Khaw TIN 19h 30-4

         #  Mintri jien padai brei thau, meng thun 2016, bruk blei drap ar karja hu ngak tui jalan tập trung. Tui nan, dom labik blei tập trung hu : labik blei tập trung taneh ia di mintri jien padai, labik blei tập trung jru di taneh ia di mintri Y tế saong labik blei tập trung di dom mintri, ngành, jabat trung ương, dom puk palei. Blei drap ar công tui jalan tập trung meda patak pataom hu jaik 10-17% abih tih yaom blei. Tui kuhria , anih tih yaom blei drap ar công yaok thun jaik 200 rabau tỷ đồng. Bruk blei drap ar karja tui jalan tập trung patak pataom hu jaik 500 tỷ đồng.

/ VN biak sangka tl bruk paglaong chất lượng công nghệ hàng không, thiết bị, dịch vụ thiết kế kỹ thuật”. Ini lac asal di nyaom meyai “công ghệ saong DL hàng không VN – Hoa Kỳ” barau peih tabiak di ban Đà Nẵng. Nyaom meyai kayua Tổng Lãnh sự quán Hoa Kỳ di ban Hồ Chí Minh saong Công ty kỹ thuật công nghệ Techgel Việt Nam peih tabiak. Tui kuhria, tal thun 2030, VN patagok 25 cụm cảng hàng không sân bay, công suất pajeng ba jaik 300 triệu tuai damuai sa thun.

# Sở Giao thông vận tải ban raya Hồ Chí Minh barau sơ kết 10 thun peih ngak danakdak daong urang jaoh jo pandar  radaih buýt di ban raya. Tapa nan, rilo panuac di dom urang jaoh jo ka bruk duh di radaih xe buýt oh ka siam ye daok hu bruk phân biệt đối xử, oh caik kik, kurang bruk daong ka urang jaoh jo. Dom pandap daong duh urang jaoh jo daok takik, sang daok cang glaong oh lagaih ka urang ndik radaih lăn…hu thau, dalam 10 thun tapa, ban raya hu brei saoh labaih 11 rabau thẻ nao radaih buýt ka urang jaoh jo , thương binh…

/ Di tỉnh Kiên Giang, mintri ngak nông saong patagok palei pala pambuak bruk saong tổ chức lương thực saong nông nghiệp di Liên Hiệp quốc (FAO) peih diễn đàn khikramik ada palao hamu bhum taphia negar VN saong CPC. Abih tih tapon ada di dom tỉnh bhum taneran kraong Cửu Long meblah lagaih 1/3 số lượng ada di taneh ia. Jalan raong ada di labik ini lac palao hamu piah mbang padai daok labaih veik, thủy sinh saong côn trùng dalam hamu. Urang raong glang daok brei ada nduac tapa dom puk palei karei di CPC jaik Long An, Đồng Tháp, An Giang saong Kiên Giang. Anak bruk ini, urang caong khin hu jalan khik iek ada palao hamu nao mai taphia negar di VN saong CPC piah pacang cakak jit hu kein lagaih.

# Huyện bhum ceik Trà Bồng, tỉnh Quảng Ngãi barau duah thau bruk pala sâm Ngọc Linh di huyện Nam Trà My, tỉnh Quảng Nam saong ngak bruk saong huyen ini piah pambuak bruk ba phun sâm Ngọc Linh mai pala iek di ceik Cà Đam. Urak ini, 1kg sâm Ngọc Linh hu yaom 60 triệu đồng. Yaok ha sâm pala meng 5 thun tagok hu jien mek tame 30 tỷ đồng. Lac labik hu taneh riya saong lingik tasik dreih yau labik Ngọc Linh huyện Nam Trà My, ceik Cà Đam di huyện Trà Bồng glaong jaik 1400m, thảm thực vật nguyên sinh di ini mboh lagaih ka bruk cakrok di phun Sâm Ngọc Linh:

   / Di taneh kabo liệt sĩ Đắc Lắc, Giáo hội Phật giáo Việt Nam tỉnh Đắc Lắc peih đại lễ cầu siêu anh linh dom anh hùng liệt sĩ di mặt trận tây nguyên saong dom urang hu buh pren yava ka taneh ia. Labaih 600 urang dahlau daih ngak bol lin di 63 tỉnh, ban gam saong yaok ribau gauk gar dom anh hùng liệt sĩ saong urang phật tử dalam taneh mai hu mbaok. Tapa đại lễ, dom tăng ni, phật tử h cầu nguyện ka anh linh di 2159anh hùng liệt sĩ di taneh kabo liệt sĩ tỉnh saong 1.498 anh linh dom anh hùng liệt sĩ di dom huyện ban sit, ban praong dalam tỉnh hu siêu thoat saong likau ka taneh ia sron mbon, bhap bini salamat.

# Harei  29/4,  Ban bangsa tỉnh Bình Phước hu peih bruk  pahadar 70 thun harei truyền thống jabat ngak bruk bangsa (3/5/1946 - 3/5/2016).  Tukvak tapa, mban bangsa tỉnh Bình Phước hu pok panuac ka Tinh peih ngak rilo danakdak, dự án piah patagok  bhum bangsa saong bhum ceik, tapeng negar di dom gah kinh te, ilimo  xã hội, an ninh - quốc phòng. Yau nan ye bo urak ini, bhum bangsa saong bhum ceik, tapeng negar di tỉnh Bình Phước dak harei dak patagok, bruk jum pataom dom bangsa hu pakhang, pakajap.

Patui di ini dom khau tin dunya:

/ Mintri QP Mỹ brei thau, bol bala taneh ia ini daok peih dom bruk tấn công mạng piah cakak klaoh mạng In-tơ-nét di kol IS, cakak klaoh jalan payua jien jeng yau patakik bruk tuyển dụng di tổ chức ini tapa dom blah mạng XH, pamaong tal pacang cakak saong ngak suy yếu tổ chức khủng bố ini. Dom bruk tấn công mạng praong akaok meti kayua bộ chỉ huy tác chiến không gian mạng Mỹ Xai-bơ-com peih tabiak. Ini lac sa dalam dom đơn vị hu labik dang praong dalam dom chiến dịch không kích di Liên quân dunya kayua Mỹ ba akaok di I-rắc saong Xy-ri.

# Rajaei Anh brei padang pabak 300 mét paga tapen jalan jaik bah bambang negar Ca-le (Calais), pagam saong Pháp, piah cakak urang “di cư”. Hu thau, paga ini meda cakak urang nduac mai tui dom radaih  pajeng pandap meng Ca-le nduac tame taneh ia Anh, min toh ngak tavak tavaiy bruk nao mai. Urang khik caga cảng Ca-le gah taneh ia Pháp jeng brei thau lac bruk nao mai oh gaok tavak tavaiy kayua paga ini di Anh. Bruk khủng hoảng menuac tame daok di Ca-le, labik hu jalan hầm Ơ-rô-tơn-nen (Eurotunnel) pambuak pagam Pháp saong Anh hu ngak ka dua taneh ia căng thẳng chỉ trích gauk. 

/ Liên hợp quốc hu ieu Cộng hòa dân chủ bhap bini Triều Tiên padeih dom bruk ngak khiêu khích hadei di tuk taneh ia ini mbang ka 2 cuh iek tên lửa chiến lược tầm trung. Hội đồng Bảo an Liên hợp quốc jeng peih họp kín ka dom bruk cuh iek tên lửa đạn đạo di TT, bruk ngak hu iek lac thách thức barau abih di TT ngan saong dom nghị quyết di LHQ. TT hu 3 nỗ lực oh jeng dalam 2 adit cuh tên lửa tầm trung Mu-su-dan, hu maong lac ginup pren piah taong tame dom căn cứ di Mỹ angaok pulao Goam (Guam) di Thái Bình Dương./.