Khaw tin 19g30  saong 6g30 harei 24/9

/ Tỉnh Thừa Thiên - Huế bahrau peih ginum biai “ Doh Huế - yaom glong, jalan khik ramik song patagok”, hu mbaok dom urang roh duah, urang khik ramik dok dalam song langiu tỉnh. Ginum biai hu ba tabiak dom jalan ngak cambaih laih dalam bruk khik ramik song patagok yaom glong di doh Huế dalam rai duik bahrau, dong padang luận cứ piah ngak hồ sơ pok tagok UNESCO brei angan inum krung doh Huế lac Ilamu phi vật thể lambaok vakil ka menuac sia dunya.

/ Công ty Trách Nhiệm Hữu Hạn phần mềm FPT – dhan Đà Nẵng hu mbaok tangin pambuak bruk saong dom sang bac Đại học dalam ban ka bruk patao sap Nhật saong ba bruk ngak ka sinh viên gah công nghệ thông tin di ban sit Đà Nẵng. Ông Huỳnh Đức Thơ, akaok  Ủy ban bhapbini ban sit Đà Nẵng brei thau: Harei ini kol drei ngak hu akaok mereip nan lac mboah tangin tame harak pambuak bruk, dreih yau bruk sanya di kol drei saong dom adei dalam bruk tacei bruk ngak di harei hadei. Bruk nan biak njauk ngak saong biak hu yaom glaong. Kol dahlak caong lac dalam bruk ngak di harei hadei di drei, FPT jeng lac labik nao dahlau di gah ini , 

/ Tỉnh Quảng Nam peih nyaom pasram megru, peih tabiak jalan pacang cakak bruk sre menyek ka dom urang ngak praong dang akaok song urang jakar tài nguyên môi trường dom huyện, ban sit tapen tasik di tỉnh. Dalam tal pasram megru, dom urang roh duah ka môi trường hu pabak dom khau tin bahrau di abih ka bruk sre menyek, dong ka urang jakar khik ramik iek di dom sở, ngành, dom puk palei tapen tasik thau cambaih jang piah piah klah having akaok tuk rah tabiak bruk.

# Di tỉnh Quảng Trị, ruak pandiak tabiak darah daok hu jalan patagok. Gah y te tỉnh pambuak bruk saong dom puk palei tabiak rilo bruk pacang caga ruak pandiak tabiak darah; tacei pato mikva pametai loăng quăng, kak kamo tuk ndih; tui iek dom sruh jit oh caik ruak pambak praong. Ông Lê Hoàng Việt, Phó akaok pasak Y tế huyện Triệu Phong, tỉnh Quảng Trị brei thau : Anak bruk ruak pandiak tabiak darah rah tabiak, kol dahlak tabiak bruk pasang iek taong abih dom sruh jit klak, kakei mikva saong dom urang jakar y te palei nao tal yaok baoh sang pathau khan bhapbini, jak ba tuh dom pandap paang ia tuk hu bọ gậy) 

/ Pasak pachreih nong pachreih ngư pakat negar pambuak bruk song Sở ngak nong song patagok palei pala tỉnh Tiền Giang peih ginum biai ka jalan pacang caga halak halin angaok phun mbang boh bhum taneran krong CL. Tui nan dom urang ilamu ndom lac, piah pacang caga ruak angaok phun mbang boh, dom pô bein njauk salih jalan ngak, ba dom ilamu bahrau tame pandar, pacang caga halak halin, iek glang bein phun tui gah chuyên môn tacei pato. 

# Huyện Lai Vung saong Lấp Vò lac dua palei hu taneh pala cam xoàn  praong abih di tỉnh Đồng Tháp, kuria mboh labaih 400 ha. Urak ini, cam xoàn kaok bilan paik aval saong pablei hu yaom glaong 40.000 - 45.000 đồng/sa kg, glaong jang 5.000 - 10.000 đồng/ sa kg duk saong dom bilan ini thun dahlau. Kuhria rah tapa, nang suat hu 40 - 50 tấn/sa ha, koh bloh phun jien, urang ngak bein daok laba hu labaih 700 triệu đồng/ha cam xoàn. Thun ini, langiu darak pasal mengkan mai lac ban raya HCM, tuk vak jaik di ini, Hà Nội blei cam xoàn biak khang . 

/ Hajan dui atah dalam dom harei tapa ngak ka labaih 2.400 ha padai Hè Thu di urang tỉnh An Giang dauk dalam ia, jaoh jaleih, dalam nan hu labaih 490 ha njauk khut lihik meng 70 tal 100%, 28 ha khut khat meng 30 tal 70%. Urak ni gah ngak nong tỉnh AG daok tacei pato dom puk palei samar peih bruk njuk ia tabiak, hadei di tuk ia trun ye pasang iek, taong yaom khat lihik piah dong ka dom boh sang nan

Patui di ini lac khaw tin dunya 

# Dom urang dahlau deih dalam kapul salih bahrau taneh ia (NRC) Thái Lan ieu rajaei brei adat ka bhap bini hu mbaok tame brei panuac dalam tuk ngak Hukum negar barau meng bruk peih dom mbang điều trần công khai piah mek panuac saong brei papar sap, papar binguk tapak dom mbang nyaom di Ủy ban soạn thảo. 

/ Harei 23/9, Nyom biai pakat glong EU di Brussels, negar Bỉ peih bruk ginum biai piah langyah bruk nhập cư di châu âu. Cao ủy iek gah Đối ngoại song An ninh của Liên minh châu Âu (EU) Federica Mogherini brei thau, bruk nan oh lac bruk taeng di châu âu bo dok lac bruk di dunya. Urak ni EU dok duah jalan langyah bruk sang dok ka labaih 160.000 urang tị nạn

# Ginum biai pakat Ngoại trưởng 3 taneh ia Mỹ, Nhật Bản saong Hàn Quốc hu peih ngak di Niu Yoóc, Mỹ harei 29/9 tal, dalam mbang nyaom di Đại Hội đồng Liên Hợp Quốc, saong lac mbang taom gaok akaok mereip di Ngoại trưởng 3 taneh ia kuhria meng hadei mbang taom gaok di Mi-an-ma (Myanmar) di bilan 8 thun dahlau. Mbang gaok ini, 3 Ngoại trưởng ini meda ginum biai ka bruk Cộng Hòa Dân chủ bhapbini Triều Tiên meda papar tên lửa tầm atah saong jalan pacang caga bruk ini tui talei pambuak bruk di 3 taneh ia.