Khaw tin 10h30 saong 14h30 harei ngày 6/11/2015
# Bair harei kabroi (5/11), hadei di tuk taduan raok, di jabat Trung ương Đảng, Tổng Bí thư Nguyễn Phú Trọng hu ginum biai saong ong Tập Cận Bình, Tổng Bí thư Ban Chấp hành Trung ương Đảng Cộng sản Trung Quốc, akaok taneh ia Cộng hòa bhapbini Trung Hoa. Dalam bui sambai, bak talei rohim, dua Tổng Bí thư hu khan brei ka gauk thau bruk di Đảng drei, di taneh ia drei; ginum biai dalam saong mboh hu hatai sahaneng yau gauk ka dom jalan ngak praong jhul pakhang talei pambuak bruk dua Đảng, dua taneh ia di tukvak tal.
/ Patui danak dak mbang
nyaom 10, mesup ini 6/11, QH pang harak pathau khan, langyah, taduan mek
panuac, ramik veik dự thảo bộ luật tố tụng hình sự (pasiam veik) saong ginum
meyai di hội trường ka dom asal daok hu panuac karei di gauk dalam dự thảo bộ
luật ini.
# Di nyaom biai pakat negar ka bruk khik ramik chat luong, an toan pandap panda kaya nong, kaya ikan, kaya glai, dom urang jakar ndom lac urang blei daok huyen akaok anak dom bruk mehit lac oh khik caga hacih saat pandap pandap hu dom chất pakauk. Ông Nguyễn Như Tiệp, akaok Cục khik ramik chat luong kaya nông, kaya glai, kaya ikan brei panuac lac :Pandar rilo chất cấm ye chất ngak nạc Sabutamol atau lac vàng ô ngak jeng kanhik kalik menuk ada lac bruk ngak suan hukum njauk tagok sap. Ini lac dom chat pakauk pandar, taphia nan bruk pandar chất ini daok ngak khut tal pren yava urang blei. Yau nan ye njauk mesruh pacang dom bruk ngak tabiak, pajeng ba, pablei salih, pandar chat pakauk ini yau mesruh saongbruk pablei salih, pandar chat matuy.
/ Hadei di dua harei hu
hajan mbiah saong khang, harei kabroi 5/11, di dom labik angaok jalan tapen
tasik di tỉnh Ninh Thuận hu rah tabiak bruk jaleih ceik. Njauk caik hatai di
abih nan lac labik tapa Mũi Dinh – Cà Ná atah jaik 2 km di huyện Thuận Nam urak
ini hu 8 labik jaleih, dalam nan hu sa labik jaleih khang ngak gar jalan ini.
# Tapa bruk ủy thác jien mesraiy di dom kapul nyaom chính trị - xã hội, dom thun tapa, dhar ginlang pariak sarak karja tỉnh Ðắc Lắc ba samal phun jien uu dai di karja mai ka sang kathaot, bhapbini bangsa takik, doang dom urang nan peih praong pala drak, raong glang, patagok siam phun jien mesraiy. Yau nan ye rilo sang di bhum atah bayah, bhum bhapbini bangsa takik oh lac patruh kathaot khang kajap bo daok jeng kreih camin ngak kinh te joi saong jien mek tame yaok ratuh trieu dong yaok thun.
/ Harei kabroi 5/11, UB bhap bini ban Cần
Thơ hu var ngak bruk saong viện ruah duah padai brah dunya IRIR ka bruk patagok
ngak padai brah chất lượng glaong. Di var ngak bruk, urang dang akaok UB bhap
bini ban cần Thơ brei thau hatai bui sambai anak mbang mai rivang saong ngak
bruk di viện ruah duah padai brah dunya IRIR. Tapa nan, ndom lac talei pambuak
bruk di dua gah hu ba mai dom kein lagaih praong ka Cần Thơ jeng yau bhum
taneran kraong Cửu Long. Ban Cần Thơ caong khin viện ruah duah padai brah dunya
IRIR patui bruk daong pajaih, ilamu công nghệ saong anek menuac piah ba gah
padai brah tagok glaong jang.
# Tui kapul daong urang ruak kathaot, urang
jaoh jo saong uranaih metui tỉnh Bến
Tre, dalam 11 thun tapa, kapul hu jak ba dom urang hảo tâm, labik xã hội dalam
saong langiu taneh ia peih bruk blac raih saoh ka jaik 850 uranaih, urang
kathaot gaok ruak tim bẩm sinh. Jien brei ka yaok ca ruak ini bain abih 50
triệu đồng, hu ca tagok tal jaik 100 triệu đồng. Kuhria caga yaok thun, kapul
peih bruk blac raih tim ka jaik 60 ca ruak tim. Urak ini, dom pakat kapul daong
urang ruak kathaot, urang joah jo saong uranaih metui dalam tỉnh daok dt iek,
duah dom ca ruak tom hu sang
Patui di ini dom khau tin
dunya:
/ Diễn đàn di LHQ ka bruk pacang tham nhũng mbang ka 6 daok rah tabiak di ban Sanh Pêtecbua (Liên bang Nga). Di mbang ngak bruk, amuk Lê Thị Thủy, phaok tổng thanh tra rajaei, akaok kapul VN hu panuac dhar phon dom bruk daong bo danak dak patagok LHQ brei ka VN jeng yau ka bruk pacang tham nhũng; taphia di nan caong khin dalam tukvak anak tal, danak dak daok pachreih tui saong daong VN dalam gah ini.
#
Harei kabroi, Đại sứ quán Việt Nam di Nhật Bản hu peih harei pala phun bingu
Anh Đào Hi-ta-chi ka kapul Hữu nghị Nhật - Việt tỉnh I-ba-ra-ki alin brei. Brei
panuac di tuk nan, ông Si-mô Ya-ma-đa, Chủ
tịch danh dự kapul Hữu nghị Nhật - Việt brei
thau, talei pambauk bruk Việt Nam saong Nhật Bản daok di tukvak patagok siam
mekre di abih kuhria meng dahlau mai ini. Bruk ini hu brei mboh cambaih tapa
dom mbang ravang pakat glaong di akaok dua taneh ia, jeng ye talei pambuak bruk
hữu nghị di dom puk palei di dua gah luac tukvak tapa, dalam nan hu tỉnh
I-ba-ra-ki di Nhật Bản.
/ Meng bilan 1
tal bilan 10 thun ini, CPC pablei brah tabiak negar langiu hu labaih 408 ribau
tấn, ralo jang 34% duk saong tukvak ini
thun 2014. Makna tagok khang kayua CPC hu pablei tapa TQ. Meng akaok thun tal
ini, CPC pablei tabiak TQ jaik 84 ribau tấn brah. Bruk njauk meyai nan lac brah
pablei tabiak negar langiu di CPC ralo meng lac brah hữu cơ hu yaom glaong;
brah ini jeng hu pablei tapa VN./.
Viết bình luận