caong khin di Anh jeng ye dom taneh ia karei ka dom thủ tục pasang iek an ninh di mblang par di  Sam en Sếch piah brei thau lac dom biện pháp an ninh di mblang par lac ginup saong Sam en Sếch jeng lac sa mblang par  an toàn saong ginup dom kadha cần thiết.

/ Gilang pariak patagok châu Á ADB barau brei TQ mesraiy 100 triệu đô la Mỹ piah patagok dom dự án patrun pandar năng lượng, pamaong tal bruk padeih pandar thủy ngân, patrun phát thải khí nhà kính saong khí độc hại dalam gah hóa chất./.