# Harei kabroi (7/3) pak bal Cần Thơ, Thủ tướng Nguyễn Tấn Dũng pal kaok Nyaom biai Ban pato tacei Tây Nam bộ, dom tỉnh, bal dalam bhum taneran kraong Cửu Long piah yasa dom jalan ngak anak meta piah patrun takik abih dom khat lahik mai meng tua riya pandiak bhang. Urak ini, 160 ribau ha padai Đông Xuân daok khut khat kayua njaom mbak, ngak  khat lahik labaih 5 ribau tỷ đồng saong ngak kan kandah tapak tal 1 triệu 500 ribau urang. Thủ tướng Nguyễn Tấn Dũng pandar dom tỉnh dalam bhum taneran ngak abih jalan, ngak ka bahu bruk ba brei aia hacih mai ka bhap bani, oh caik tamuh tabiak jit ruak.

# Di HN, tui bruk tacei ba di akaok QH Nguyễn Sinh Hùng, Ủy ban Thường vụ Quốc hội peih mbang ginum biai ka 46. Dalam mbang nyaom ni, Ủy ban Thường vụ Quốc hội brei panuac ka dự thảo pathau khan bruk ngak mbang 13 di QH, Ủy ban thường vụ Quốc hội;ginum biai dom dự án hukum dok veik piah ngak siam hukum negar, ba hukum negar thun 2013 tame rai duik.

# Harei pataom báo pakat negar 2016 hu angan ieu lac “Uan raok thun bahrau, uan jayak di Nyaom roya Đảng mbang ka 12, uan taneh aia aia 30 thun salih bahrau” meda rah tabiak meng harei 13 tal 15/3 pak baoh sang Hội Nhà báo Việt Nam di Hà Nội. Ini lac mbang akaok meti peih harei pataom báo pakat negar. Harei pataom báo Xuân pakat negar hu peih ngak 5 thun sa mbang.

Pathau mikva saong taong abih gauk! Tukvak pahadar 106 thun harei Dunya urang kamei 8/3, dom harei tapa dalam saong langiu negar hu rah tabiak ralo bruk pok glaong urang kamei Việt Nam biak hu yaom glaong.

# Harei 7/3 di HN, jabat LHQ di VN peih nyaom biai ngan song kadha “Dam dara yam tagok kayua dunya samu gauk 50-50” Nyaom biai lac jalan peih tabiak ka dam dara duah thau dom kham merat di LHQ, rajaei dalam bruk jhul pakhang likei kumei samu gauk di VN,  daong ka dam dara tah klak dom bruk phân biệt đối xử song likei kumei oh samu gauk ngan song urang kamei, jeng yau uranaih kumei.

# Harei kabroi 7-3, Meyim urang kamei Việt Nam pambuak haong Liên hiệp quốc ka Bình đẳng giới saong pok brei quyền ka urang kamei Việt Nam peih pakak parang iek “Diuk chung haong bala meng langik tasik – bruk di urang kamei”. Mbang parang iek hu parang 300 thaik binguk, drap ar vak gilac dalikan duh hatai ka dom bhum taneh, glaih glar di urang kamei Quảng Bình saong Thừa Thiên Huế  hadei di dom mbang ribuk dak rai sajarah. Taphia di nan pok glaong tinh thần, ý chí yam tagok di urang kamei labik ribuk.

# Di jalan tapuk ban raya HCM, beir harei kabroi 7/3 adit peih bruk pambuak urang kamei song ilamu puac ngan saong kadha “ bingu hồng brei ka amaik song adei” hu peih mbaok  adit ilamu ni dalam nan hu rilo danak dak hu makna yau: “ parang iek, urang kamei song harak tapuk VN” parang iek thaot binguk “ 40 thun dak padang song patagok báo phụ nữ ban raya HCM, dom kadha ka bruk tâm lý, likhah caga,, boh sang, ngak siam binai.

# Kapul urang kamei Việt daok pak Na Uy hu peih danak dak pataom mbaok, ndom biai nao mai pok glaong dom phẩm chất siam gheih di urang kamei Việt Nam, taphia di nan patagok jang vai trò di urang kamei dalam bruk daong ba gauk, ngak brei patagok bruk rai diuk di bhap bani.  

Patui di ni dom khau tin dunya:

# Malaixia dok pasang iek dom candaih pacah ka 2 di boh kapan haoh MH370 bahrau duah mboh di angaok palao Rê-uy-ni-ông (Reunion) di Ấn Độ Dương. Akaok mintri Giao thông vận tải brei thau, negar ni dok cang thau bruk pasang iek 2 candaih pacah hu duah mboh bahrau ni di Mô-dăm-bích song palao Rê-uy-ni-ông piah ba tabiak dom tong yaom cambaih laih jang ka mbang njauk bala atah di ni 2 thun.

# Hạ viện Italy meda tuan hala dok rủ dalam harei Dunya urang kamei 8/3 piah lên án tệ bạo hành ngan haong urang kamei piah patui veik taong tagok sa hồi chuông cảnh tỉnh ngan haong rahta ka bruk kanjah jhak ini. Viện Roh duah dom kadha kinh tế saong xã hội Italy (Eures) brei thau thun dahlau hu jaik 160 urang kamei Italy njauk pametai, ngan haong 2/3 dalam nan metai dalam tangin pasang atau ayut raham di kreh pak daning sang. 

# Tổng thống In-đô-nê-sia Uy-đô-đô hu panuac pachreih dom negar Islam di dunya jum pataom song urang Palestin.  Brei panuac dalam nyaom biai pakat glong di kapul pambuak bruk Islam di ban ine Gia-các-ta - negar In-đô-nê-sia, ong Uy-đô-đô ndom la, dunya daok duh hatai ka bruk dok kanyah jhak di Palestin jiak di ni song hu panuac chỉ trích dom jalan ngak suan di Ixraen. Ong ndom lac dom taneh ia Islam njauk lac sa binah ka jalan ngak dalam bruk mesruk gauk di Ixraen haongPalestin./.