Khaw tin 10h30 saong 14h30 ngày 4/2/2016

          # Mesup harei 3/2, di sang QH, Đảng bộ Cơ quan Văn phòng Quốc hội peih nyaom biai pathau khan samar ka nyaom roya pakat negar mbang ka 12 di Đảng. Nyaom orya pakat negar mbang 12 di Đảng lac bruk prong abih di taneh ia. Đảng bộ Cơ quan Văn phòng Quốc hội hu panuac ieu dom vụ, đơn vị di Văn phòng Quốc hội song dom urang karja, urang đảng dalam jabat, tui bruk di drei, samar padang jalan ngak, danak dak piah samar ba sarak nyaom roya mbang 12 di đảng tame dalam rai duik. 

/ Biar harei 3/2, di jabat TƯ Đảng, mban Bí thư peih bruk taom mbaok dom urang ilamu, trí thức, văn nghệ sĩ hadah krah dalam taneh ia. Mai pataom mbaok hu 149 trí thức, urang ilamu, văn nghệ sỹ lambaok ka dom gah, dom rai rah, dom bhum palei dalam taneh ia, hu ralo thành tích, rik daong ka taneh ia dalam dom thun tapa. Tổng Bí thư Nguyễn Phú Trọng tadhau yuh dom trí thức, urang ilamu, văn nghệ sỹ yam tapa thun barau anek sak kara 2016 mek hu ralo jak jeng jang.

#/ Beir harei 3/2 Phó Chủ tịch Quốc hội Huỳnh Ngọc Sơn hu nao rivang, tadhau yhut dom boh sang sarak karja naih gheih di ban Đà Nẵng. Phó Chủ tịch Quốc hội Huỳnh Ngọc Sơn mai cuh gilau hadar Thượng tướng Nguyễn Chơn, dahlau deih ngak Thứ trưởng Bộ Quốc phòng bahrau metai, rivang ong Nguyễn Hiền,  umo 100 thun lão thành cách mạng urak ni padeih hưu di quận Hải Châu...Jeng dalam tuk tết meng kan di bangsa, Phó Chủ tịch Quốc hội Huỳnh Ngọc Sơn tadhau yhut dom lão thành cách mạng hu pren yava khang kajap hu dom rik dong ka taneh ia palei negar

/ Pahadar 86 thun harei padang Đảng Cộng sản VN saong salam uan thun barau anek sak kara, melam 3/2, di mblang bein 23 bilan 9, ban raya HCM, Thành ủy, hội đồng bhap bini, UB bhap bini, UB MT negar ban raya HCM peih danak dak nghệ thuật ngan saong kadha: “bak hatai jia saong Đảng”. Jaik 200 nghệ sỹ di ban raya HCM hu ba mai sa danak dak nghệ thuật praong prang, pok meyaom dhar phor praong glaong di Đảng Cộng sản VN hadah hadai, di chủ tịch HCM praong glaong. Thiếu tá Dương Đức Chung, urang dahlau daih daok di phường Đa Kao, quận 1 brei thau: “Lac urang dahlau daih ngak bol lin, urak ini  mai veik đời thường min dahlak jeng khik hu hatung hatian saai bộ đội Cụ Hồ. Dahlak tuk halei jeng nao tui Đảng. Urak ini lac urang dahlau daih ngak bol lin, lac nòng cốt ka Đảng, ka karja ban raya, dahlak saneng  lac drei njauk ba akaok nao dahlau piah ka bhap bini ngak tui, bac megru saong ngak tui jalan nao di Đảng”.

#/ Meng harei 8 tal harei 10/2 ( njauk tame harei 1 bingun tal harei 3 bingun tết anek sak kara), Pasak khik ramik inem krung Cố đô Huế oh mek jien harak tame pabah mbang di  bhap bini song tuai damuai lac urang VN ( dalam nan hu gam Việt Kiều) tuk mai rivang inem krung Cố đô Huế. Jeng dalam mbang ni, Pasak daok roh duah, buh jien tabiak padang labik yaih khan inem krung Hue61piah yaih khan ka inem krung Huế hu siam lagaih jang,  peih dom janih dịch vụ bahrau di dom labik inem krung ….,palagaih ka tuai damuai duah thau ka inem krung ilamu Huế.

/ Kapul Chữ thập đỏ tỉnh Bình Thuận saong dom urang ngak pahala harei kabroi 3/2, hu nao rivang tangi sua saong alin hadiah pandap tết ka 30 baoh sang bhap bini hu sang jaleih saong tayah kayua tasik mbang tame daok gaok kan kandah di palei Tiến Đức, xã Tiến Thành, ban Phan Thiết. Taduan pandap tết, mikva labik ini mboh bui sambai kayua hu klah rabha dalam tuk gaok kan kandah. 

#/ Di ban sit Cần Thơ, Hội báo xuân thun ni hu parang tabiak labaih 2000 bản song 448 janih ấn phẩm báo chí di  63 tỉnh, ban dalam negar. Asal kadha dom ấn phẩm ndom ka bruk patagok KT, khik caga an sinh xã hội, patagok an ninh quốc phòng, đối ngoại; tong yaom dom bruk  di rai duik tui jalan sahneng di giai cấp công nhân,, lambaok song khik caga quyền lợi di bhap bini.

Patui di ini dom khau tin dunya:

/ Harei kabroi 3/2, di ban ine Cairô, Đại sứ quán Việt Nam di Ai Cập hu peih bruk pahadar 86 thun harei padang Đảng Cộng sản VN (3/2/1930 – 3/2/2016) hu mbaok di ralo urang jakar, urang đảng, urang daok ngak dalam dom jabat lambaok Việt Nam di Ai Cập. Đại sứ quán Việt Nam hu panuac ieu taong abih urang jakar, urang đảng, urang daok ngak dalam Đại sứ quán saong dom jabat lambaok Việt Nam daok ngak bruk di Ai Cập kham merat ngak siam bruk hu Đảng saong Karja jao, padang talei jum pataom, daong jhul patagok talei pambuak bruk di Việt Nam saong Ai Cập dak harei dak patagok.  

#/ Hiệp định pambuak bruk pablei salih tapa Thái Bình Dương (dok ieu TPP) bahrau hu ký kết chính thức di ban Ốc-len, Niu Di Lân (Auckland, New Zealand). 12 akaok mintri song akaok kapul ginum biai di 12 negar  thành viên mboh tangin tame hiệp định anak mbaok  di Thủ tướng New Zealand - John Key. 

# Mintri Ngoại giao Nga harei 3/2 hu panuac suh sah ka bruk cuh tên lửa di Triều Tiên di jhung bilan ini. Mintri Ngoại giao Nga lac, Triều Tiên daok ngak suan jalan di Hội đồng bảo an Liên hợp quốc saong ngak suan dom adat hukum di dunya. Mintri Ngo ại giao Nga hu panuac ieu Triều Tiên sahneng kuhria ka nyu cambaih laih dom bruk ngak di drei daok cagar veik haong dunya