# patui veik danak dak ngak bruk mbang nyaom ka 9, Quốc hội mbang 13, page ini 28/ 5, Quốc hội pang harak pathau khan  pasang iek dự án Hukum trưng cầu ý dân; Harak khan brei thau, langyah, taduan mek, pasiam veik dự thảo Hukum tài nguyên, môi trường tasik, pulao tasik, saong ginum baiai ka dự luật ini. Dahlau di nan, harei kabroi, ginum biai ka paka 60 di hukum bảo hiểm xã hội, dom urang QH brei mboh bruk thau cambaih, klah rabha dom duh hatai di urang ngak dalam tukvak tapa pambuak tal bruk patakik veik manuac urang taduan mek bảo hiểm xã hội sa mbang ngan haong urang ngak hadei di sa thun padeih ngak.

# Tapa tui iek mbang nyaom ka 9, QH mbang 13, hadei di tuk pang bruk ginum biai paka 60 di hukum BHXH thun 2014, rilo urang di tỉnh Gia Lai ndom lac, njauk ramik veik piah palagaih song bruk yau urak ni, ong Lê Trung Thiệu, Akaok mban lambaok vakil urang umo prong di tỉnh Gia Lai ndom lac, bruk ramik veik paka 60 di hukum BHXH thun 2014 lac bruk njauk ngak. Tui nan, bruk brei adat ka urang ngak hu quyền palih ruah mbang BHXH sa mbang atau khik veik tuk vak đóng BHXH nan lac njauk, pabak hu hatai cong khin di urang ngak.

# Biar harei 27/5, pak jabat Trung ương Đảng, Tổng Bí thư Nguyễn Phú Trọng hu taduan raok Kapul Thượng Nghị sỹ Hoa Kỳ kayua Thượng Nghị sỹ Giôn Mắc-kên, akaok Ủy ban Quân vụ Thượng viện, ba akaok mai rivang Việt Nam. Tổng Bí thư Nguyễn Phú Trọng lac, jalan ngak dahlau hadei di di Đảng saong Karja Việt Nam nan lac iek prong bruk jhul pakhang talei rohim Việt Nam - Hoa Kỳ, brei ka kein laba suai lavik di bhap bani dua taneh aia.

# Melam kabroi 27/5 di HN, mintri Lao động Thương binh song Xã hội peih bruk taom mbaok lambaok uranaih hu rai duik kan kandah mbang ka 8. Dalam mbang taom mbaok mbang ka 8 ni, 55 adei lac dom anek saih hu rai duik kan kandah, thau yam tagok bac da-a naih joi di 11 tỉnh ban sit yau Lai Châu, Lạng Sơn, Quảng Bỉnh, Quảng Trị, Lâm Đồng, Tây Ninh song  Vĩnh Long hu pok meyaom.

# Biar harei (27-5), Ủy ban bhap bani tỉnh Đắc Nông pambuak haong  Hiệp hội Doanh nghiệp dom tỉnh, bal gah Meraong saong Tây Nguyên peih nyaom biai ka danak dak pambuak gauk dalam bhum, pachreih hu jaik  200 urang lambaok dom doanh nghiệp di 14 tỉnh, bal dalam bhum hu mbaok. Nyaom biai hu jak ba dom hội viên peih ngak siam bruk jak ba “Urang Việt dahlau di abih njauk pandar pandap Việt”; abih hatai hu mbaok tame dom bruk an sinh- xã hội.

# Melam 27/5 tỉnh Sơn La hu peih nyaom pakacah “ Lagu tamia xòe bhap bini” mbang ka sa thun 2015. Jiak 200 urang likei, kamei diễn viên mai meng 12 kapul nyaom di dom huyện , ban sit hu mbaok di mbang pakacah. Tapa nan, dom lagu tamia xòe, kadha  doh tamia Thái hu brei mboh veik rai duik,  bruk ngak mbang, ngak huak di mik va urang bangsa Thái.

# Melam kabroi 27/5, pak Pasak Parang iek Ilamu Nghệ thuật Việt Nam hu peih pakak Mbang parang iek rup cih di uranaih dalam negar thun 2015. Parang iek thun ini parang tabiak 400 kadha hu palih ruah meng labaih 34 ribau rup cih di dom adei mai meng labaih 500 sang bac, sang ilamu uranaih dalam negar payua mai pakacah.

# Gah padai brah Liên hợp quốc ( FAO) harei kabroi 27/5 brei thau, urang kan kathaot di angaok dunya trun daok ala 800 triệu urangyaom lac hu bala meng langik tasik song mesruh metak rah tabiak. Tui tong yaom di FAO, dom negar Đông Á, Mỹ Latinh song Ca-ri-bê lac labik siam di abih dalam bruk patrun kathaot, kayua hu dom sarak patagok KT, dong ka urang kan kathaot, buh jien tame bruk ngak nong, bruk chính trị hu siam mekre.

# Hajan prong tuh trun ralo labik dalam tỉnh Quý Châu gah Pai Meraong Trung Quốc meng melam 26-5 saong dui atah abih harei 27-5 ngak takik abih 2 urang metai saong 1 urang lahik. Kayua hajan ribuk, ralo labik pak Quý Châu  lahik điện saong aia hacih. Kuhria tal 15 tuk harei 27-5, hu labaih 49 ribau urang pak 9 labik dalam tỉnh Quý Châu gaok kan kandah kayua hajan ribuk. Labaih 1 ribau 790 hécta njam patam bingu hala khut khat, tui kuhria lahik 100 triệu nhân dân tệ (labaih 16 triệu đôla Mỹ).

# Mintri Tư pháp Mỹ khang hatai tah klak bruk tham nhũng dalam chaoh blong song ba dom urang ngak suan adat hukum tabiak công lý. Nan lac panuac di akaok mintri tư pháp Mỹ Lô-rét-ta Linh (Loretta Lynch) dalam mbang họp báo di Niu Oóc (New York) di melam bloh ka bruk pasang iek tham nhũng bo Mỹ dok peih ngak di Liên đoàn adat blong dunya (FIFA). Dahlau di tuk họp báo, mintri   Tư pháp Mỹ hu panuac khan ka 47 tội danh, dalam nan hu hối lộ, song rao jien di 9 urang ngak prong di Liên đoàn adat blong dunya (FIFA) song dom negar karei karei, gam song 5 DN. 7 dalam dom urang nan, hu 2 phó akaok FIFA, Dép-frây Ép (Jeffrey Webb) song Ê-u-gê-ni-ô Fi-gu-ê-đê-rô (Eugenio Figuedero) jeng njauk chap mek di Thụy Sỹ dalam harei nan./.