# Harei 8/9, pak jabat Quốc hội, amuk Tòng Thị Phóng, Phaok Akaok Quốc hội hu taduan raok ong Xan-ti-a-gô Pê-rết Cát-tê-gia-nô, Akaok Mban Ngak nong saong pandap panda kaya mbang Trung ương, Đảng Cộng sản Cu-ba (PCC), daok rivang saong ngak bruk pak Việt Nam. Amuk Tòng Thị Phóng pok meyaom mbang mai rivang di ong Xan-ti-a-gô Pê-rết Cát-tê-gia-nô, saong ndom lac, mbang rivang ini meda ngak brei patagok jang talei rohim pambuak bruk nao mai di dua Đảng, dua negar.

# Rajaei barau patabiak nghị định 70/2015/NĐ-CP tacei pato dom paka di hukum bảo hiểm y tế ngan saong bol bala bhap bini, công an bhap bini saong urang ngak bruk cơ yếu. Tui nan, bruk iek ruak di labik iek ruak hu hợp đồng iek ruak, iek ruak BHYT tui paka 10 saong 11 nghị định ini. Daok iek ruak di labik iek ruak, iek ruak oh hu hợp đồng ye hu kuhria tui jien bayar dalam phạm vi quyền lợi saong yaom mbang tui BHYT min oh tapa tanut ba tabiak di akaok mintri y tế, akaok mintri jien padai. Nghị định hu ba tabiak ngak tui meng harei 15/10/2015.

# Meng akaok thun tal ini, meng phun jien danak dak  135 – vaktu 3, tỉnh Quảng Bình hu buh tabiak jaik 50 tỷ đồng padang ngak dom công trình jalan mbak nao mai, thủy lợi, sang bac pak bhum kan kandah bhap bani urang bangsa takik. Langiu di nan, tỉnh Quảng Bình daok brei phun jien, pajaih phun pala, blei jamriak ngak pandap panda, daong ka mikva cakrok patagok bruk ngak mbang pala drak... mai meng nan baoh sang kathaot dak thun dak trun. Ong Nguyễn Lương Cương, Chánh Văn phòng Ban Dân tộc tỉnh Quảng Bình brei thau: Danak dak 135hu ba mai rilo siam lagai,  langyah hu dom kan kandah dalam rai diuk mbang angui di bhap bani bangsa takik. Taong abih dom xã bhap bani urang bangsa takik hu jalan radaih 4 baoh nao tame pasak xã, lagaih ka bhap bani nao mai, pajeng ba pandap panda, patagok bruk ngak mbang pala drak… mek hu dom siam mekre.

# Tỉnh Thừa Thiên Huế meda buh tame labaih 5 tỷ đồng padang saong peih ngak dự án glai hajan nhiệt đới meng thun 2015 – 2020 piah khik ramik đa dạng sinh học, nguồn gen di dom janih thực vật glai đặc trưng. Tui nan, dự án glai hajan nhiệt đới hu peih ngak angaok taneh labaih 67 ha, dalam tiểu khu 91 (phường An Tây, ban sit Huế) saong tiểu khu 154 (xã Thủy Bằng, ban sit Hương Thủy). Dự án nan piah khik ramik đa dạng sinh học, khik ramik gen dom janih thực vật glai đặc trưng ka hệ sinh thái glai hajan nhiệt đới di dom tỉnh tapen tasik bhum kreih negar, duk ka bruk ruah duah ilamu, pato megru saong DL sinh thái di puk palei saong dalam khu vực.

# Piah khik caga siam mekre bruk nao mai, pabak bruk pajeng ba pandap panda ka bhap bani, Ủy ban bhap bani tỉnh Lâm Đồng bahrau brei buh jien tame padang ngak salih 9 baoh tatua tuan daok khut trak, biak nguy hiểm, ngan haong tyaom jien abih tih tal jaik 47 tỷ đồng. Tỉnh Lâm Đồng hu taong abih 42 baoh tatua tuan daok dalam dự án đầu tư salih, pasiam veik. Ong Đoàn Văn Việt, Akaok Ủy ban bhap bani tỉnh Lâm Đồng lac: Tui bruk ba tabiak ye ini lac sa gói thầu nan ye njauk palih ruah dom urang thầu halei hu ralo ilamu piah ngak. Hadei nan hu dom kapul nyaom peih ngak yaok dự án sit dalam 9 baoh tatua tuan nan. Ngak habar ka nyu samu gauk, chất lượng, njaukilamu kỹ thuật ka tatua tuan talei. Blaoh bruk pasang iek di dom jabat tư vấn, jabat njauk thầu njauk hu jalan ngak ka nyu pataom, peih ngak samu gauk dalam tukvak anak tal.

# Tui quy hoạch patagok bruk ngak nông tal thun 2020, pamaong tal thun 2030, tỉnh Đồng Nai hu padang quy hoạch mblang hamu praong ka 19 janih phun pala, yau: cà phê, ameriah kalu, cao su, kruoc bung, patei, durian, ca cao, tabau, pa-aok blit…. Tỉnh jeng patabiak ralo sarak ưu đãi, daong ka bruk ngak ini piah pachreih doanh nghiệp, urang nông hu mbaok tame. Taphia di nan patagok bruk đầu tư ka công nghệ hadei thu hoạch piah patakik khat lahik, patagok kein laba ka urang nông. Tỉnh jeng daong dom hợp tác xã, tổ hợp tác peih praong taneh, pambuak bruk saong doanh nghiệp piah đầu tư, blei pandap. 

# Mentri Ilamo – padhih saong rivang ma-in brei thau, harei nyaom Ilamo Nga pak Việt Nam thun 2015 – Feel Russia meda rah tabiak pak Cung Ilamo Hữu nghị Việt Xô, Hà Nội meng harei 24 - 27.9 tal, tukvak pahadar 65 thun padang talei rohim pambuak bruk nao mai Việt - Nga. Dalam tukvak rah tabiak harei nyaom hu ralo bruk ngak yau: daoh tamia di dom nghệ sĩ mai meng negar Nga, ndom biai nao mai, taom gaok haong dom nghệ sĩ saong parang iek meyaih khan ilamo Nga tal bhap bani Việt Nam...

 Patui di ini dom khau tin dunya:

# Di ban ine Phnom Penh, taneh ia Campuchia, dom urang ngak praong pakat glaong iek gah bruk nhập cư di dom taneh ia dalam hiệp hội dom taneh ia Đông Nam Á hu pataom gauk ginum meyai jalan klah rabha thông tin saong pambuak bruk nhập cư dalam khu vực. kapul VN kayua ong Lê Thanh Dũng, akaok Cục khik iek Xuất nhập cảnh, mintri Công an ba akaok hu mbaok dalam nyaom meyai. Brei panuac peih nyaom meyai, dui atah tal harei 10/9, phaok thủ tướng, akaok mintri nội vụ CPC So Khêng ndom lac, patagok bruk klah rabha thông tin nan lac jalan siam daong ka dom taneh ia dalam khu vực pacang cakak bruk di cư sung hukum.

# Sa-ai  Mai Văn Trường, urang Việt njauk rambuis dalam mbang patuh mbom pak Bangkok harei 17/8 hu siam veik saong mai veik palei negar ngan haong bruk daong ba di Đại sứ quán Việt Nam pak Thái Lan. Ndom biai haong urang jakar Đại sứ quán Việt Nam, dom bác sỹ Thái Lan khan lac pren yava di sa-ai Trường hu grap tanat. Hadei di labaih 2 adit điều trị, labik kandaong darah dalam meta sa-ai saong vết raih gót takai iew kayua dập talang jeng hu siam veuk, meda tabiak truh sang iek ruak hu. Lambaok ka Sứ quán Việt Nam pak Thái Lan, ong Trần Mạnh Hùng hu nao rivang, abih hatai daong ngak dom harak cần thiết piah ka sa-ai Trường tabiak sang iek ruak saong gilac veik negar angaok mbang par TG564. Urak, Đại sứ quán daok samar pambuak bruk haong dom jabat chức năng Thái Lan ngak salah harak ba-ar daong urang njauk rambuis dom khoản jien bồi thường kayua mbang patuh ngak tabiak.

 # Dalam dom bruk di Đại hội đồng Liên nghị viện Hiệp hội dom taneh ia Đông Nam Á mbang ka 36 (AIPA-36), di ban ine Kuala Lumpur, Malaysia barau rah tabiak nyaom meyai kamei nghị sỹ AIPA. Hu mbaok tame nyaom meyai WAIPa hu dom kapul urang kamei nghị sỹ mai meng dom taneh ia ASEAN. Kapul VN kayua phaok chủ nhiệm UB dom bruk ngak xã hội di QH Nguyễn Thý Anh ba akaok. Di nyaom meyai, dom urang hu pataom tame ginum meyai saong brei tapa dự thảo sarak ka bruk thau lac danak dak nghị sự patagok hadei 2015 ka likei kamei samu gauk, dự thảo nghị quyết ka bruk jhul pakhang ilamu iek praong quyền di urang kamei saong uranaih kamei pamaong tal bruk toàn diện saong dự thảo nghị quyết ka bruk patagok hukum loại trừ taong paoh ngan saong urang kamei saong uranaih dalam ASEAN./.