Khaw tin 10h30 saong 14h30 harei 7-8-2015

 # Bair harei kabroi 6/7, di jabat rajaei , Ủy viên mintri Chính trị, Phó Thủ tướng Nguyễn Xuân Phúc hu taduan raok kapul urang jakar bangsa takik hadah trah tỉnh Bình Thuận, dalam tuk kapul tabiak ravang ban ine Hà Nội saong tame  kalan sirah Chủ tịch Hồ Chí Minh. Di var taduan raok,  Phó Thủ tướng caong khin urang hu angan je di tỉnh Bình Thuận njauk patagok labik dang di drei dalam bhapbini saong mikva dom bangsa takik, lac greh camin hadah trah piah ka dom rai rah anek taco ngak tui.

#  Mesup harei 6/8, di Ha noi, mintri ilamu TT saong DL peih nyaom ginum meyai jalan khik ramik, patagok ilamu di 16 bangsa takik hu menuac ala 10.000 urang. Nyaom meyai hu mbaok dom urang khik iek, ruah duah ilamu, dom urang taha, akaok palei, urang hu angan je di dom bangsa. Di nyaom meyai, urang ndom lac: urak ini hu bruk glaong biar jang gauk gah ilamu di bhap bini dom bangsa takik ala 10.000 urang duk saong dom bangsa karei. Labik dang di bhap bini, di cộng đồng oh ka hu patagok saong oh ka caik njauk labik dalam dom bruk ngak ilamu. Dom bangsa hu menuac dak takik ye rai diuk ilamu dak gaok ralo kan kandah, hu dom bangsa mbuan lahik ilamu di drei. Phaok giáo sư, tiến sĩ Lê Ngọc Thắng, tổng biên tập tạp chí bangsa thời đại brei thau: Dom puk, palei, sa mbon ceik sit hu dom baoh sang diuk rai pambuak saong ceik glai, kraong caraoh, mblang hamu. Min urak ini dom baoh sang nan hu ba nao daok yau sa khu phố ye nyu palai pajoa biak ralo cảnh quan sinh thái. Nyu yau brei mboh dom nguy cơ biak khang. Dom urang ilamu ndom lac brei hu sa labik hu takik di abih 20 ribau menuac piah khik hu sap ndom panuac puac, ala 10 ribau menuac lac biak takik, dom urang Ơ Đu urak ini meda lac sap ndom panuac puac oh daok tra. 

# Adit pataom alat ragam meng kan ASEAN (1/8 tal 6/8)  barau tamat blaoh di melam kabroi  (6/8), di sang daoh Lam Sơn, tỉnh Thanh Hóa. Dalam dom harei rah tabiak, dom nghệ sỹ di Việt Nam saong dom taneh ia thành viên ASEAN hu brei mboh dom gheih mekre biak karei, dom yaom glaong hadah trah ndung bak ilimo di yaok bangsa, ngak ka urang mai jaik gauk jang saong thau jang ka raidiuk ilimo, adat cambat tanarakun saong bruk tinh te di alat ragam di dom taneh ia ASEAN.

# Rajaei pandar mintri pato megru patui tacei pato peih ngak khang danak dak di rajaei peih ngak sarak TƯ 8, mbang XI ka bruk salih barau taong abih bruk pato megru. Tacei pato peih ngak siam bruk palih ruah tame đại học saong cao đẳng thun 2015 saong danak dak bruk ngak thun bac barau 2015 – 2016.

# Harei kabroi (6/8), 12 urang ngak ikan Bình Định gaok bala, dalam nan hu sa urang ngak ikan njauk pandik hatian khang tuk daok taong ikan di bhum tasik Quảng Trị hu pasak pambuak bruk duah hàng hải khu vực II tại Đà Nẵng daong ba tame ar hu siam mekre. Ông Bùi Tấn Nguyên, akaok pasak pambuak bruk dauh hàng hải khu vực II tại Đà Nẵng brei thau : Kapal SAR 274 hu ba abih 12 urang ngak ikan tame tal pabah lamnge di pasak II hu siam mekre. Angaok jalan tame ar hu sa thuyen vien  pandik hatian khang. Pasak II hu brei ka Pasak  Cấp cứu 115 thau piah mai cứu cấp pak di kapal. Tal urak ini  hu tapa kan kandah). 

# Peih bruk pasiam veik gah ngak nông, tỉnh Đồng Tháp palih 5 janih kaya nông daok hu ngak rilo, hu pren merak gauk saong hu darak pasar nan lac padai brah, ikan tra, pa-aok, ada saong bingu kiểng piah patagok bhum chuyên canh, paglaong yaom patagok kaya nông. Tui nan, bruk ramik veik sản xuất, pambuak sản xuất saong pablei tabiak nan lac bruk praong. 

# Ủy ban bhapbini  tỉnh An Giang hu ba tabiak Đề án "Rami ramik veik gah ngak nong tỉnh An Giang tal thun 2020”, saong yaom jien abih tih tui kuhria jaik 2.319 tỷ đồng peih ngak dalam 6 thun meng 2015-2020. Bruk ngak nan piah khik bruk patagok di gah ngak nong, paglaong kein laba saong pren meriak gauk tapa nang suat, chat luong, kein laba saong yaom patagk piah pabak siam jang hatai caong di urang blei saong jhul pakhang bruk pablei tabiak taneh ia langiu.

Patui di ini dom khau tin dunya:

# Meng Oa-sinh-tơn, brei panuac tuk pahadar 70 thun Mỹ plaik mbom nguyên tử trun dua ban praong di NB, urang brei panuac di Nhà trắng Giót Ơ-nét brei thau, karja Mỹ tuk halei jeng caong hu patui jalan pambuak bruk saong NB piah jhuk pakhang bruk ngak pamaong tal sa dunya oh hu vũ khí hạt nhân. Ong  ơ nét ndom lac, Mỹ tuk halei jeng iek harei 6/8 saong harei 9/8 yaok thun lac harei di suy tư ảm đạm. Min ini lac harei pahadar taneh ia Mỹ peih ngak dom sanya piah padang sa dunya sron mbon saong hadah hadai jang.

# Harei 6.8, gah chức trách Nga daok cuh klak labaih 7 tấn phô-mai saong yaok pluh tấn baok kayau asal di châu Âu. Bruk ini ndih dalam bruk cuh klak oh taong abih dom janih pandap mbang menyum, kaya nong Chau Au bo Nga pakauk brei tame, piah trả đũa  dom lệnh trừng phạt  di phương Tây pambuak tal bruk srau kadau  di Ucraina.

# Harei kabroi, yaok ribau urang di Đài Loan, Trung Quoc njauk panduan nao piah nyaik ribuk Su-đơ-lo, hu iek lac khang di abih dalam thun ini, daok tuh mai jaik takai tasik gah timur pulao ini. Tui kuhria, ribuk nyu khang jang tuk tuh tame Đài Loan gam tui hajan praong. Ribuk Su-đơ-lo hadei di nan puh khang dom labik gah timur saong gah kreih negar bhum taneh ini dalam harei 7 saong harei 8/8. Gah urang ngak praong Đài Loan hu panuan jaik 2 ribau 600 urang nan lac tuai damuai saong bhap bini tabiak truh pulao hijao saong pulao Phong Lan gah timur./.