# Patui veik danak dak mbang nyaom ka 11, harei ini (8/4) Quốc hội peih bruk bầu Phaok Akaok negar, Chánh án Tòa án bhap bani pakat glaong, Viện trưởng Viện Kiểm sát bhap bani pakat glaong saong ngak njauk tui hukum brei padeih dom Phaok Thủ tướng, dom akaok Mentri saong dom urang karei di Raja-ei. Dahlau di nan, Quốc hội brei tapa dom Sarak ka bruk brei padeih ngak Phaok akaok negar ngan haong amuk Nguyễn Thị Doan, brei padeih ngak Chánh án Tòa án bhap bani pakat glaong ngan haong ong Trương Hòa Bình,  brei padeih ngak Viện trưởng Viện Kiểm sát bhap bani pakat glaong ngan haong ong Nguyễn Hòa Bình. Taphia di nan pang Akaok negar Trần Đại Quang puac harak brei thau thau ka dự kiến nhân sự piah Quốc hội palih ruah Phaok Akaok negar, Chánh án Tòa án bhap bani pakat glaong, Viện trưởng Viện kiểm sát bhap bani pakat glaong.

# Di HN, ong Phạm Bình Minh, Ủy viên mintri Chính trị, Phó Thủ tướng, akaok mintri Ngoại giao bahrau taduan raok ginum biai haong akaok mintri ngoại giao song Hợp tác Ti-mo Lét-xtê E-na-ni Cô-en-lu đa Xin-va dok mai rivang VN. Di mbang ginum biai dua akaok mintri ndom lac, dua gah daok brei patagok talei pambuak bruk dalam dom mbang ginum biai di dom gah ka bruk biển đông, dua gah njauk hatai brei khik caga an ninh, salamat jalan tasik, jalan lingik, langyah bruk meriak gauk meng dom jalan ngak siam mekre  tui adat hukum dunya, khik kajap hòa bình, tani tanat di khu vực

# Sở Ngak nong saong patagok palei pala tỉnh Bình Định bahrau ngak salah blaoh bản đồ parabha labik mbuan rah tabiak khuah glai tukvak 2016-2020. Tui nan, 11/11 huyện, bal sit, bal prong dalam tỉnh Bình Định hu ngak salah blaoh bản đồ ini. Ini lac dom puk palei hu mblang taneh glai prong, nguy cơ khuah glai glaong. Anak bruk tua riya pandiak bhang dui atah... bản đồ parabha labik trọng điểm mbuan khuah glai meda hu daong ba ka bruk tacei pato, jak ba manuac urang hu mbaok tame bruk padam khuah hu mbuan laghaih saong siam mekre jang.

# Hadei di tuk mintri y tế brei thau 2 urang camereip njom virut Zika di negar drei, ban Đà Nẵng brei tagok tanut pacang caga jit ruak ni. Di dom pambah tasik, mblang kapan haoh, Pasak dut iek y tế dunya hu pambuak bruk song dom jabat, dom mblang kapan haoh bhian klah rabha  bruk tui iek song xử lý y tế, ngak habar ka taong abih urang xuất, nhập cảnh jeng hu pasang iek thân nhiệt , tabiak jalan caga tuk hu urang medhil ruak virut Zika. .

# Kayua pambak di El Ninô tua riya pandiak bhang dui atah ngak ka labaih 6.000 baoh sang pak Cà Mau njauk nao blei aia taba piah pandar ngan haong yaom 45.000 đồng/m3 piah duh ka hatai caong khin pandar yaok harei. Piah pasiam veik bruk ini, Ủy ban bhap bani tỉnh Cà Mau tacei pato Sở Ngak nong saong patagok palei pala tỉnh pambuak haong dom Sở, ngành pambuak pagam tal peih ngak dom jalan daong ka bhap bani yau: daong brei bồn padang aia, phương tiện pajeng aia hacih nao tal labik piah brei ka mikva saong oh caik ka bhap bani njauk nao blei aia pandar ngan haong yaom glaong yau nan. 

# Tỉnh Ninh Thuận hu 8 boh kapan ikan hu padang bahrau tui sarak 67 di rajaei, dalam nan 7 kapan daok tabiak tasik, tuk camereip mboh hu kein laba, yaok mbang tabiak tasik liba hu yaok rituh triệu đồng. Min dok sa kapan dịch vụ hậu cần tong ikan urak ni oh ka tabiak tasik. Nan lac kapan kanduh pasei di ong  Dương Văn Thanh di  phường Mỹ Đông, ban sit  Phan Rang – Tháp Chàm hu padang ngak tui sarak 67 di rajaei. Ong Đặng Văn Tín, akaok Chi cục khik caga  song taong chap kaya ikan Ninh Thuận brei thau: Tui nghị định 67,  ong Dương Văn Thanh njauk nộp phí trước bạ. Min sang ong jeng kan kandah saong pachreih urang tong ikan likau miễn lệ phí trước bạ, khol hulin daok pathau tagok gah angaok piah tui iek roh duah langyah bruk ni

# Tỉnh Sóc Trăng bahrau peih bruk pataom mbaok harei tết Chol – Chnam – Thmay saong pahadar 70 thun Harei dak padang jabat khik iek karja ka bruk bangsa. Pak van pataom mbaok, lambaok urang jakar bangsa, sư sãi brei mboh hatai bui sambai anak bruk sangka daong ba di Đảng, Karja ngan haong bhap bani Khmer. Đại đức Sơn Minh Hiền, urang dang akaok baha Đơm Po, huyện Trần Đề, tỉnh Sóc Trăng brei thau: Tết Chol Chnam Thmay meng kan di bhap bani Khmer rah tabiak yaok thun sa mbang. Kayua nan ye, biak lac kadha bui sambai prong tuk hu Đảng, Karja sangka tal, iek glang tal sư sãi, urang jakar bhap bani biak di nyu lac mikva bangsa Khmer palaghaih điều kiện uan raok Chol Chhnam Thmay dalam bui sambai.

Patui di ni dom khau tin dunya:

# Ủy ban luận tội di Quốc hội Bra-xin brei thau, hu jalan piah luận tội Tổng thống negar ni , muk Đin-ma Rút- xép (Dilma Rousseff), kayua ngak suan hukum jien padai tuk “ ngak siam” bruk thống kê kadung jien karja thun 2014 piah ba jalan ka muk tagok rai veik. Tui kuhria, Ủy ban Hạ viện hu 65 urang di QH Bra-xin meda buh phiếu ka bruk ni dalam akaok adit tal. Hadei di nan, mek kết quả nan pathau tagok  QH di puac adit tal.

# Sa harei hadei di tuk Thủ tướng Ai-xơ-len Xi-mun-đu Đa-vít Gun-láp-xơn (Sigmundur David Gunnlaugsson) njauk từ chức kayua bế bối pambuak pagam tal bruk rò rỉ “Hồ sơ Pa-na-ma”, đảng Tiến bộ, đảng pal quyền Ai-xơ-len hu tacei pandar ong Xi-gơ-đu In-ghi Giô-han-sơn (Sigurdur Ingi Johannsson) ngak Thủ tướng bahrau di negar ini. Panuac brei thau di đảng cầm quyền jeng brei thau, Ai-xơ-len meda peih ngak dom mbang bầu cử samar dalam bilan thu tal.

# Jabat An toàn giao thông pakat negar  Mỹ (NHTSA) bahrau brei thau lac hu sa urang tra di Mỹ jeng sa urang bahrau di abih metai kayua  lỗi túi khí hiệu Ta-ka-ta (Takata) caik dalam dom radeih peih di Mỹ. Urang lac sa urang kamei umo 17 thun mai meng bang Tếch-dát (Texas), dok peih radeih di angaok jalan ye radeih gaok bala song kadung khí Ta-ka-ta  nyu patuh hadei di nan nan ngak ka urang metai di labik. Bruk rah tabiak harei 31/3 meng bloh nyu patagok urang metai kayua lỗi kadung khí Ta-ka-ta di Mỹ tagok 11 urang. Lingiu di nan, kuhria tal urak ni jeng hu 100 urang njauk rambuac kayua lỗi kỹ thuật ni./.