# Taduan panuac daa di Thủ tướng rajaei Nhật Bản Sin-dô A-bê, Tổng Bí thư Ban Chấp hành Trung ương Đảng Cộng sản Việt Nam Nguyễn Phú Trọng meda nao rivang Nhật Bản meng harei 15 tal harei 18/9/2015. Mbang nao rivang ini piah jhul pakhang saong ngak pakajap jang talei pambuak bruk prong dalam, kayua sron mbon saong kaya meda di Châu Á di Việt Nam song Nhật Bản.

# Harei kabroi 7/9, di HN, Bộ Tổng Tham mưu bol bala bhap bini Việt Nam hu peih mbang pahadar 70 thun harei padang tabiak (7/9/1945 - 7/9/2015). Lambaok urang dang akaok đảng saong karja, akaok negar ong Trương Tấn Sang hu pok brei Huân chương quân công hạng I ka Bộ Tổng tham mưu bol bala bhap bini Việt Nam.

# Harei 7/9 nan lac harei puac abih dom sang bac đại học, cao đẳng  taduan mek hồ sơ di thí sinh pilih ruah nguyện vọng 2. Tui kuhria mboh di  dom sang bac đại học, cao đẳng, tal biar harei 7/9, lac harei puac abih di mbang 2 pilih ruah đại học, cao đẳng 2015 tok hu takik thí sinh mai nộp hồ sơ tut angan tapak . Piah pachreih saong palaghaih ka thí sinh, dom sang bac brei ba-ar tame bac ngan haong dom anek saih angaok 15 điểm. Yaom lac yau nan, meng harei akaok mereip pilih ruah (26/8) tal ini, ralo sang bac jeng oh ka pilih ruah ginup tanut ba tabiak. 

# Anak bruk pandar janih oh brei pandar dalam bruk raong glang dak harei dak rilo di dom puk palei, abih di nyu nan lac di dom tỉnh, ban gah meraong, mintri ngak nông saong patagok palei pala barau hu chỉ thị brei patagok khik iek janih oh brei pandar dalam raong glang. Tui nan, di dom cơ sở, trang trại raong glang, hu nao pasang iek pandap mbang raong glang, abih di nyu nan lac ia me-ik athur di tukvak raong palimek, tuk pablei pabui ralo, limo ralo. Ngan saong lò sik ngak ralo, pasang iek dom mẫu ralo, gan thận, abih di nyu nan lac ia me-ik di pabui, limo dahlau di tuk ba tame sik ngak ralo. Di dom darak, pasang iek dom mẫu ralo, gan, thận di pabui, limo.

# Công ty Khai thác công trình thủy lợi tỉnh Bình Định daok peih bruk pasiam veik, paglaong 37 hạng mục công trình thủy lợi kuhria caga ka bilan hajan ribuk. Dom hạng mục công trình thủy lợi hu phun jien buh tame prong yau: pasiam veik, paglaong kênh ba aia Sông Côn - Hà Thanh, xã Phước Lộc, huyện Tuy Phước; pakajap ribaong ba aia binek Suối Tre, xã Cát Lâm, huyện Phù Cát... Ong Nguyễn Văn Phú, Akaok Công ty Khai thác công trình thủy lợi Bình Định, brei thau: Urak ini Công ty daok pataom tame ngak dom dự toán saong thiết kế piah ba tagok Sở Ngak nong saong patagok palei pala Bình Định mong iek saong mboh tangin. Suai abih nan lac harei 10/9 njauk peih ngak dahlau di tuk hajan prong di gah kreh negar ye ngak blaoh saong an toàn dom công trình nan lac siam, daok caik tal bilan hajan ribuk ye glaih glar ralo. 

# Tal urak ini, Kapul meta maong dunya hu daong tỉnh Quảng trị labaih 80 tỉ đồng padang ngak co sở vật chất saong blei pandap bac da-a, daong jien pasram paglaong ilamu gru pato, daong anek saih gaok kan kandah, bhum ceik, bhap bini bangsa takik. Bruk daong ini hu daong ka gah pato megru tỉnh Quảng Trị hu mbuan lagaih piah peih bruk pato megru barau dalam thun bac barau ini.

# Dom sang iek ruak Uranaih pak bal raya Hồ Chí Minh brei thau, gam gam meng bilan 7 tal ini, uranaih tame sang iek ruak piah iek ruak pandiak tabiak darah mboh ralo, hu labaih 100 uranaih dalam sa harei ndih iek ruak. Tui kuhria mboh di Viện Pasteur Bal raya Hồ Chí Minh, meng akaok thun tal ini, dom tỉnh gah Meraong hu labaih 22 ribau urang njauk ruak pandiak tabiak darah, tagok 54% dut haong tukvak ini thun dahlau. Abih di nyu, hu blaoh 16 urang metai kayua ruak pandiak tabiak darah. Urak ini, dom tỉnh gah meraong jeng daok jaik 3 bilan hajan tra, kayua nan ye ruak pandiak tabiak darah daok tagok glaong.

Patui di ini dom khau tin dunya:

# Mintri tư pháp NB barau brei thau, dalam tukvak tal taneh ia ini hu pandar thiết bị di động meda thaot hu mbaok saong mek hu vân tay  tuai negar langiu mai tame NB. Thiết bị di động ini hu thaot mbaok, mek dấu vân tay tuai negar langiu dalam tukvak urang xếp hàng ngak harak gar, hadei di nan payua dom thông tin tal labik ngak harak nhập cảnh. Thiết bị di động barau ini oh lac dui panak sa meteh tukvak ngak harak gar nhập cảnh bo daok daong ngak patrun áp lực trách nhiệm ngan saong nhân viên hải quan.

# Dom urang ngak bruk dalam Kapul chữ thập đỏ Hàn Quốc saong Cộng hòa dân chủ bhap bani Triều Tiên bahrau peih bruk ginum biai pakat chuyên viên ka bruk ba pataom dom baoh sang najuk atah gauk dalam mbang mesruh metak liên Triều (1950-1953). Pak mbang di ginum biai ini, dua gah pataom tame ndom ka tukvak, labik jang yau quy mô di mbang ba pataom, tui kuhria hu peih ngak dalam akaok bilan 10 tal. Ppk panuac ndom haong báo chí dahlau di mban ginum biai dom urang lambaok Hàn Quốc ndom lac meda kham merat abih drei piah pabak veik hatai caong khin di dom baoh sang njauk pa-atah.

# Jabat điều phối dom bruk ngak pahala di LHQ brei thau, taneh ia Anh barau rik daong 10 triệu đô la daong ngak pahala ka xu đăng. Yaom jien ini hu daong ka bruk ngak pahala ka urang xu đăng hu kein lagaih jang. Yaom jien rik daong meng Anh hu daong ka dom bruk ngak pahala hu siam jang tui bruk daok caong di bhap bini xu đăng. Tui jabat điều phối dom bruk ngak pahala di LHQ, jaik 5,4 triệu urang xu đăng daok caong hu daong pahala./.