Khaw tin 19g  harei 3/12 saong 6h30 harei 4/12

/ Thủ tướng rajaei bahrau jao ka mintri ngak nong song patagok palei pala buh tabiak oh mek jien vắc xin song jru sát trùng meng gilang khik piah di negar ka 2 tỉnh Nam Định song Phú Yên piah pacang caga jit kum menuk ada song laka cambuai tapok kakau. Tui nan, tỉnh Nam Định hu pabak brei 10.000 lít jru sát trùng Han – Iodine piah pacang caga jit kum menuk ada song 20 liều vắc xin laka cambuai tapaok kakau 2 type . Tỉnh Phú Yên hu pabak brei 10.000 lít hóa chất sát trùng Bekocid piah pacang caga ruak laka cambuai tapok kakau.

# Kadha mein saong adat kéo co mengkan di Việt Nam barau hu ba tame angan ilimo văn hóa phi vật thể rilo negar lambaok ka menuac sia dunya di mbang nyaom ka 10, var nyaom harei 2/12 di Nambia di Ủy ban dom rajaei Công ước UNESCO 2003 ka khik caga inem krung ilimo phi vật thể . Di Việt Nam, kéo co bhian hu peih ngak di dom tỉnh Lào Cai, Vĩnh Phúc, Bắc Ninh jeng ye di ban ine Hà Nội. Ini lac sa bruk mein mengkan, sa môn thể thao ndung bak tính đồng đội saong tuk halei jeng pachreih rilo urang pataom mbaok tame . 

/ Nyaom pakacah “ Sap doh SV” pakat negar mbang ka 14 thun bac 2015-2016 di gah kreik negar hu peih tabiak di ban sit Đà Nẵng. Hu mbaok dalam nyaom pakacah di gah kreik negar hu 13 kapul lambaok dom cơ sở pato đại học dalam bhum. Ngan saong kadha pok meyaom bruki anit ranam taneh ia, đảng, Wa Hồ, nyaom pakacah “sap doh SV” lac sa mblang main siam lagaih ka dom ayuht ranaih. Tiến sĩ Ngô Văn Dưỡng, Phó Giám đốc Đại học Đà Nẵng, Akaok mban peih nyaom pakacah gah kreik negar brei thau: Nyaom pakacah “Sap doh SV” lac sa mblang main, dong ka SV jhul pakhang bruk ilamu, doh tako, padang jalan diukrai hu ilamu khang kajap dalam anek saih, SV. Đại học Đà Nẵng lac sa sang bac ĐH dalam bhum prong di gah kreik negar, hu mintri pato megru jao peih ngak bruk ni, kol hulin mboh biak hadah mbaok meta. 

# Pamaong tal harei dunya urang joah jo (3/12), melam kabroi (2/12), Kapul ngak bruk  xã hội tỉnh Đắc Lắc pambuak bruk saong kalup kapul dam dara uraniah jaoh jo tỉnh peih danakdak taom gaok “ truac hadah hatai jia” di dam dara jaoh jo. Jaik 100 urang đoàn dam dara mai meng dom kalup kapul saong dam dara uraniah jaoh jo mai pataom mbaok. Ini lac tuk piah ka dom kalup kapul hu taom gaok, klah rabha alamu dalam bruk ngak, pachreih dam dara joah jo kham merat yam tagok dalam raidiuk. Tap[a nan, dom labik tài trợ jeng hu alin labiah 20 paok pandap yaom jaik 10 trieu dong ka dom adei  jaoh jo mai pataom mbaok dalam danakdak 

/ Di ban raya HCM, pasak jaoh jo song patagok ( ieu lac DRD) hu peih danak dak ‘ Sa dunya brei ka tong abih, klah rabha hatai caong” hu mbaok di labaih sa ribau urang lac urang jaoh jo, dom SV halan hatain, bhap bini di ban raya HCM. Ni lac bruk ngak pachreih tui harei dunya urang jaoh jo (3/12) song pahadar 10 thun harei padang pasak DRD. Danak dak piah dong ka urang jaoh jo hu taom gaok ndom nyai nao mai, ba drei tame XH

# Di ban sit Cần Thơ, Phòng pablei salih saong Công nghiệp Việt Nam pambuak bruk saong dom mintri, labik uy mban bhapbini ban sit Can Tho, Kapul doanh nghiep VN di Nhat Ban, Công ty cổ phần Quảng cáo Giao diện Việt Nam – Nhật Bản peih pakak “Nyaom darak parang iek ngak nong dunya cong nghe glaong saong dom yaom glaong pandap -Agrotex 2015”. Nyaom darak hu jaik 400 gian pandap di dom doanh nghiệp dalam taneh ia saong taneh ia langiu hu mbaok tame, tui kuhria raok labaih 40 rabau mbang tuai mai ravang, mai blei pandap.

/ Mban tacei pato pacang caga ribuk ia sua patrun bala meng lingik tasik tỉnh Tiền Giang brei thau, kayua ia nduac salih jalan, riyah khang song glai pacang caga takik nao daok ngak ka jalan ar takai tasik Gò Công  hu 4 labik glut jaleih trak di xã Tân Điền (huyện Gò Công Đông). Piah pasiam bruk ni, Tiền Giang brei ngak dự án pasiam, pakhang mbaok ar, kè ngầm patrun pren riyah paoh, khik caga takai ar song yaom jien ngak abih tih 400 tỷ đồng. 

Khaw tin dunya

# Pachreih tui harei dunya pacang caga AIDS, rajaei Mỹ patabiak bruk caga AIDS dalam 5 thun tal. Tui nan, dalam tukvak meng thun 2016 tal thun 2020, dom jabat liên bang ye pasak pasang iek, pacang caga jit ruak Mỹ meda hu jao ngak rilo bruk caga AIDS ye pasiam bruk dut iek HIV, iek glang, patrun bruk kì thị urang hu HIV. Lingiu di nan, bruk ngak jeng hu daong bhapbini iek ruak caga dahlau phơi nhiễm, nan lac jalan urang oh ka hu HIV hu pandar jru pacang virút piah trun bruk mbuan  njom ruak . 

/ Pandar rilo dom pandap điện tử song dom kadha ka bruk pren yuava pagam tal hu mong lac bruk sangka pren yuva dang aokak di dom amaik ame daok di Ôxtrâylia urak ni. Roh duah mboh lac, dom bruk takik vận động meda ba tal labaih kilo, limek song oh siam ka jalan diukrai bahrau yau takik menyai oh sangka tal urang halei, kurang trách nhiệm di uranaih./. 

# Hajan praong dui atah dalam dom harei tapa ngak brei ia xua trak di ban Chen-nai (Chennai), pasak tỉnh Ta-min Na-đu (Tamil Nadu), gah meraong Ấn Độ. Rilo mbang par brei padheih, jaik 400 tuai damuai gar veik di dom mblang kapal haok. Bol bala hu ba nao daong dom urang daok gar di dom bhum ia dauk. Tui kuhria, hajan paraong daok rah tabiak dalam dom harei tal. Tui urang dang akaok Ấn Độ, ini lac mbang hajan praong di bang Ta-min Na-đu dalam rilo abap tapa.