# Biar harei  kabroi,  Ủy viên Bộ Chính trị, Phaok akaok Quốc hội Nguyễn Thị Kim Ngân hu taduan raok ong Tsutomo Takebe (T-su-tô-mô Ta-kê-bê), Cố vấn đặc biệt Liên minh nghị sỹ hữu nghị Nhật-Việt daok  rivang saong ngak bruk pak Việt Nam. Ong Tsutomo Takebe brei thau: hadei di tuk peih khóa đào tạo thạc sỹ akaok meti dalam bilan 9/2016 bahrau ini, gah Nhật Bản meda patui veik pambuak catang haong dom jabat chức năng di Việt Nam piah va Sang bac Đại học Việt-Nhật patagok jeng sa dalam dom sang bac đại học ndung bak pakat dunya.

# Thủ tướng rajaei Nguyễn Tấn Dũng bahrau hu harak njauk hatai ka bruk kapan gaiy duh ka bruk pasang iek Hải quan di Tổng cục Hải quan, mintri jien padai hu tut angan khik caga tui jalan tut angan kapan gaiy di mintri Quốc phòng. Thủ tướng rajaei hu panuac ieu gah Hải quan patui ngak siam bruk khik iek pacang caga buôn lậu, pajeng ba suan adat hukum pandap panda tapa jalan negar, khik caga an ninh kinh tế negar

# Anak bruk ralo negar dalam khu vực saong jaik tapen negar Việt Nam  brei thau ka bruk hu mbaok di virus Zika, Mentri Y tế patui veik pachreih bhap bani nao meng labik hu jit ruak mai, meyah mboh nghi ngờ, njauk nao tal dom labik y tế piah hu pasang iek oh abih jien. Tui Gah Y tế Dunya, meng akaok thun 2015 tal ini hu 41 negar saong bhum taneh brei thau hu virus Zika, dalam nan Lào lac negar bahrau abih.

# Ub bhap bini ni tỉnh Khánh Hòa bahrau hu panuac tacei dom sở, ngành, palei pala tagok bruk tui iek, xử lý, labik pablei salih tagok yaom, kateik greik tuai damuia, pandar trang web di  sở Văn hóa, Thể thao song Du lịch song pasak Xúc tiến du lịch Khánh Hòa brei thau angan dom labik ngak mbang oh siam piah ka bhap bini saong tuai damuia thau. Lingiu di nan, brei menuac di drei khik caga an ninh langyah chip dom bruk rah tabiak pambuak tal du lịch.

# Harei 8/3, pak tỉnh Bình Phước, Kapul cao su Việt Nam pambuak haong Công ty MDF Dongwha peih ngak vaktu 2 sang mac chế biến kayau MDF VRG Dongwha. Dự án padang talei chuyền 2 hu yaom jien buh tame 70 triệu USD, công suất 180.000 m3 kayau sa thun, tui kuhria meda ngak blaoh dalam bilan 3/2017.

# Tal tuk vak ni, tong abih mblang taneh khat lihik  di  tỉnh Kiên Giang bhum  U Minh Thượng  tagok labaih 55 ha ribau ha, rilo jang 11 ribau ha dut song 34 ribau ha brei thau dahlau di nan. UB bhap bini tỉnh Kiên Giang hu tacei Sở ngak nong song patagok palei pala samar duah thau, ba tabiak jalan dong ka urang nong

# Sáng kiến “Hệ thống kỹ thuật số khik iek bruk tiêm chủng pak tỉnh Bến Tre” bahrau taduan giải thưởng “Salih bahrau dalam bruk iek glang pren yava mbang ka 3” kayua Kapul nyaom Glaxo Smith Kline saong Kapul nyaom daong ba uranaih peih ngak, yaom labaih 400.000 đô la Mỹ. Salih ka dahlau diah lac khik piah hồ sơ tiêm chủng tui jalan vak tangin gam lahik tukvak gam mbuan talaik, ini dom urang jakar y tế tỉnh Bến Tre hu pandar mac tính atau điện thoại thông minh piah giám sát dom kho khik piah vắc xin, taduan mek đăng ký tiêm chủng ka urang kamei metian saong uranaih, taphia di nan tui iek dom mũi vắc xin piah kluak ka dom đối tượng biak chính xác saong mbuan laghaih

Khaw tin dunya:

# Không quân Mỹ daok khik dom mbang par pasang iek yaok harei di biển đông yaom lac Trung Quốc daok ba tabiak tên lửa đất đối không song kapan haoh mesruh di labik ni. Ni lac panuac di Tư lệnh Không quân Thái Bình Dương di  Mỹ, tướng Lori Rôbinsơn (Lori Robinson) ba tabiak di Ôxtrâylia, meng di tuk Ngoại trưởng Trung Quốc Vương Nghị hu panuac lac oh brei adat ka dom negar lih tame labik ieu lac “chủ quyền” bo Bắc Kinh lac di drei di angaok biển đông. Tướng Lori Robinson pachreih dom negar karei peih ngak bruk tự do hàng hải song hàng không angaok bhum tasik song bhum langik dunya di Biển Đông, meyah oh KHIN lihik nao quyền ni dalam khu vực.

# Kapul urang lambaok quân sự Việt Nam kayua Thượng tướng Võ Văn Tuấn, Phaok Tổng tham mưu trưởng Quân đội bhap bani Việt Nam ba akaok hu mbaok tame mbang “Pasram iek thực binh pambuak haong bruk ngak mìn pahla saong Khik iek hòa bình” lực lượng 18 negar hu rah tabiak meng harei  2 tal harei 8 bilan 3 pak Cộng hòa Ấn Độ. Dalam 7 harei diễn tập, 260 sỹ quan saong bol lin dalam lực lượng quân đội dom negar thực hành diễn tập ka bruk ngak di drei pak phái bộ di Liên hiệp quốc,  khik caga bhap bani saong kapul nyaom  hộ tống, pasang iek saong peih ngak mesruh metak bhian harei.

# 2 thun hadei di bruk lihik kapan haoh MH370 di Hãng kapan haoh Ma-lai-xia , dom urang điều tra pakat dunya oh meda ba tabiak panuac kết luận bruk rah tabiak di kapan haoh nan. Nyaom roh duah pakat dunya di Malaixia pang akaok harei kabroi 8/3 ba tabiak pathau khan yaok thun ka bruk lihik di boh kapan haoh oh hu ba tabiak khau tin bahrau halei gam tal bruk lihik di kapan haoh MH370./.