# Page harei kabroi 16 bilan 3, Kapul pakat glaong di Quoc hoi negar drei kayua Ủy viên Mentri Chính trị, Akok Quốc hội Nguyễn Sinh Hùng ba kaok, tabiak meng Ha Noi tapa negar Thụy Sĩ, piah hu mbaok tame Nyom roya Liên minh Nghị viện Dunya iew lac IPU mbang 130 tui panuac da-a di Akok Liên minh Nghị viện Dunya. Bruk camereip Kapul pakat glaong urang Quoc hoi di negar drei kayua Akok Quoc hoi Nguyen Sinh Hung ba akok nao pataom mbaok dalam nyaom roya Liên minh Nghị viện Dunya mbang 130 nan lac sa bruk praong rik tame yaih khan thaok binguk taneh ia Việt Nam, Quoc hoi negar drei angaok jalan yam tame dunya.  

 #  Rajaei njauk hatai haong panuac caong di di mintri ngak nong saong cakrok palei pala ka bruk caik piah padai brah dalam tuk yaom padai brah di bhum taneran kraong CL daok trun. Tui nan, dalam nyaom biai pala drak saong pablei padai, brah bhum taneran kraong CL di Can Tho, Thủ tướng Nguyễn Tấn Dũng hu tacei pato njauk peih ngak mang harei ini danakdak caik piah 1 trieu tan brah. Thủ tướng tacei brei peih bruk blei caik piah padai brah meng urak ini, oh cang tal tuk biar jang yaom phun. Bruk blei caik piah nan, piah khik yaom darak pasal, tapa nan, ngak ka yaom nyu tagok saong khin ka urang ngak padai hu laba. Tukvak blei caik peih kuhria tal abih bilan 4 tal saong bruk daong 4 bilan yaom jien jhung 7%, tuk halei jeng khik caga ka rang nong hu laba 30%.  

# Tui Cục Thú y, Mentri Ngak nong saong patagok palei pala, mbiah tal tukvak ini, dalam taneh ia drei daok 34 sruh jit ruak manuk ada H5N1 di 14 tỉnh, ban nan lac: Tây Ninh, Cà Mau, Khánh Hòa, Cần Thơ, Vĩnh Long, Trà Vinh, Hải Dương, Sóc Trăng, Gia Lai, Hưng Yên, Đồng Nai, Hà Giang, Quảng Nam saong Bến Tre. Labaih 63 ribau drei manuk ada ruak  saong jaik 69 ribau drei manuk ada metai ba am cuh klak.  Dom sruh jit ruak rah tabiak ralo meng taphon manuk ada raong di dom baoh sang hu karaj palei pala, jabat thú y duah mboh saong brei pasang iek sumu. Dom tỉnh Khánh Hòa, Trà Vinh, Đồng Nai hu rilo manuk ada ruak brei am cuh klak. Jit ruak laka cambuai tapaok kakau di limo kubao, dalam taneh ia hu Quảng Trị, Cao Bằng saong Lạng Sơn hu sruh jit ruak, ngan saong 451 drei saong 23 drei limo kubao metai ba am cuh klak. 

 # Mban tacei pato Tây Nam Bộ barau peih nyaom biai ka bruk kuhria caga Diễn đàn pambuak bruk kinh te bhum taneran kraong Cuu Long  MDEC – Sóc Trăng 2014. Phó Thủ tướng Vũ Văn Ninh, akaok mban tacei pato Tây Nam Bộ dang akaok mbang nyaom.  Brei panuac di mbang nyaom, Phó Thủ tướng Vũ Văn Ninh pandar dom mintri, nganh, tinh, ban bhum taneran kraong Cuu Long pasang iek gilac bruk peih ngak MDEC - Vĩnh Long 2013 piah mboh cambaih dom bruk siam mekre saong dom bruk daok tavak tavaiy. Meng di nan rami ramik ka nyu lagaih saong mban peih ngak MDEC Sóc Trăng 2014 jaik tal. Phó Thủ tướng Vũ Văn Ninh jeng mboh lac, angan ieu di Diễn đàn MDEC mbang ini njauk sangka saong ngak praong bruk padang ngak palei pala barau daok rah tabiak praong dalam taneh ia. Tui nan, Phó thủ tướng Vũ Văn Ninh brei thau bruk MDEC – Sóc Trăng 2014 lac “Rami ramik veik gah ngak nong – padang ngak palei pala barau” kayua ini lac 2 kadha praong di bhum taneran kraong Cửu Long

# Lâm Đồng nanlac tỉnh hu taneh glai biak praong, hu rilo janih athur glai, nan jeng lac pasak dulich hu rilo tuai damuai takre di abih dalam taneh ia. Birau ini, tỉnh hu chỉ thị ka bruk pakhang peih ngak dom jalan pasang iek, khik caga dom janih athur glai daok mbuan lahik abih, quý  dalam tỉnh. Tui nan, caong khin dom gah ngak mbang gah dulich lữ hành dalam ban sit Da Lat, ban sit Bảo Lộc saong dom huyện juai peih bruk ba tuai damuai mai rivang ma-in di dom labik chp mek, pablei salih athur glai oh ka hu brei adat ngak mbang duh tuai dulich. Dom palei brei pakhang bruk pasang iek, tui khik saong langyah dom bruk pajang ba, raong kareih, ngak rilo, pablei salih athur glai suan adat saong pandap mbang hu ngak meng rilo athur glai di tỉnh njauk kaoh tui hukum adat.  

 # Uỷ mban bhapbini tỉnh Khánh Hòa barau tacei pato dom puk palei oh brei blei tame tapon ada piah raong barau di dom labik daok hu jit ruak saong khik ramik catang tapon ada mbang di mblang hamu tapa hamu karei tuk yuak padai bilan Đông Xuân. Urak ini, tỉnh Khánh Hòa daok sruh jit ruak menuk ada di 2 xã dalam ban sit Ninh Hoà. Tukvak urak ini, rilo puk palei daok yuak padai bilan Đông Xuân, yau nan ye, bhapbini meng palao ada mbang di mblang hamu. Tinh Khánh Hòa pandar dom puk palei khik ramik khang tapon ada mbang di mblang hamu, peih bruk klauk jru caga, pametai jit ruak, pruh jru pametai jit ruak gam gam.

 # Meng bilan 6 thun 2014, Kapul urang ngak nong ban raya Ho Chi Minh peih bruk ba urang ngak nong nao bac megru jalan ngak mbang di negar langiu tui danak dak ini dalam 5 thun. Mbang camereip hu labaih 30 urang ngak nong naih joi hu ba nao Hàn Quoc piah bac megru ka bruk ngak nong saong dak padang palei pala birau. Tui danak dak, tukvak 2014- 2018 hu labih 100 tal 125 urang jakar khik iek saong urang nong hu palih ruah ba nao bac megru, jalan khik iek, ilamu kỹ thuật di dom taneh ia hu naih joi bruk ngak nong tui jalan công nghệ glaong yau Thái Lan, Hàn Quốc, Malaysia saong Trung Quoc. Lnagiu rivang iek dsom bruk ngak nong hu kein laba di dom taneh ia, urang nong saong urang jakar khik iek gah nong nghiep daok hu mbaok tame bruk pachreih pablei salih pandap kaya nong. Kuria abih tih jien buh tame ngak danak dak jaik 5 tỷ đồng piah parilo urang ngak nong  rik tame cak rok patagok gah ngak nong di ban raya tui jalan khang kajap.

Patui di ini dom khaw tin dunya:

# Hadei di tuk Triều Tiên cuh iek 25 tên lửa tầm biar di melam 16/3, mintri ngoại giao Mỹ hu brei panuac ieu Triều Tiên oh ngak brei catang jang dalam khu vực. Urang brei panuac di mintri Ngoại giao Mỹ Gien Saki brei thau, Mỹ daok pasang iek catang dom bruk daok rah tabiak di bán đảo Triều Tiên saong sa mbang tra hu panuac ieu Triều Tiên kiềm chế piah plaih ngak brei bruk nyu catang tagok. Jaik ini, Triều Tiên hu dom mbang palao tên lửa, hu maong lac phản bruk cagar veik di Bình Nhưỡng anak dom mbang pathram di Hàn Quốc-Mỹ. Dom bruk ngak ini di Triều Tiên ngak ka Mỹ saong Hàn Quốc duh hatai.

# Jabat khik iek jru tavao saong pandap mbang Trung Quoc hu brei panuac iew peih bruk pasang iek dom janih pandap mbang Gelatin suan hukum hu pandar dalam dom janih jru saong pandap mbang. Dom jabat karei karei njauk brei peih ngak dom bruk pasang iek oh yau bhian mbang ngan saong dom pok ngak tabiak gelatin di palei saong iek catang dom bruk ngak tabiak, meng pandap tamo, ngak tabiak saong pablei blei. Dahlau di nan, dom gah truyền thông Trung Quốc ba khaw tin, dom doanh nghiệp  taneh ia ini hu pandar gelatin hu ngak meng kalik di công nghiệp klak tabiak meng beuk ngak pandap mbang saong jru viên nang. Meng akok thun mbiah tal ini, rajaei Trung Quoc hu ba tabiak sa thông tư piah pacang bruk pablei saong pandar gelatin suan adat hukum./.

                                       Nghiem thaong Linh langyah sap Cam