Khaw tin 10h30 saong14h30 harei 30/4

    Dalam tuk pahadar 41 thun harei peih paha gah meraong, yasa taneh ia (30-4-1975- 30-4-2016) , rilo labik  dalam taneh ia hu dom bruk ngak piah pahadar harei sajarah ini :

    # Di sang bac Đại học ilimo Hà Nội barau rah tabiak nyaom biai alamu pakat negar “ rairah urang vak hadei thun 1975”, hu mbaok rilo urang vak van, urang  cuak ariya, dom urang roh duah, phê bình văn học dalam taneh ia. Dom tham luận di nyaom biai ndom lac, meng thun 1975 gam saong dom salih bahrau taong abih gah  di taneh ia, gah văn học Việt Nam jeng hu dom salih bharau praong ngak jeng mbaok meta barau. Bruk salih barau văn học hu meng bruk daong pren di dom urang vak văn rai dahlau saong hadei thun 1975, min rilo di abih jeng lac dom urang vak văn barau hu angan je hadei thun 1975. Rairah ini daok nao tui jalan rairah pan bút dalam dom thun bilan mesruh metak taong Mỹ daong taneh ia.

/ Di ban raya HCM, miuyim urang kamei Nam bộ peih danak dak taom gaok ndom meyai nao mai “Y bác, sĩ, văn nghệ sĩ nao tapa Trường Sơn tame chiến trường gah meraong”. Var taom gaok hadar veik quá khứ hào hùng, bak drah saong ia meta di dom nhân chứng sajarah dak rai. Dom urang nan, yau ye bác sĩ, anh hùng lao động , Đoàn Thúy Ba – dahlau daih lac thứ trưởng mintri y tế, atau bác sĩ trương Xuân Liễu, dahlau daih lac giám đốc sở y tế ban raya HCM saong dom nhân chứng trí thức karei… Urang tame tabiak jalan trường sơn harei nan an toàn, kandauk saong khẩu hiệu daok oh hu sang, nao oh hu inem mek, tahaneh oh hu sauk, ndom oh tabiak sap”. Urang hu rik daong ngak jeng dom kỳ tích anh hùng di jalan HCM, ngak jeng jayah sajarah dak rai mùa xuân 1975, yasa taneh ia.

# Di ban sit Cần Thơ, Ban tacei pato Tây Nam bộ, Thành ủy Cần Thơ saong kapul daong urang ruak kathaot Tây Nam bộ pambuak bruk peih var taom mbaok urang jakar kamei dang akaok, khik ramik dom tỉnh, ban Tây Nam bộ tapa dom tukvak dalam tuk pahadar 41 thun harei peih paha gah meraong, yasa taneh ia. Dalam bruyk dak padang taneh ia hadei hòa bình, urang kumei Tây Nam bộ hu mbaok tame ngak siam dom gah ngak mbang, bac megru, dang akaok saong khik ramik…rik daong praong dalam bruk patagok di puk palei saong taneh ia. Lambaok jaik 250 urang jakar kumei dang akaok, khik ramik di 13 tỉnh, ban bhum taneran kraong Cửu Long mai pataom mbaok brei mboh hatai jia tame Đảng saong caong lac rairah urang jakar ranaih umo njauk patui jalan di rairah nao dahlau.

Patui di ini lac dom khau tin karei njauk caik hatai:

/ Di ban Đà Nẵng, tổ chức lao động dunya pambuak saong mintri lao động thương binh saong XH peih diễn đàn ASEAN ka an toàn vệ sinh lao động mbang ka 3”. Tapa nan, urang hu pang dom diễn giả khối ASEAN, tổ chức dunya brei thau ka bruk an toàn vệ sinh lao động di dom taneh ia khối ASEAN; bruk caga bala gah an toàn lao động; bruk pacang cakak bala dalam bruk ngak saong ruak nghề nghiệp; dom gah thông tin, pato megru, ruah duah, tanut chuẩn, thanh tra, khung an toàn vệ sinh lao động dunya saong dom doanh nghiệp mbiah saong sit.

# Ban bangsa tỉnh Ninh Thuận barau peih bruk daoh tamia salam uan pahadar 70 thun harei padang Jabat khik ramik karja ka bruk bangsa (3/5/1946- 3/5/2016).  Kapul Nghệ thuật Cam saong dom kapul di dom huyện, ban hu ba mai jaik 20 kadha daoh, tamia, pachreih rilo bhapbini mai maong…tapa nan, pachreih ba bhapbini dom bangsa takik patagok bruk jum pataom bangsa; pakacah bac megru, ngak mbang, patruh eik patrun kathaot saong pataom tame padang ngak palei pala barau.

/ Sở ngak nông saong patagok palei pala tỉnh Cà Mau brei thau, tal tukvak ini, yaom lac oh ka yam tame bilan hajan min bruk jaleih takai tasik Tây daok rah tabiak dak harei dak catang. Cà Mau hu takai tasik atah jaik 254 km, dalam nan,  jalan takai tasik Tây atah 154km. Dom thun tapa, kayua biến đổi khí hậu, bruk jaleih takai tasik rah tabiak kan kandah. Urak ini 15 km takai tasik Tây nyu glut jaleih, palai pajoa trak glai pacang caga, ngak kan kandah tal an toàn ar tasik.

# Dalam tuk tabung glaong bilan tua, mbak, rilo urang nong di Tiền Giang hu jien mek tame glaong kayua njam patam tagok yaom. Dom janih njam patam jeng tagok yaom meng 2-3 mang duk saong bilan hajan. Dalam nan  yaom dom janih njam pahe ye : Ngò Gai, Tía Tô, Rau Húng Cây... tagok labaih 40.000 đồng/kg; baoh paya, trong nde, tamun … yaom labaih 20.000 đồng/sa kg, tagok dua mbang duk saong bilan dahlau. Tui yaom ini, hadei di 3 bilan pala, yaok hecat njam patam, urang nong laba hu meng 200-300 triệu đồng.

     Patui di ini dom khau tin dunya:

/ Hãng thông tấn Ansa (Italia) brei thau, cảnh sát taneh ia ini barau cap hu 6 urang pambuak saong dom tổ chức khủng bố dunya di labik Lom-bát-đi, gah brak Italia. Gah cảnh sát pambuak saong jabat công tố viên Milan hu peih chiến dịch pacang khủng bố saong dom băng đảng tội phạm dunya di Lom-bát-đi saong Pi-ét-mon. dalam dom chiến dịch ini, hu cap kreik 2 urang medil lac daok kuhria nao tal labik taphia negar di Xyri saong I-rắc,  sa công dân Ma-rốc umo 23 thun saong 3 urang karei hu liên lạc saong dua diuk pasang bhian daok di tỉnh Léc-cô di Italia saong nao tal khu vực taphia negar di  I-rắc saong Xyri di bilan 2 thun 2015.

 # Akoak mintri Giao thông In-đô-nê-xi-a I-gna-xi-ớt Giô-nan (Indonesia Ignasius Jonan) brei thau, dom kapal nduac meng  Bo-nê-ô (Borneo) di In-đô-nê-xi-a nao Philippin njauk hu kapul urang bol pan phao kraong nao tui, dalam tuk dom bruk meblah tasik di labik ini daok tagok jang. Jalan tasik meng Giô-nan tal  Philippines bhian hu dom kapal pandar piah pajeng dang meng Tarakan (Ta-ra-can) di pulao Bo-nê-ô nao Philippin.

/ Harei 28/4, cảnh sát Mỹ cuh tame sa urang likei đe dọa taong bom sa rayo papar binguk di ban Ban-ti-mo . Kênh papar binguk Fox dhar di Ban-ti-mo brei thau, sa urang likei cuk khan ao hóa trang đe dọa taong bom jabat ini, nan ye canh sat patuh phao cuh tame. Dalam tuk nan, cảnh sát Ban-ti-mo hu peih họp báo ka bruk ini, bri thau urang đe dọa nan  njauk rambuah min. Dahlau nan, urang ini tame tòa nhà di kênh papar binguk Fox di Ban-ti-mo, pandar brei thau dom âm mưu mờ ám” di rajaei. Urang ini ndom lac thông tin ini dreih yau “Hồ sơ Pa-na-ma”. Kênh papar binguk Fox hu panduan ba nhân viên nao labik karei hadei di tuk urang ini đe dọa taong bom./.