# Harei kabroi 14/9, kapul pachreih bac tỉnh tỉnh Nam Định hu alin hadiah jien bac thun 2014 ka dom anek saih, sinh viên kan kathaot bac da-a naih joi. Phaok anek negar Nguyễn Thị Doan mai hu mbaok saong alin hadiah jien bac ka dom adei. Di var peih bruk, labaih 1000 anek saih kan kathaot kham merat bac daa hu taduan paok jien bac yaom 1 triệu 500 ribau đồng. Dalam dom adei hu taduan paok jien bac nan, hu rilo adei metui amaik ame, lac anek urang jakar urang lin daok ngak bruk di Trường Sa, cảnh sát tasik. 

.# Tui kuhria, tal puac bilan 9 ini  menhek negar hu ba tabiak ka pulao Lý Sơn. Piah caga taduan mek menhek negar tabiak pulao, Điện lực Lý Sơn hu ngak blaoh 15 km jalan menyek angaok lingik di danakdak ramik pasiam jalan menhek brei ka huyen pulao Ly Son pandar jien mesraiy di Gilang pariak Tái thiết Đức (KFW); taphia nan, salih abih labaih 4.200 công tơ điện tử ka dom sang di pulao. Ông Lê Thanh Tùng, akaok Điện lực Lý Sơn brei thau:“ Anak meta lac pakacah menuac urang di labik piah kuhria caga taduan raok menhek negar ka siam mekre saong kein laba saong tapa nan di dut iek, ramik pasiam gam gam nguon saong jalan menhek dahlau bilan 9/2014 piah mek jalan menhek.”

# Salam uan harei dunya urang taha umo (1/10) saong pachreih tui thun dam dara halan hatian, harei 14/9, di ban sit Buôn Ma Thuột, kapul gru jru uranaih umo tỉnh Đắc Lắc hu peih danak dak “bruk ngak ka pren yava urang taha umo”,  saong dom bruk ngak nan lac iek ruak, brei jru, iek ruak chuyên khoa saong blac meta ka urang taha umo. Danak dak tui kuhria hu iek ruak tổng quát, tacei pato iek glang pren yava, brei jru saoh ka labaih 500 urang taha umo, saong iek ruak sàng lọc chuyên khoa, blac meta brei saoh ka 200 urang taha.  

# Paglaong hatai nao dahlau, halan hatian ka raiduk bhapbini di kapul urang y, bac sy ranaih umo thun di sang iek ruak da khoa tinh Kon Tum, Kapul lien hiep damdara Biet Nam tinh Kon Tum, So y te saong mban lambaok vakil urang praong thun tinh pambuak paeih ngak danakdak “ jalan nhan ai kayua pren yava urang praong thun thun 2014”. Gam saong bruk hu brei jru iek ruak saoh, dom ong hu tacei pato ka che do mbang menyum, che do pathram piah yam tapa ruak.

# Tỉnh Phú Yên barau tabiak quy định sarak pato megru, daong saong pachreih bác sĩ mai ngak bruk di Phú Yên. Tukvak 2014 – 2020, tỉnh ini pachreih hu jaik 280 bác sĩ mai ngak bruk. Tui nan, bác sĩ bac tamat loại joi mai ngak bruk di Phú Yên hu tỉnh daong sa mbang 250 triệu đồng; loại khá 200 triệu đồng, loại trung bình 150 triệu đồng.

# Harei kabroi 14/9 Gilang paraim Thương mại cổ phần Công thương Việt Nam (Vietinbank) pambuak bruk saong tinh Gia Lai peih harei jao 200 baok sang daok ka sang kan kathaot, rilo jang lac bhapbini bangsa takik Banar , jarai di 6 huyen bhum atah saong kan kandah dalam tinh hu Chư Prông, Chư Sê, Chư Puh, Phú Thiện, Mang Yang saong Krông Pa.  

# Kapul daong ka urang joh jo saong uranaih metui medhua ban raya HCM hu pambuak bruk soang công ty TNHH công nghiệp Fusheng Việt Nam alin hadiah jien bac ka uranaih gaok kan kandah, joh jo thun bac 2014-2015. Danak dak hu aln hadiah 650 paok jien bac saong yaom jien abih tih labaih 600 triệu đồng ka anek saih, sinh viên joh jo, metui medhua saong anek urang joh jo kan kandah dalam ban raya HCM. 

Khaw tin dunya:

# Di ban ine Viêng-chăn, Lào rah tabiak harei pambuak tame harak hadar pambuak bruk di Lao saong Malaxia piah nao pasang iek, thiet ke danadak dak padang jalan raidaih puac cao toc Xa-vẳn-na-khệt- Lao Bảo (Việt Nam),ngan saong jalan atah 220 ki-lô-mét. Danakdak tuk ngak blaoh, oh lac daong gah jalan mbak Lao hu mbuan si tame dom cang tasik Biet Nam bo daok daong jhul pakhang patagok kinh te, pablei salih pandap panda tal cảng Mũi Túi, Đà Nẵng (di Việt Nam), jeng ye jhul pakhang jalan mbaik drei tame jalan mbak tame khu vực ASEAN. 

# Thủ tướng Anh Đa-vít Ca-mê-rôn hu ieu pataom mbang nyaom chip urang dang akaok taong abih dom mintri, ngành saong urang ngak praong quân sự kapat glaong taneh ia ini hadei di mbang kapul IS pametai sa urang ngak bruk pahala urang Anh saong brei panuac lac meda pametai sa urang Anh tra. Tui dom nguồn tin, di mbang nyaom thủ tướng Ca-mê-rôn hu taong yaom tình hình saong saheng kuhria dom palih ruah piah pacang cakak veik  kapul IS  di Irac saong Xyri.

# Hãng tin AFP di Pháp hu ba tin di rajei taneh ini brei thau, Phap barau parabha jaik 11,6 triệu đôla Mỹ ka bruk dak padang sa jabat dhar di Viện Pát-xtơ (Pasteur) saong pasak roh duah saong iek ruak Ê-bô-la (Ebola) di Ghi-nê (Guinea). Ini lac sa canah di dom kham merat di rajaei Phap piah daong ka bruk methuh saong jit ruak Ê-bô-la daok rah tabiak di Tây Phi./.