# Pak jabat Trung ương Đảng, đồng chí Trương Thị Mai, Ủy viên Bộ Chính trị, Bí thư Trung ương Đảng, Akaok Ban Dân vận Trung ương bahrau taduan raok Kapul urang lambaok Kapul urang kamei Lào, kayua amuk In-la-văn Kẹo-bun-phăn, Ủy viên Trung ương Đảng bhap bani cách mạng Lào, Akaok kapul urang kamei Lào ba akaok mai rivang saong ngak bruk pak Việt Nam. Pak van taduan raok, amuk In-la-văn Kẹo-bun-phăn ndom lac, Kapul urang kamei Lào tuk halei jeng pambuak pagam haong Kapul urang kamei Việt Nam patagok dom bruk pambuak gauk nao mai dua gah, ngak brei pakhang pakajap jang talei rohim gul pataom biak karei Lào - Việt Nam.

# Mintri Thông tin song Truyền thông pambuak bruk song UB bhap bini tỉnh Lào Cai bahrau peih pakak Cụm thông tin đối ngoại di pabah mbang negar jalan kabak ka 2 Kim Thành. Cụm thông tin đối ngoại ni hu padang tagok piah pabak bruk pathau khan đối ngoại di labik pabah mbang negar, dong yaih khan thaot binguk taneh ia, anek menuac VN tabiak dunya, paglong akaok sahaneng, bruk ngak di bhap bini dalam khik caga chủ quyền, palei negar, dong ka tỉnh Lào Cai samar jang dalam bruk pabak khau tin đối ngoại, dui pachreih urang buh jien tabiak ngak mbang patagok kinh tế - xã hội.

# Tà Chải nan lac xã điển hình di huyện Bắc Hà, tỉnh Lào Cai hu ngak salah blaoh hadei di 4 thun peih ngak danak dak padang ngak palei pala bahrau tukvak 2011 – 2015. Tỷ lệ baoh sang kathaot tal ini daok tok 8,36%, jien mek tame kuhria tui akaok menuac jaik 18,23 triệu đồng sa urang dalam sa thu. Bruk ngak siam di Tà Chải dom thun jaik di ini lac caik hatai tal bruk pasiam veik, khik ramik saong patagok dom yaom ilamo ndung bak asal ilamo pambuak pagam haong patagok bruk rivang ma-in cộng đồng. 

# Piah dong ka mik va bhum pandiak thu di tỉnh Bình Thuận hu ia pandar, Lữ đoàn 681 di bhum 2 Hải quân hu ba dom urang karja, urang lin gam song radeih bồn pajeng ia taba  brei saoh ka bhap bini xã Vĩnh Hảo huyện Tuy Phong. Kuhria tal urak ni, hu labaih 70 radeih ia ( labaih 280 m3) ba brei ka mik va pandar. Urak ni di xã Vĩnh Hảo hu labaih 450 boh sang oh hu ia pandar, rilo meng lac di 2 palei Vĩnh Sơn song Vĩnh Hải. 

5 # Hadei di tuk hu thau ka urang akaok meti njaom mbak vi rút zika pak  phường Phước Hòa, bal Nha Trang, tỉnh Khánh Hòa hu peih bruk pruh hóa chất pametai jamaok pak 5 phường dalam bal hu urang nghi ngờ njauk vi rút zika. Bác sỹ Lê Phán, Akaok pasak Y tế bal Nha Trang, tỉnh Khánh Hòa brei thau: 5 phường ini, hu brei mboh nguy cơ glaong, hu dom urang drei nghi ngờ meda hu urang njauk ruak. Gam pacang caga zika saong pandiak tabiak darah. Bruk oruh jru ini nan lac pambuak gauk di Pasak Y tế bal Nha Trang saong Pasak Y tế pacang caga, dalam tukvak pasang iek, nghi ngờ, pataom tame ini. Cơ sở vật chất, pandap panda, manuac urang nao pruh jru oh kurang. Kapul nao pruh  8 urang min tuk trun ngak ye njauk pah jang urang ngak pak nan.

# Sa mbang khuak prong bahrau rah tabiak di labik dok padang pasak  Hội nghị ndam likhah di labik 443 - 445 jalan Lê Hồng Phong, phường 2, quận 10, ban raya HCM. Dom minite hadei, gah cảnh sát pacang padam khuak hu ba yaok pluh radaih padam pui mai tal, samar pacang padam khuak. Hadei di 15 minite, pui hu pacang padam. Tal 18 tuk meteh, labik ni jeng dok hu pacang khik piah palagaih ka bruk padam pui. Urak ni bruk khuah ni dok hu duah thau makna kayua halei.  

# Liên hiệp hợp tác xã thương mại bal raya Hồ Chí Minh (Saigon-Co.op) bahrau tabiak hợp tác xã blei pandar akaok meti pak Việt Nam, tukvak pahadar 20 thun dak padang (1996-2016). Tuai damuai thành viên saong tuai VIP pak bal raya Hồ Chí Minh meda hu mbaok tame rik jien phun dak padang hợp tác xã blei pandar saong hu jeng thành thành viên di Co.opmart. Tanut rik jien phun biar di abih meng 100 ribau đồng tal 6 tỷ đồng. Urang rik jien phun meda hu parabha jien jhung pambak tui phun jien rik, tui doanh số blei pandap saong hu biểu quyết ka dom sarak peih ngak di hợp tác xã.

Khaw tin dunya:

# Cảnh sát Hàn Quốc brei thau, Cộng hòa dân chủ bhap bini Triều Tiên prai truyền đơn song dom đĩa CD hu panuac ndom oh siam tal thống? Hàn Quốc Pắc-cưn Hê (Park Geun-hye) song Đảng cầm quyền di negar ni. Cảnh sát patom mek hu labaih 20 ribau blah truyền đơn song 40 đĩa CD di bhum Gô-y-ang (Goyang), dalam tỉnh Gi-ê-ong-gi (Gyeonggi), gah tây bắc Xơ-un.Dahlau di nan, cảnh sát jeng hu duah mboh yaok pluh blah truyền đơn chỉ trích bol bala Hàn Quốc song dom mbang tập trận di negar ni song Mỹ di labik pasak ban ine Xơ-un.

# Sa harei hadei di tuk taduan mek bruk jao veik meng Raja-ei tự phong pak bal ine Tri-pô-li, Raja-ei gul pataom bangsa bahrau dak padang pak Li-bi saong hu dunya công nhận, patui veik peih ngak jang dom yam nao quan trọng tra piah pakajap quyền lực di drei. Tui nan, Raja-ei bahrau hu taduan mek jang dom jabat jien padai saong công sở pak Tri-pô-li. Raja-ei gul pataom bangsa pak Li-bi hu dak padang tui panuac sanya klah rabha quyền lực di dom urang dak padang adat hukum negar ini meng bilan 12 thun dahlau.

# Rajaei Panama tabiak panuac lac, brei padang sa ủy ban độc lập piah pasang iek veik bruk jien ndua di negar ni, hadei di mbang rò rỉ dữ liệu hu ieu lac “Hồ sơ Panama”, ngak oh siam tal angan je di rilo urang pan akaok di dunya. Tổng thống Các-lốt Va-re-la ndom lac, Panama meda pambuak bruk song dom negar karei duah thau bruk rò rỉ khau tin nan. Ong jeng hu panuac ieu rajaei dom negar peih bruk ndom biai tantu, hu trách nhiệm piah ginum biai ka bruk ni tui dom adat dunya ka bruk khik ramik jien padai./.