Khaw tin 10h30h saong 14hh30 harei 25-7-2015

# Pak Yên Bái, Mban Tacei jalan Tây Bắc pambuak haong Ban Tôn giáo Raja-ei bahrau peih nyaom biai taong yaom 10 thun peih ngak Chỉ thị 01 di Thủ tướng Raja-ei ka dom bruk ngak ngan haong agama Tin lành pak bhum Tây Bắc. Dom tham luận pak nyaom biai hu ngak brei cambaih laih jang dom bruk dalam tukvak bahrau; dalam nan njauk patui  ngak siam bruk jak ba bhap bani saong patagok kinh tế xã hội, ini lac dom bruk ngak praong  dalam tukvak peih ngak…          

# Bruk thu phí ngan song radeih mô tô song radeih mac dalam tỉnh Lai Châu hu jao ka karja puk palei meng puac thun 2012. Min kayua lac tỉnh kan kathaot, tapen negar nan ye yaok thun tok mek hu ala 10% bruk ba tabiak. Ngan song bhum atah bayah, bhum urang bangsa takik rai duik kan kandah ye bruk pathau khan, thu phí gaok rilo kan kandah.

# Lambaok Urang dang kaok Bộ Tư lệnh Quân khu 5 hu pok brei jaik 500 triệu đồng daong ka brukpasiam labik thờ cúng, kabo saong alin brei pandap ka gauk gar di urang dalam kapul Du kích Ba Tơ, angan iew dahlau di tapon nyom bol pan phao kraong quân khu 5. Urak ini 2 dalam 28 urang dalam kapul du kích Ba Tơ daok diuk, 25 urang metai, daok sa urang tra oh ka duah mboh kabo. 

# Hội đồng Nhân dân tỉnh Đắk Nông bahrau peih nyaom biai mbang ka 1, khóa II tuk vak  2011-2016 piah ba tabiak dom bruk kinh tế- xã hội 6 bilan puac thun 2015. Dom urang lambaok hu pataom tame ginum biai, tangi suan dom kadha pagam tal bruk patagok KT, an sinh xã hội hu rilo urang caik hatai sangka.

# Danak dak taom gaok ndom biai nao mai dam dara Đà Nẵng haong Trại hè Việt Nam 2015 daok rah tabiak pak mblang bein biển Đông, bal sit Đà Nẵng. Danak dak ini kayua Uỷ ban Karja ka urang Việt Nam daok pak negar langiu saong Mentri Ngoại giao pambuak gauk peih ngak dalam luac 12 thun tapa. Ayut Phạm Việt Hà ở Cộng Hoà Belarus brei thau:

Băng: Mbang taom gaok ndom biai nao mai di dom ayut trại sinh negar langiu saong sinh viên dam dara dom tỉnh ban yau ini,  lac bruk biak siam. Tapa dom bruk yau ini khaol dahlak meda pambuak pagam haong gauk saong khaol dahlak thau jang ka jalan diuk rai di dam dara.

# Liên đoàn Lao động ban raya Hồ Chí Minh bahrau pahadar 86 thun harei padang Công đoàn Việt Nam (28/71929-28/7/2015). Tapa nan, Liên đoàn Lao động ban raya Hồ Chí Minh hu pok “Giải thưởng 28 bilan 7” ka 9 urang dang akaok công đoàn cơ sở dom doanh nghiệp lingiu karja song hu pok meyaom 62  “urang jakar  công đoàn di khol hulin” pakat ban raya thun 2015.

Khaw tin dunya:

# Manuac urang nộp đơn likau daong brei jien thất nghiệp bahrau pak Mỹ dalam adit dahlau hu trun biar di abih dalam labaih 41 thun tapa. Tapa nan brei mboh bruk patagok khang kajap di darak pasar bruk ngak di Mỹ dalam bilan 7. Mentri Lao động Mỹ brei thau, manuac urang Mỹ nộp đơn likau daong jien thất nghiệp mbang akaok mereip trun 26 ribau daok 255 ribau đơn.

# Tổng thống Ba Lan jiak abih nhiệm kỳ Bron-ni-sláp Kô-mô-râu-ski (Bronisław Komorowski) hu mbaoh tangin tame sa hukum brei adat patagok kadung jien quốc phòng takik di abih 2% GDP meng thun 2016. Brei panuac song dom tướng lĩnh quân đội song dom urang ngak prong hadei di tuk mbaoh tangin tame harak di ban ine Vác-sa-va, Tổng thống Kô-mô-râu-ski ndom lac bruk patagok kadung jien quốc phòng labaih 2% lac sa palih ruah kan kandah di Ba Lan, min lac bruk njauk ngak dalam tuk dunya dok salih bahrau biak samar.

# Kham merat dalam 3 harei tapa piah daong duah 13 jang mỏ daok gar dalam lubang dhang pak tỉnh Hắc Long Giang (Trung Quốc) jeng oh hu mboh hagait. Urang jakar pak ini bahrau brei thau kadha bahrau di abih nan lac gah daong duah hu takac tal jalan lubang di mỏ, min suan labik dom urang ngak daok gar. Makna ba tal bala kayua dom mbang hajan prong dui atah, jhul aia, gluh saong taneh patau tame dalam hầm mỏ./.