# Thủ tướng rajaei bahrau brei daong 1 tỷ 370 triệu đồng phun jien thun 2013, 2014 ka Tổng công ty Ba-ar Việt Nam piah peih ngak bruk daong kapul nyaom, jabat pandar urang ngak lac urang bangsa takik pak bhum ceik, bhum biak kan kandah. Thủ tướng Raja-ei tacei lac bruk khik iek saong pandar phun jien daong brei ini hu ngak njauk adat hukum urak ini.

# Anek saih vi phạm veik an toàn giao thông njauk xếp loại hạnh kiểm yếu, khan brei abih gauk dalam sang bac thau, vak tame học bạ, brei padeih bac sa adit piah ka boh sang song puk palei pato pakai. Ni lac sa dalam dom jalan kỷ luật trak anek saih ngak suan Hukum giao thông bahrau hu Sở pato megru HN padang jalan peih tabiak bruk pakacah gauk khik caga trật tự, an toàn giao thông gah pato megru ban ine tuk vak 2016-2020.

# Pak pabah bambang negar Dunya Cầu Treo-Hà Tĩnh, lambaok Menri Quốc phòng Việt Nam hu pok jao ka lambaok Mentri Quốc phòng Lào dom janih pandap duh ka dom Nyaom biai quốc phòng - quân sự dalam thun Lào pan Akaok ASEAN 2016. Lambaok Cục Đối ngoại – Mentri Quốc phòng Việt Nam hu pok jao ka Lambaok Cục Đối ngoại – Mentri Quốc phòng Lào dom janih yau: radaih cứu thương, dom pandap y tế, máy tính teik tangin, máy tính caik bàn, máy chiếu, máy in…

# Hadei di tuk mehit lac Lào song Thái Lan hu urang njom virus Zika, anak bruk mbuan njom mbak virus ni tapa jalan pabah mbang negar dunya Bờ Y,  gah y tế tỉnh Kon Tum samar blei sa jamriak duk thân nhiệt; peih ngak catang bruk khai báo y tế ngan saong urang tame, tabiak jalan ini; peih bruk pruh jru pacang jit ngan song dom pandap nhập cảnh. Lingiu di nan, tacei pato bhap bini jalan pametai jamuk piah patrun bruk mbuan hu jit ruak dalam tỉnh.

# Yaok thun hu meng 6 tal 7 phần ribau uranaih ruak tim bẩm sinh. Ini lac panuac  khan hu ba tabiak pak Nyaom biai Khám sàng lọc duah thau ruak tim bẩm sinh ka ranaih bahrau rah tabiak pak bal Đà Nẵng. Thun ini, bal Đà Nẵng kham merat ngak ka  pahu bruk sàng lọc duah mboh ruak tim ka ranaih. Tal puac bilan 4 daong jien blac raih brei sraoh ka 70 adei njauk ruak tim bẩm sinh.

# Harei 31/3 anak tal, Muinyim sajarah pakat negar peih bruk parang iek ngan saong kadha “Bảo vật Hoàng cung - Kim sách triều Nguyễn (1802 - 1945). Kim sách triều Nguyễn lac sa janih thư tịch klak, hu ngak meng dom kim loại quý, piah cih vak veik bruk taneh ia, dom adat cambat di văng patao. Panuac di tapuk kayua dom patao atau dom đại thần vak.

# 12 urang ngak mbang ngak huak dalam Kapul ngak mbang ngak huak Dunya meda hu mbaok tame “Harei nyaom pandap mbang dunya Hội An 2016” rah tabiak meng harei 14 tal harei 20 bilan 3 ini. Ini lac mbang akaok meti bal Hội An dang tabiak peih bruk ngak mbang ngak huak prong pakat dunya. 12 urang ngak mbang ngak huak di 12 negar meda bốc thăm palih ruah sa nhà hàng dalam khu phố yao klak piah brei mboh bruk naih gheih di drei dalam luac sa adit rah tabiak mbang nyaom. Ini lac tuk piah patagok bruk meyaih khan, brei mboh angan je, thaik binguk ilamo, rivang ma-in di bal yao klak.

Khaw tin dunya:

# Jabat năng lượng nguyên tử dunya (IAEA) bahrau brei tapa dự án dong dom negar Mỹ Latinh pacang vi-rút Zika, meng công nghệ phóng xạ. Jalan ngak ni hu mong lac pacang cakak bruk njom mbak di vi-rút Zika meng tia gamma ngak vô sinh yaok triệu anek jamuk tano. Tui nan, dom chuyên gia meda peih bruk “triệt sản” jamuk tano meng bruk chiếu tia phóng xạ song hadei di nan palao nyu tame tự nhiên piah pagam haong dom drei jamuk binai karei. Jalan ngak ni meda daong patrun janih jamuk pambak ruak dalam langik tasik.

 # Patui bruk pahadar 5 thun Nhật Bản njauk 2 bala mai haong gauk (harei 11/3), Thủ tướng Nhật Bản Xin-dô-A-bê hu ba tabiak panuac brei mboh hatai kham merat pasiam veik dom khut khat kayua bala nan. Tapa nan, Thủ tướng Abe jeng hu meyaih khan sarak di Raja-ei Nhật Bản dalam bruk dak padang veik bhum taneh metai kayua bala caik veik. 

 # Anak bruk dom negar tapen jalan Ban-căng (Balkan) kreik pambah mbang negar,  Rajaei Hungary brei patabiak bruk hủng hoảng, mong ini lac jalan pacang caga dahlau dom kanjah jhak meda rah tabiak pambuak tal urang tị nạn. Tui nan, negar ni brei labaih 1 ribau 500 cảnh sát song bol lin nao caga pacang cakak dom bruk kanjah jhak meda rah tabiak. Dalam tuk nan, meng kreik melam 8/3, dom negar tapen jalan Ban-căng yau  Xlô-vê-ni-a, Crôatia, Xéc-bi-a song  Mác-xê-đô-ni-a brei kreik pambah mbang negar di drei. Dom urang khin nao tapa brei hu hộ chiếu atau  thị thực hợp lệ tui quy định di bhum Xen-ghen (Schengen)../.