Khaw tin dalam naegar:

# Harei kabroi (30/3), Thủ tướng Nguyễn Tấn Dũng haong Kapul pakat glaong Việt Nam mai tal Hà Nội, tamat dalam siam mekre mbang nao rivang negar Cuba saong Haiti. Mbang rivang akaok meti di Thủ tướng Nguyễn Tấn Dũng tal dua negar ini, oh lac ngak brei pakajap jang talei rohim pambuak bruk nao mai saong ayut sahabat bo daok ba tabiak dom  kadha piah jhul pakhang talei pambuak bruk ngak mbang, pablei salih saong buh jien tame ngak di Việt Nam haong Cuba saong Haiti jang yau dalam bhum Mỹ La tinh ralo pren khang.

# Di ban sit Tuy Hòa, Ủy ban bhapbini tỉnh Phú Yên pambuak bruk saong mintri ngak nong saong cakrok palei pala peih pakak Festival kaya dalam ia Việt Nam thun 2014 saong pahadar 55 thun harei kaya dalam ia mengkan di Việt Nam (1/4/1959 - 1/4/2014). Phó Thủ tướng Vũ Đức Đam pataom mbaok saong brei panuac peih pakak. Phó Thủ tướng Vũ Đức Đam ndom khang : Việt Nam lac taneh ia tapeng tasik, ngak mbang kinh te di tasik njauk jeng bruk ngak mbang praong di cakrok kinh te taneh ia. Anak bruk salih barau, gah ngak mbang dalam ia Biet Nam salih khang meng pala raong, taong cap, che bien saong tame, pambak praong darak pasal piah pablei kaya.

# Kuhria tal bilan 2/2014, abih tih phun jien buh tame ka danak dak padang ngak palei pala bahrau di bal raya Hồ Chí Minh jaik 12.300 tỷ đồng, dalam nan phun jien di bhap bani meblah jaik 73%. Meng bruk jak ba dom phun jien dalam rahra, bal raya padang ngak hu 1.500 công trình, pasiam labaih 730 baoh sang taik tahak. Yau nan min, bruk padang ngak palei pala bahrau di bal raya Hồ Chí Minh jeng gaok ralo kan kandah kayua urang nong takik hu mbang tui dom sarak daong bruk ngak nong, bruk ngak mbang mbuan gaok khat lihik, labik pablei kaya nong oh ka grap tanat...

# Tỉnh Thừa Thiên-Huế barau peih mbang dut iek, ramik pasiam bruk ca huế di kraong Hương. Patui di nan, pataom tame dut iek bruk peih ngak dom quy dinh pabak ka ca huế di labaih 50 jalai marai, padar dom urang po jalai njauk taok yaom, khik caga khong gian, tukvak daoh, ia mbaok pabak tuai damuai. Mbang dut iek ini dui atah tal puac bilan 4.

# Hadei di 5 thun padang tabiak, Kadung jien daong pacang caga bala meng langik tasik di gah kreh negar jak ba hu jaik 165 tỷ đồng, padang ngak hu 70 sang bac, sang plaih aia ndik aia sua, sang ilamo bhap bani…ka bhap bani bhum aia sua; alin brei 10.000 pok pandap brei ka mikva njauk khat lahik trak kayua bala meng langik tasik...

# Tok sa ratuh rabau dong atau rilo jang, yut meda rik daong dak padang yaok bhan baoh sang pandao ka urang kan kathaot, nan lac angan ieu di harei tabiak mbaok danakdak ngak dhar phuan dak padang sang anit ranam “ Sa ratuh rabau – bjan baok sang” rah tabiak harei kabroi  30/3 di ban raya Hồ Chí Minh. Hadei 2 thun patabiak, urak ini, danakdak dak padang hu 17 baok sang – yaok baok sang yaom 30 triệu đồng ka dom urang kan kandah di rilo puk palei dalam taneh ia. Ini lac danakdak thien nguyen matar jang, oh lac karei ka dom doanh nghiep bo dom urang meda pataom tame saong tanut rik daong takik abih 100 rabau đồng.

# Meng 3 thun tapa, dom urang ngak bruk gah urang Việt daok pak negar langiu di tỉnh Cô Công (Koh Kong) Campuchia, hu khik ngak sa bruk biak hu kein: nan lac jak ba dom doanh nghiệp saong dom urang ngak pah hala meng  Việt Nam tapa, peih ralo mbang pasang iek ruak oh abih jien ka mikva Việt kiều saong bhap bani Campuchia hu rai diuk kan kandah pak puk palei. Dalam mbang ngak bruk pahla bahrau abih pak Koh Kong dalam dua harei 29 saong 30 bilan 3 ini, kapul gru jru Việt Nam hu labaih 40 y, bác sĩ meng bal raya Hồ Chí Minh tapa, tui kuria meda pasang iek ruak saong brei jru oh mek jien ka labaih 1.000 urang ruak meta, pren yava caih menek, talang khớp, gam haong dom janih ruak bhian mboh karei…

Khaw tin dunya:

# Harei kabroi 30/3), Nhật Bản saong Cộng hòa dân chủ bhapbini Triều Tiên tame mbang ginum biai pakat rajaei mbang akaok mereip di labaih sa thun tapa, di jabat Đại sứ quán Triều Tiên di ban ine Bắc Kinh (Trung Quốc). Di mbang ginum biai, Nhật Bản pandar Triều Tiên ngak sanya thun 2008 ka bruk dut iek bruk klaik menuac – sa talei cagar praong dalam bruk pasiam talei pambuak bruk di dua gah. Mbang ginum biai dui atah dua harei, rah tabiak di tuk barau ini Triều Tiên ngak rilo vụ cuh iek tên lửa saong gaok Hội đồng bảo an Liên hợp quốc lên án catang.

# Harei kabroi (30/3), Mi-an-ma hu peih bruk pasang iek dân số mbang akaok meti dalam labaih 30 thun tapa piah thau cambaih ka dân số, kinh tế saong xã hội. Bruk pasang iek dân số saong sang daok dui atah dalam 12 harei hu peih ngak tui tanut di dunya saong hu bruk daong brei jien padai jang yau ilamu meng Kadung jien Dân số di Liên hợp quốc. Dom chuyên gia mai meng 13 negar, Ủy ban Kinh tế saong Xã hội châu Á-Thái Bình Dương jang yau  Gilang pariak dunya jeng daong ka Mi-an-ma peih bruk pasang iek ini.

# Ka tal urak ini, lingik bhang di bhum gah meraong saong gah timul Trung Quốc ngak takik abih 9 urang metai, yaok rabau héc-ta nyam patam yah klak, yaok rabau baok sang paklaot kabung, khat lahik tapak ka kinh te kuhria jaik 390 triệu Nhân dân tệ, sumu jaik 64 triệu đô la Mỹ. Tui kuhria, mbang hajan xua ini daok ngak kan kandah tal tỉnh Quảng Đông saong kuhria dui atah tal abih harei 1 bilan  4 tal. Nini lac mbang hajan xua praong abih di Trung Quốc kuhria meng akaok thun tal ini./.