# Harei 25/1, Đại tướng Trần Đại Quang, Ủy viên Bộ Chính trị, Akaok Mentri Công an, Akaok Ban tacei pato Tây Nguyên hu mai rivang, tadhau ayuh Tết alin brei pandap ka dom buôn Ko Siêr, Păn Lăm, phường Tân Lập, bal Buôn Ma Thuột, tỉnh Đắk Lắk.  Đại tướng Trần Đại Quang hu pok brei 30 pk pandap ka dom baoh sang kathaot, yaok pok hu pandap saong jien yaom 1 triệu đồng, taphia di nan daong ka buôn Kô Siêr saong Păn Lăm, yaok buôn 100 triệu đồng piah ka mikva mbang tết Nguyên đán Ất Mùi.

# Dalam tuk daok caga raok tết cổ truyền Ất Mùi 2015, harei 25/1, Bí thư Trung ương Đảng, akaok mban Dân vận Trung ương Hà Thị Khiết par akaok kapul ngak bruk Trung ương nao ravang, tadhau yuh Tết dom sang kan kathaot, urang sarak dalam tinh Quảng Nam. Tapa kapul chữ thập đỏ Việt Nam, akaok mBan Dân vận Trung ương Hà Thị Khiết alin 100 paok pandap ka dom sang sarak, sang kan kathaot di xa Quế Long, huyện Quế Sơn, saong xã Tam Phú, ban sit Tam Kỳ, tỉnh Quảng Nam.

# Meng kadung jien “Kayua hatai ranam Hoàng Sa, Trường Sa” saong “Kadung jien  ngak pahla”, Liên đoàn Lao động tỉnh Quảng Bình hu daong brei ka 505 urang hu rai diuk kan kandah dalam tỉnh yaom jien abih tih jaik 250 triệu đồng piah mbang Tết Nguyên đán Ất Mùi 2015; taphia di nan, Liên đoàn Lao động tỉnh Quảng Bình jeng alin brei ka 285 grauk gar baoh sang cảnh sát tasik, kiểm ngư, hải quan daok ngak bruk angaok bhum tasik, pulao; urang taong ikan, đoàn viên nghiệp đoàn urang nghề ikan daok taong ikan angaok bhum tasik Hoàng Sa, Trường Sa hu rai diuk biak kan kandah.

#  Kapul pasang iek Hải quan tỉnh Quảng Trị barau duah mboh, cap mek sa mbang pajeng 25 kg pháo lậu di bhum daok tapen dua gah Trạm kiểm soát Kinh tế pablei salih đặc biệt Lao Bảo. Urang pajeng pandap klak nduac tame glai dauk. Tỉnh Quảng Trị hu tacei pato dom gah chuc nang, dom puk palei, abih di nyu nan lac dom xa bien gioi paglaong bruk pathau khan saong pambuak bruk pasang iek, duah pataom saong pacang cakak bruk pajeng ba,  pablei salih, pandar pháo.

# Gam haong 7 tỉnh, bal karei dalam negar, “Harei nyaom Adit bhong” hu peih ngak pak sang bac Đại học Tây Nguyên, pachreih jaik 2.000 anek saih sinh viên, dam dara pak tỉnh Đắc Lắc hu mbaok tame, brei hu labaih 900 đơn vị darah. Ngan haong kadha “Brei darah daong manuac – Sinh mệnh di Ayut haong Dahlak”, Danak dak Adit bhong hu jeng harei nyaom brei darah pahla dalam tuk jaik tame Tết nguyên đán. Tapa 6 mbang peih ngak, tal harei ini danak dak hu peih prong tal 10 tỉnh, bal taduan mek hu labaih 10 ribau đơn vị darah.

# Kapul urang dahlau thiah ngak Thanh niên xung phong ban sit Cần Thơ barau alain brei 3 sổ patak pataom, sa baoh sang anit ranam ka urang dahlau thiah ngak thanh nien xung phong sang kan kandah dalam harei tet Ất Mùi 2015. Di harei ini, hu 18 urang dahlau thiah nao thanh niên xung phong hu Trung ương Đoàn Thanh niên Cộng sản alin kỉ niệm chương; 1 kapul, 2 menuac urang hu Trung ương kapul urang dahlau thiah ngak thanh niên xung phong alin harak meyaom saong 1 kapul hu taduan mek harak meyaom di Mặt trận negar ban raya. 

# Tỉnh Bạc Liêu bahrau ba tame pandar darak pasak bal Bạc Liêu hu ngak haong yaom jien abih labaih 190 tỷ đồng. Darak pasak bal Bạc Liêu mek hu chuẩn darak ka 1 pakat negar. Ini hu mong yau darak bahrau abih dalam tỉnh Bạc Liêu kuhria tal tukvak urak ini. Langiu di bruk ngak brei hu angan ka bal Bạc Liêu, bruk peih pakak saong ba darak tame pandar dahlau di Tết Nguyên đán ngak ka ralo urang pablei salih pak ini mboh bui sambai.

# Urang jakar  y tế Trung Quốc harei 25/1 brei thau, hu veik 2 urang njaom kum H7N9 di tỉnh Quảng Đông di taneh ia ini. Dua urang ruak ini jeng angaok 60 thun saong tame sang iek ruak tuk pren yava nguy kịch.  Jit kum menuk ada H7N9 daok pambak praong di dom bhum duyên hải gah timul  Trung Quốc. Langiu Quảng Đông, ban Thượng Hải, tỉnh Phúc Kiến saong Chiết Giang jeng mboh dom urang njom ruak kum dalam dom harei tapa. 

# Urang jakar y tế Trung Quốc harei 25/1 brei thau, hu veik 2 urang njaom kum H7N9 di tỉnh Quảng Đông di taneh ia ini. Dua urang ruak ini jeng angaok 60 thun saong tame sang iek ruak tuk pren yava nguy kịch.  Jit kum menuk ada H7N9 daok pambak praong di dom bhum duyên hải gah timul Trung Quốc. Langiu Quảng Đông, ban Thượng Hải, tỉnh Phúc Kiến saong Chiết Giang jeng mboh dom urang njom ruak kum dalam dom harei tapa. 

# Akaok mentri Thống nhất Hàn Quốc Ryo Kihl-jae (Ri-ô Kin Chê) brei thau,   raja-ei negar ini meda mong iek pambuak gilac tour du lịch tal ceik Kumgang (Cưm-cang) daok angaok bhum taneh Triều Tiên, bruk ngak nan hu mong lac piah pachreih Bình Nhưỡng samar javap jaleiy panuac caong peih bruk ndom biai nao mai di Seoul.

# Harei 25/1, di bala Ounalom (U-na-lôm) di ban ine Phnom Penh, Campuchia, kapul ngak bruk Trung ương Giáo hội phật giáo Việt Nam hu alin  500 paok pandap yaom 25.000 USD ka mikva, Phật tử Việt kiều saong urang kan kathaot Campuchia, piah rik daong bruk bui sambai, daong dom sang dalam tuk caga raok Tết Nguyên đán Ất Mùi./.