Khaw tin 19h harei 1/12/2015 saong 6h30 harei 2-12-2015

/ Thủ tướng rajaei bahrau mbaoh tangin  brei ngak dom kadha di dự án “ Patagok adat hukum di VN” kayua Liên minh Châu âu dong oh bayar veik. Abih tih yaom jien karja peih ngak danak dak nan lac 15,6 triệu Eur. Danak dak hu peih ngak meng thun 2015 -2020 piah patagok bruk dak padang  pháp quyền tapa dom hukum  jia tame song mbuan thau jang. 

# Dalam dom bruk ngak di adit ilimo - du lịch pahadar 250 thun harei ndih tapui đại thi hào Nguyễn Du, danh nhân ilimo dunya, melam kabroi (30 /11) di pasak ilimo padhih saong du lich huyện Nghi Xuân, tỉnh Hà Tĩnh, Cục ilimo cơ sở, mintri ilimo padhih saong du lich, So ilimo padhih saong du lich Hà Tĩnh pambuak gauk peih melam pataom daoh tamia bhapbini “ Sap capi Tiên Điền”. Pataom tame harei pataom daoh tamiat hu 250 diễn viên, 10 kapul nghệ thuật bhapbini paik capi, daoh ragu daoh bhapbini bhum Bắc Trung bộ saong châu thổ kraong Hồng.

          / Thun ni, pasak khik ramik inem krung medil Huế hu peih bruk pasiam veik 22 inem krung, tui yaom jien abih tih labaih 150 tỷ đồng. Dom inem krung hu  pasiam veik yau Phú Văn Lâu,  Xung Khiêm Tạ, Dũ Khiêm Tạ di Lăng Tự Đức...Urak ni , dom labik nan hu ngak jaik salah abih, patagok dom inem krung Huế hu pasiam veik labaih 150 danak dak. Ong Phan Thanh Hải, Akaok pasak khik ramik inem krung medil Huế brei thau:  Dalam tukvak 2016- 2020, kol hulin kaoh tabiak meng jien pablei harak labaih 400 tỷ đồng piah pasiam veik dom inem krung ilamu. Nan oh ka ndom tal dom pok jien ka bruk pasiam veik sit, khik caga alam môi trường, dom danak dak khik ramik ilamu phi vật thể

# Tal urak ini, ban sit Đà Nẵng hu daong padang ngak barau saong ramik veik pasiam sang daok ka jaik 300 sang jaoh jo kan kathaot; brei pah chung cư saong daong pandap ngak mbang duah jien, brei mesraiy jien ngak mbang…ka rilo sang hu urang jaoh jo karei karei. Dalam 3 thun tapa, jaik 12.000 uranaih ban sit ini hu khám sàng lọc saong duah mboh dom dị tật, jaik 200 adei hu samar ngak pasiam veik meng dom jalan y học . Amuk Nguyễn Thị Thu Hường, akaok phòng Bảo trợ Xã hội, Sở Lao động Thương binh saong Xã hội ban sit Đà Nẵng brei thau : Anak tal, Đà Nẵng daok khik ramik dom jalan ngak  barau pandar meng dom taneh ia yau bruk khik ramik trường hợp, atau dom bruk lavik mai daok pataom tame daong min kein laba bian. Pagap yau pato  bruk chính quy, min biak nao urang jaoh jo nao tal dom cơ sở chính quy daok takik . 

/ Thun 2015,  bhum taneran krong Hồng hu taneh pala drak abih tih labaih 1 triệu 300 ribau ha. Dom tỉnh ni hu klak bilan Xuân avar, ba ilamu bahrau song jamriak tame bruk pala drak, peih prong dom pajaih bahrau hu kein liba, chất lượng. Dom puk palei bac megru hu rilo ilamu dalam bruk padang “ mô hình mblang hamu padai prong” piah ba mai kein liba glong di abih.

# Di sang iek  ruak Đa khoa Hoàn Mỹ Cửu Long, ban sit Cần Thơ, kapul daong urang ruak kan kathaot Tây Nam bộ hu brei jien blac raih baoh hatai ka 25 urang ruak kan kathaot mai meng rilo tỉnh, ban dalam bhum taneran kraong CL. Tukvak tapa, kapul daong urang ruak kan kathaot Tây Nam bộ hu padang sang anit ranam ka dom urang kan kathaot daok di dom puk palei dalam bhum, peih bruk iek ruak saoh ka 1.000 urang kan kathaot saong jien yaom jaik 5 tỉ đồng.

/ Urang ruak HIV/AIDS di tỉnh Sơn La dok tagok. Thun 2015, dalam tỉnh hu 405 urang ruak bahrau, patagok urang ruak HIV dalam tỉnh labaih 7.700 urang. Bruk njauk caik hatai nan lac urang ruak HIV/ AIDS oh lac dok di ban sit bo dok pambak prong tal labik jalan mbak nao mai kan kandah, pambuak song bruk pablei salih, pandar jru phien, abih di nyu nan lac labik tapen negar, bhum urang bangsa takik 

Khaw tin dunya

# Mintri Lao động Thái Lan breiu thau : rajaei Thái Lan meda peih bruk tut angan, brei adat ka urang ngak Việt Nam di taneh ia ini meng harei 1 tal harei 30/12/2015. Tui nan, brei adat ka urang Việt Nam daok ngak bruk tạm thời (oh kuhria gam urang nao tui ) hu daok veik di Thái Lan 30 harei tra piah likau thị thực brei adat daok di taneh ia Thái Lan, dut iek pren yava, đóng bảo hiểm y tế saong likau adat ngak bruk njauk hukum Lao động taneh ia langiu di Thái Lan dalam tukvak sa thun.

/ Bruk tak kayau suan adat song palai pajoa glai Amazon (A-ma-dôn) di  Brazil tagok tal 16% dalam thun bloh. Ni lac sa thất bại di rajaei Brazil dalam bruk kham merat palahik bruk jah tak glai prong abih di dunya dalam thun 2030. Taphia bruk jah tak phun mek kayau, glai nhiệt đới ni dok njauk palai pajoa kayua khai mỏ suan adat, rong athur, pala ratak, thu lagu song khuah glai./.

# Dalam chreih chrai salam uan Giáng sinh, di ban A-ten ( Hi Lạp) labaih sa rabau ong taha Nô-el hu mbaok tame bruk pakacah nduac piah pataom jien daong uranaih sang kan kandah. Dalam khan ao meng kan  sambo mau bhong saong bilau kang patih, labaih sa rabau ong taha Nô-en, tangin par chuông, gam nduac gam klao khang hu mbaok tame bruk pakacah atah 2 km meteh vil tam dhan labik praong di ban A-ten. Dom ong taha Nô-en caong khin lac, bruk padang kadung jien ngak pahla salam uan giáng sinh saong thun barau 2016 di A-ten meda pachreih ba ka rilo ban karei di dunya ./.