Khaw tin 19g harei 7/1 saong 6h30 harei 8/1/2016 

#/ Thủ tướng rajaei hu mbaoh tangin tame harak brei ramik veik yaom jien brei mesraiy hu tacei tabiak di khoản 1 paka 5 Quyết định 157/2007/QĐ-TTg harei 27/9/2007 di thủ tướng rajaei ka bruk brei mesraiy ka anek saih, SV. Tui nan, yaom brei mesraiy glaong di abih ka anek saih, SV hu tagok, meng 1 triệu 100 ribau đồng sa bilan ka sa anek saih, SV, tagok 1 triệu 250 ribau đồng sa bilan ka sa anek saih, SV. Quyết định ni hu ba tabiak pandar meng harei 9/1/2016 ngan song dom pok jien sraiy bahrau meng di tuk QĐ hu ba tabiak ngak tui.

# Ủy ban Mặt trận negar Việt Nam tỉnh Bình Thuận barau peih bruk taom gaok jaik 200 chức sắc dom agama, bangsa, urang hadah krah dalam tinh, piah khan brei thau bruk kinh te – xa hoi saong Sarak nyaom roya Đảng bộ tỉnh Bình Thuận tukvak 2015 - 2020. Dalam tukvak tal, dom chac sac agama, bangsa patui jalan patagok labik dang di drei, daong pren saong Mặt trận negar jak ba bhapbini ngak tui jalan adat di Dang, sarak, hukum di karja; pachreih tui dom bruk jak ba, hu mbaok tame padang ngak palei pala barau.

#/ Di sang ilamu dam dara uranaih tỉnh Đắk Lắk, Tỉnh Đoàn peih melam patom anek saih SV thun 2016 song tabiak mbaok kadung jien “ Pahadah hatai caong dam dara Đắk Lắk”. Dalam melam pataom nan, Mban peih bruk hu jao 25 pok jien bac di kadung jien, yaom abih tih 25 triệu đồng ka anek saih, SV sang kan kandah bac da-a naih joi. Hu taduan pok bac jien meng kadung jien “ Pahadah hatai caong dam dara Đắc Lắc”, adei Vo Thi Hien, anek saih tal bac 11A2, sang bac THPT Ea Sup, huyen Ea Sup lac: Taduan hu jien bac, adei uan tabuan lo, nyu daong pren ka adei yam tapa kan kandah. Sang adei kan kandah nan ye bruk bac da-a jeng gaok kan kandah. Min pok jien bac hu daong ka adei kham merat bac da-a piah pabak hatai caong di dom cei gru, nai gru, saong amaik ame. 

 # Pagaiy harei 7/1, Đội 4, Phòng Cảnh sát điều tra tội phạm gah alam môi trường, Công an ban raya Hồ Chí Minh gam saong kapul khik ramik darak pasal saong Chi cục Thú y huyện Hóc Môn pasang iek đột xuất cơ sở ka 5/4 di ấp 4, xã Xuân Thới Sơn, huyện Hóc Môn hu mboh yaok pluh thung rilo kubao trak abih tih jaik 3 tấn daok hu dom labik ini ngak jeng ralo limo caga ba nao pablei. Gah chuc nang daok duah mboh dua kadung hóa chất sambo màu mbong piah ngak ralo kubao jeng ralo limo. Urak ini, dom pandap nan hu  khik mek piah peih praong bruk duah thau, langyah tui quy dinh.

#/ Dalam 3 harei meng harei 5 tal harei 7/ 1 tỉnh Cà Mau hu 988 kapan tong ikan tabiak tasik tong chap kaya ikan, ni lac mbang nao tasik luac di abih dalam thun di urang tong ikan kuhria tui saka ia bilan. Tui kuhria mbang nao tasik ni meda dui atah tal 29 bingun tết anek sak kara, tuk nan kapan meda pataok bến taduan giao thừa bloh tabiak tasik ka mbang nao tasik akaok thun bahrau. Ong Lam Văn Tài, sa urang tong ikan dok di ban sit Sông Đốc brei thau, thun halei jeng yau nan, puac thun mik va jar var ka mbang tabiak tasik puac thun ngan song rilo caong khin

# Yaom lac oh njauk puk palei pala bingu kiểng tết yau dom puk palei karei dalam bhum taneran kraong CL, min dom thun jaik ini, bruk pala bingu cảnh Tết di Sóc Trăng hu patagok samal. Meng bruk ba jien tame glaong ka rilo sang pala, hu daong peih tabiak jalan ka dom palei bingu di tỉnh. Urak ini, dom sang pala bingu daok jar var kuhria caga dom bruk yau tame chậu, tỉa dhar saong pasang iek ka dom janih phun bon sai piah ba tabiak pablei tết daok mai jaik tal. 

# Mesup harei 7/1, di Hà Nội, Thương vụ, Đại sứ quán negar Thái Lan di Việt Nam hu peih Nyom darak pandap Thái Lan thun 2016.  Ini lac thun ka 9 nyom darak pablei pandap Thái Lan hu peih tabiak di Hà Nội, pachreih hu bruk sangka di urang blei pandar di Việt Nam. Nyom darak thun ini hu mbaok labaih 150 gian hàng di 120 công ty aong lac  nhà nhập khẩu Thái Lan, ngan saong dom janih pandap siam hu chất lượng saong hu angan je, dalam nan hu pandap pandar dalam sang, pandap jhik, menyim, pandap trang sức, pandap trang trí dalam sang saong pandap lưu niệm, pandap iek glang pren yava. Nyom darak peih tabiak tal abih harei 10/1. 

Khaw tin dunya

# Rajaei Thái Lan brei pabak  4,4 tỷ baht (sumu 121,5 triệu USD) dalam tài khóa 2016 ka gah an ninh piah pacang cakak hu kol ly khai di gah meraong tuk dom bruk srau kadau di bhum hu rilo urang Hồi giáo diurai ini daok yam tapa thun ka 13. Paok jien ni jeng hu pandar piah "padang ngak saong patagk cơ sở hạ tầng, ba bruk ngak saong patagok pato megru” jeng ye piah patagok jien bilan ka gah an ninh di dom tỉnh Pattani (Pát-ta-ni), Yala (Y-a-la) saong Narathiwat (Na-ra-thi-vắt). 

 # Meng harei 6 tal harei 8/1, Phó Thủ tướng gam lac akaok mintri Kinh tế saong Năng lượng Đức Sigmar Gabiel (Xích-ma Ga-bri-en ) tapa rivang Cuba piah ginum biai haong dom urang ngak praong negar Cuba jalan ngak mbang bharau hadei di tuk La Habana saong Washington padang veik talei pambuak bruk ngoại giao hadei di jaik 5 pluh thun cakak klaoh. Ini lac mbang camereip di abih sa urang dang akaok mintri kinh tế Đức nao rivang Cubakuhria dalam 15 thun tapa.

# Dom urang ngak praong agh y tế Côxta Rica brei thau, vi-rút cúm H1N1 ngak takik di abih 14 urang metai di taneh ia ini. Min, chủng vi-rút cúm H1N1 urak ini jeng oh ka ngak tabiak ruak jeng jit praong saong oh ka njauk ba tabiak bruk khẩn cấp dalam bhapbini. Langiu nan, dok hu 5 urang karei metai kayua ruak gah hô hấp urak ini dok hu duah thau piah iek lac kayua virtut kum hai oh. Côxta Rica hu blei  950 rabau liều vắc-xin pacang vi-rút kúm H1N1 saong brei peih bruk klauk caga meng bilan 4 thun ini ./.