Khaw tin 19g  harei 4/12 saong 6g30 harei 5/12

/ “Salih bahrau jalan ndom puac daok dang di urang jakar Y tế, pamong tal bruk njauk hatai di urang ruak” lac angan di nyaom biai kayua mban tuyên giáo TƯ pambuak bruk song mintri y tế peih tabiak di Đà Nẵng. Tui nan, mintri y tế brei padang Kapul iek glang tuai, peih jalan talei pandiak mintri y tế “Hòm thư góp ý”,  “daong pren ka urang ruak” kayua dom gru jru ranaih umo song SV halan hatain tacei jalan, dong urang ruak di dom sang iek ruak.  

# Barau ini, Công đoàn Jabat khik ramik menuac ngak saong Mạng lưới, gah menuac ngak VietinBank hu peih danakdak pahla “ Gavang tangin anit ranam” di 3 labik bac Phia Phạ, Phia Khao, Vằng Quan di sang bac pakat sa saong Mầm non xã Phúc Lộc, huyện Ba Bể, tỉnh Bắc Kạn. Yaom danakdak abih tih labaih 50 triệu đồng.

/ Tui pasak Y tế dự phòng tỉnh Đồng Nai, meng akaok thun tal ni. Tỉnh ĐN hu jiak 3.500 urang ruak tangin takai cambuai, trun labaih 35% dut song tuk vak ni thun dahlau, dalam nan hu labaih 80% urang ruak lac uranaih umo ala 3 thun. Akaok pasak y tế dự phòng ĐN Trần Minh Hòa brei thau: makna ngak ka uranaih umo ala 3 thun bhian ruak tangin takai cambuai lac kayua tuk uranaih 3 thun ye miễn dịch meng amaik tapa nyu tamat abih, uranaih oh hu kháng thể piah pacang ruak tangin takai cambuai yau dom janih ruak njom mbak karei karei.

# Phó akaok uy ban bhapbini ban sit Cần Thơ Trương Quang Hoài Nam brei thau, ban sit buh tabiak 464 tỷ đồng ka bruk khik caga an toàn hacih saat pandap mbang menyum tuk Tết Bính Thân.  Tui nan brei apdang dom kapul pasang iek; jhul khang bruk pathau khan;  pato pasram urang san xuat ka bruk an toan hacih saat pandap mbang menyu, daong bruk pajeng ba…Dom labik hu chuẩn hacih saat an toàn pandap mbang menyum hu ba tabiak khan brei thau piah pachreih urang blei.

/ Tuk vak 2016 - 2020, tỉnh Hậu Giang ba tabiak bruk lac 16 xã ngak salah bruk palei pala bahrau, dalam nan hu Vị Thanh lac labik pakat huyện, ngak salah bruk padang ngak palei pala bahrau. Tui jalan ngak ni, tal thun 2020 Hậu Giang hu 28 xã mek hu tanut palei pala bahrau, samu 50% song 2 labik pakat huyện hu pok brei angan lac ngak salah bruk palei pala bahrau. Hậu Giang hu buh tabiak labaih 900 tỷ đồng brei ka 16 xã điểm padang ngak palei pala bahrau tuk vak 2016 -2020 song ba tabiak jalan ngak cambaih laih ka yaok xã.

# Dom harei jaik ini, rilo puk palei ye : Long An, Tiền Giang, Bến Tre... bhum taneran kraong Cửu Long hu ia takon tapal sup. Tui gah chuyen mon, dalam pala drak ngak nong abih di nyu nan pala padai , urang nong njauk caga  halak halin tamuh tabiak tuk hu ia takon tapan.Ông Đỗ Văn Vấn, Phó akoak pasak khik caga phun pala gah meraong - Cục khik caga phun pala ( mintri ngak nong saong patagok palei pala kakei lac :  Ia takon urak ini hu rilo, ngan saong mblang hamu drak kapal, pajaih njaom ruak atau hala drak khak rilo, mikva njauk caik hatai ka ruak đạo ôn. Kayua ruak đạo ôn tamuh di tuk ia takon, nhiệt độ la ar. Phun mbang baok jeng gaok hasit min.       

 Melam 3/12 di mblang bein 23/9, quận 1, ban raya HCM hu peih harei patom ilamu mbang huak dom negar mbang ka 10 thun 2015. Harei patom ilamu mbang huak hu mbaok labaih 50 nhà hàng, khách sạn dunya song dom pandap mbang bahrau mai meng 22 taneh ia song bhum taneh. Dalam dom harei rah tabiak harei patom ilamu ni, Mban peih bruk kuhria mboh lac meda taduan hu labaih 300 ribau tuai damuai dok dalam song langiu negar. 

# Tukvak jaik ini, hadei bộ phim "dahlak mboh bingu kanyik angaok hareik hijao” di Đạo diễn Victor Vũ hu yaih khan saong ba chiếu rilo dalam taneh ia, hu biak rilo tuai damuai dauh mai tỉnh Phú Yên – bhum taneh hoang sơ biak mekre, biak gheih. Ông Hồ Văn Tiến, akaok Sở ilimo padhih saong du lich tỉnh Phú Yên brei thau : gah du lich tỉnh daok pambak tui bruk ini piah jhul khang bruk ngak mbang gah du lịch: 

          / Tổng thống Nga Vladimir Putin (Vla-đi-mia Pu-tin) hu nao tal palao Crimea (Crưm) piah peih pakak jalan cáp điện camereip dalam dự án tatua năng lượng nao tapa tasik pabak điện ka palao ni. Urak ni Nga dok peih iek jalan điện cáp ni, tui nan, Crimea meda taduan hu 100 mê-ga-oát điện.Tui kuhria, jalan cáp điện hu công suất 200 mê-ga-óat ni hu peih tabiak ngak meng harei 20/12 anak tal, tapa nan, Crimea hu tabiak truh bruk pagam pambak điện di Ukraine.

# Harei 3/12, urang jakar Thụy Sĩ hu peih bruk mek khik dom urang jakar Liên đoàn caoh blong dunya (FIFA) di ban Zurich (Thụy Sĩ) tui panuac caong di mintri Tư pháp Mỹ duh ka bruk duah thau bê bối gian lận saong tham nhũng di tổ chức caoh blong praong abih baok taneh ini. Urak ini, ông Blatter saong akaok Liên đoàn caoh blong châu Âu (UEFA) Michel Platini jeng gaok Uỷ ban đạo đức di FIFA brei padheih bruk .

/ Melam 3/12, harei pataom thể thao urang jaoh jo Đông Nam Á (ASEAN Paragames) mbang ka 8 hu peih tabiak di Singapore, hu mbaok  labaih 3000 urang di dom kapuk thể thao. Harei pataom mbang ni hu 10 kapul thể thao dom negar hu mbaok, pakacah 15 janih piah meblah 476 bộ huy chương hu parabha tui janih jaoh jo. Kapul thể thao urang jaoh jo VN hu 169 urang ( dalam nan hu 130 vận động viên) pakacah 9 dalam 15 janih dalam nan hu Điền kinh, caluai ia, Cử tạ, Bóng bàn, Cầu lông, Cờ vua, (4 VĐV) song 2 janih nao tui jalan xã hội hóa lac pakacah ghe song chaoh blong ka urang sup meta