# Harei 11/4, meng hu ralo urang njauk hatai, Quốc hội hu brei tapa Sarak phê chuẩn đề nghị di Akaok Hội đồng bầu cử negar Nguyễn Thị Kim Ngân ka bruk brei padeih dom Phaok Chủ tịch saong dom Ủy viên Hội đồng bầu cử negar; brei tapa Sarakt phê chuẩn đề nghị di Akaok negar Trần Đại Quang ka bruk brei padeih dom Phaok Chủ tịch saong dom Ủy viên Hội đồng quốc phòng saong an ninh. Quốc hội jeng hu phê chuẩn đề nghị di Akaok Hội đồng bầu cử negar ka dom angan dom Phaok Chủ tịch saong dom Ủy viên Hội đồng bầu cử negar; phê chuẩn đề nghị di Akaok negar ka dom angan dom phaok Chủ tịch saong dom Ủy viên Hội đồng quốc phòng-an ninh tui jalan buh phiếu kín saong biểu quyết brei tapa Sarak phê chuẩn dom đề nghị angaok nan.

# Jit caka cambuai tapok kakau di tapon kubao di xã Bản Khoang, huyện Sa Pa, tỉnh Lào Cai  daok pambak tapa tapon pabui di xã. Meng di tuk duah mboh tong abih athur rong laka cambuai tapok kakau hu brei dok karei, tui iek, dom drei metai ba mai am chuh klak. Anak meta, 600 drei kabao dalam bhum jit ruak di Bản Khoang hu klauk jruk pacang ginup.

# Piah langyah ba bruk ngak, grap tanat rai diuk ka bhap bani labik daok bahrau, tal ini, Pasak daong ba Nông - Lâm nghiệp Dung Quất, tỉnh Quảng Ngãi hu peih ngak ralo mô hình ngak tabiak, raong glang pak dom labik daok bahrau Khu Kinh tế Dung Quất. Piah daong jalan pablei tabiak ka urang nong, Pasak daong ba Nông -Lâm nghiệp Dung Quất pambuak haong Công ty Trách nhiệm Hữu hạn Nông nghiệp Công nghệ glaong QNASAFE blei tame pandap panda kaya nong di mikva ngak tabiak. 

# Akaok Ub  bhap bini tỉnh Bình Thuận bahrau hu harak pandar padeih song oh langyah dom kadha pambuak tal bruk roh duah  kho báu di xã Phước Thể, huyện Tuy Phong tui khau tin kayua ong Hoàng Văn Đợi brei thau Ong Nguyễn Ngọc Hạnh, Phó Giám đốc Sở Ilamu - Thể thao song Du lịch tỉnh Bình Thuận brei thau: Hadei di mbang ginum biai pang ong Đợi pathau khan, abih kapul ngak bruk hu nao pasang iek tapak, tapa nan mboh lac dom khau tin song tài liệu kayua ong Đợi ba tabiak  lac tui hatai sahneng oh njauk.

# Pak Cung Văn hóa lao động, Sở Tài Nguyên saong Môi trường Bal raya Hồ Chí Minh bahrau peih Harei nyaom ngak gilac chất thải mbang ka 9 thun 2016 ngan haong kadha “ngak tabiak saong ba pandar khang kajap”. Pak harei nyaom, biak ralo bhap bani bal raya hu mbaok tame mboh tangin sanya khik caga môi trường, taphia di nan hu tacei ba jalan ngak dom pandap panda hu kein meng phế liệu; mong iek mbang parang iek pandap panda, công nghệ siam ka môi trường saong mong iek dom tác phẩm “Mbang pakacah pren diuk meng phế thải” di anek saih bal raya.  

# Di labik du lịch padeih padei 5 patuk Vinpearl land Phú Quốc di xã Gành Dầu, huyện pulao Phú Quốc, tỉnh Kiên Giang, Mintri Ilamu - Thể thao song Du lịch song Ủy ban bhap bini tỉnh Kiên Giang bahrau peih mbang ndom biai pakat akaok mintri ginum biai jalan patagok talei pambuak bruk patagok du lịch di dom negar Việt Nam, Campuchia, Lào, Thái Lan, Philippines song Indonesia. Di mbang ginum biai, lambaok gah du lịch dom negar hu mbaok jeng hu ndom tal bruk miễn thị thực ka tuai du lịch kayua jaik meteh dom tuai damuai mai rivang di dom negar ASEAN jeng mai meng dom negar dalam ASEAN.

# Uỷ ban Mặt trận negar Việt Nam tỉnh An Giang bahrau peih nyaom biai brei thau ka bruk pilih ruah urang ka Quốc hội mbang XIV saong Hội đồng bhap bani dom pakat (tukvak 2016- 2021) ka dom chức sắc, chức việc, bhap bani Khmer meng sap Khmer. Bruk ngak ini daong ka cử tri Khmer thau cambaih makna, yaom glaong di mbang pilih ruah urang ka Quốc hội saong Hội đồng bhap bani di dom pakat; patagok quyền ngak po di drei, hu mbaok nao bầu cử ginup abih, njauk hukum piah ka harei bầu cử lac harei roya di taong abih bhap bani.

Khaw tin dunya:  

# Akaok mintri Ngoại giao Nga Xéc-gây La-vrốp (Sergei Lavrov) song akaok mintri ngoại giao Mỹ Giôn Ke-ri (John Kerry) bahrau hu ndom biai tapa phone ka dom bruk dunya, dalam nan hu bruk Xiry.  Tapa nan, dua gah pachreih tui bruk kham merat di Đặc phái viên Liên hợp quốc Xtáp-phan đờ Mi-xtu-ra (Staffan de Mistura) peih bruk ginum biai patui veik ka bruk Xiry. 2 urang dang akaok gah ngoại giao mboh lac, njauk patagok talei pambuak bruk di Nga song Mỹ piah dui atah bruk padeih chuh phao di negar Trung Đông ni.

# Thủ tướng U-crai-na Yát-xê-ni-úc (Arseny Yatsenyuk) bahrau tabiak panuac từ chức saong brei thau meda pok tagok Quốc hội dalam harei 12/4 saong pachreih bruk dak padang sa Raja-ei bahrau samar drah. Bruk ong Yát-xê-ni-úc từ chức nan lac bruk daok dalam kuhria mboh dahlau dalam tukvak dom urang ngak chính trị di U-crai-na tabiak panuac dahlau di nan lac dalam dom adit anak tal dom gah dalam Quốc hội meda patui veik ginum biai bruk dak padang liên minh saong raja-ei bahrau oh caik hatai tal bruk padeih bruk di ong.

# Karja ban Pê-sa-oa (Peshawa), tây bắc Pakistan bahrau patabiak bruk khẩn cấp di dom sang eik ruak dalam ban piah taduan saong dong siam di abih ka dom urang gaok bala di mbang megei boh taneha khang 7,1 độ rích-te bahrau rah tabiak di ban Pê-sa-oa. Hu takik di abih 2 urang metai song 30 urang karei njauk rambuac. Thủ tướng Pakistan Na-oa Sa-rip (Nawaz Sharif) hu tacei dom jabat pambuak tal, gah bol bala, karja bhum gaok bala dok dalam bruk báo động glong piah samar dong urang njauk bala./.