# Page harei 11/9, pak Hà Nội, Ủy ban dom kadha xã hội di Quốc hội peih mbang nyaom peih prong piah thẩm tra sơ bộ dự án Hukum dược (pasiam veik). Tui harak ba tabiak di Raja-ei, hadei di 10 thun peih ngak, ralo quy định dalam hukum dược oh daok lagaih ngan haong rai diuk harei ini, njauk roh duah pasiam veik. Hukum oh ka quy định chính sách ngak tabiak pren khang ka bruk patagok công nghiệp dược yau grap tanat labik pablei tabiak ka jru ngak tabiak dalam negar, patagok dược liệu, ngak tabiak vắc xin, sinh phẩm… Ralo urang lambaok brei thau, kadha khik iek karja ka yaom jru, pablei salih jru saong khik iek ka Chứng chỉ ngak nghề dược nan lac yêu cầu prong abih dalam pasiam veik Hukum dược.

# Jaik 240 tỷ đồng nan lac yaom jien huyện Mường Nhé, tỉnh Điện Biên  hu buh brei piah peih ngak dom dự án tui danak dak 30a di rajaei dalam labaih 5 thun tapa. Ngan saong yaom jien ini, huyện Mường Nhé hu buh tame, peih ngak dom danak dak, dự án, sarak patagok kinh tế - xã hội.  Tapa nan, baoh sang kan kathaot di huyện Mường Nhé meng labaih 65% thun 2009 urak ini trun daok ala 50%.  

# 51 sruh radaih juak hu taong abih yaom jien labaih 600 triệu đồng hu pok brei ka dom baoh sang kathaot oh ka pandar hu điện lưới negar pak dom huyện kathaot yau Tân Uyên, Than Uyên, Phong Thổ, tỉnh Lai Châu. Dom sruh radaih juak ini nduac tua - bin ngan tabiak điện piah nạp tame ắc quy tuk juak radaih. Tukvak juak - nạp điện rah tabiak dalam 30 minit saong  ắc quy meda ginup điện truac hadah dua baoh menyek dalam jaik 10 tuk. Dom sruh radaih juak hu daong brei mbang ini daok dalam danak dak sanya daong ba di Tập đoàn Điện lực Việt Nam ngan haong Ủy ban bhap bani tỉnh Lai Châu.

# Meng akaok thun tal ini, meng kadung jien danak dak 135 mbang 3, tỉnh Quảng Bình hu buh tame jaik 50 tỷ đồng padang ngak dom jalan thủy lợi, sang bac di bhum kan kandah. Danak dak 135 hu buh tame bhum bangsa takik tỉnh Quảng Bình jaik 140 tỷ đồng. Quảng Bình daok peih brei phun jien, pajaih phun pala, blei pandap panda jamriah, pandap sản xuất, ngak tabiak pandap daong mikva patagok bruk ngak mbang. Danak dak 135 hu rik daong langyah dom kan kandah dalam yaok gah ka rai diuk di bhap bini bangsa.

# Danak dak “Klah rabha gam haong anai gru cei gru”, pok meyaom dom gru pato naih gheih daok ngak bruk pak dom sang bac dalam 62 huyện kathaot dalam negar. Dom cei gru, anai gru hu pok meyaom njauk daok ngak bruk pak sang bac di 62 huyện kathaot takik abih 3 thun; hu jalan diuk rai siam gheih; hu thành tích dalam bruk jak ba anek saih bangsa takik nao bac; hu ralo sáng kiến dalam bruk pato, iek glang ka anek saih, hu kapul nyaom, rajaka, gah pato megru saong bhap bani puk palei ghi nhận. Tui kuhria, lễ pok meyaom meda peih ngak dalam harei 12/11/2015, pak Hà Nội.

# Kuhria tal tukvak ini, hu 28 sang bac ĐH, CĐ dalam taneh ia khan brei thau hu patui palih ruah mbang 3 (nguyện vọng pabak mbang 2). Di mbang palih ruah pabak mbang ini, ralo dom sang bac tok ba tabiak chỉ tiêu taduan mek hồ sơ lac anek saih hu 15 điểm tagok ngan saong dom tổ hợp palih ruah tame ĐH saong 12 điểm tagok ngan saong dom tổ hợp palih ruah tame cao đẳng. Tukvak taduan hồ sơ tut angan palih ruah meng harei 11 tal harei 21/9. Dom sang bac hu brei thau bruk palih ruah dahlau harei 24/9.

# Tukvak Tết Trung thu 2015, meng harei 19 - 25/9, Ban Dân tộc bal raya Hồ Chí Minh meda peih ngak dom kapul nyaom nao rivang saong alin brei 500 pok pandap ka uranaih nan lac anek kamuan urang bangsa takik  hu rai diuk kan kandah daok pak bal raya. Taong abih phun jien nan lac 100 triệu đồng. Amuk Nguyễn Thị Thanh Nga, Akaok duk sarak dalam Ban Bangsa bal raya Hồ Chí Minh brei thau: Yau dom thun ye Ban Dân tộc hu tham mưu haong Ủy ban bhap bani bal raya peih bruk iek glang ka uranaih bangsa takik hu rai diuk kan kandah. Số lượng pandap dalam thun 2015 jeng takik dut haong uranaih bangsa takik dalam bal. Kayua nan ye, caong khin dom Sở, ngành, kapul nyaom jeng yau dom quận, huyện sangka iek glang mbluak ka dom dom adei lac urang bangsa takik angaok địa bàn.

Patui di ini dom khau tin dunya:

# Di jabat Đại sứ quán VN di ban ine Viêng-chăn, tui ủy quyền di rajaei taneh ia công hòa XHCNVN, ong Nguyễn Mạnh Hùng, Đại sứ Việt Nam di Lào barau jao Huân chương ka dom urang dang akaok, dahlau daih lac mintri công thương saong mintri mỏ năng lượng taneh ia công hòa dân chủ bhap bini Lào kayua ngak siam bruk pakhang saong patagok talei pambuak bruk meng kan, jum pataom di VN saong Lào.  

# Công ty pajeng ba “Pink taxi” atau daok iew lac “taxi bóng hồng”, bahrau ini hu brei adat nao mai pak bal ine Cairô, Ai Cập. Langyah ka angan iew di hãng, amuk Rim Phau-di (Reem Fawzi) – urang padang tabiak công ty brei thau, taong abih dom sruh radaih ba tame pandar hu sơn màu hồng, urang peih radaih saong tuai ndik taong abih lac urang kamei. Hãng ini hu padang ngak pambak tui hatai caong khin di rahra, piah patrun bruk quấy rối tình dục daok rah tabiak angaok dunya.

# Harei 119 lac harei bak 4 thun meteh rah tabiak bala megei baoh taneh riyak khang di gah ia-sar NB min bruk pabak sang daok khang kajap ka 140 ribau bhap bini di 3 tỉnh njauk gaok kan kandah trak abih jeng daok gaok cuang kandah praong. Tal bilan 7, NB hu ngak salah bloh jaik 11 ribau baoh sang công ka bhap bini  lahik sang danaok kayua bala megei baoh taneh – riyak khang min bruk ini bahrau pabak hu 37% bruk ba tabiak./.