Khaw tin 19h, harei 16-9 saong 6h30 harei 17-9
/ Mesup harei
16/9, di HN, mintri y tế hu peih bruk tacei pato song Tổng đài tư vấn, miễn phí dong ka urang klak pakao
hala. Jabat langyah ni hu talei phone ka 18006606, tuk vak ngak bruk meng 8 tuk
tal 22 tuk dalam dom harei dalam adit (gam harei car song adit, oh ngak dom
harei lễ). Bruk tabiak mbnaok jabat ini biak hu yaom glaong piah dong ka urang
nyiel pakao hu chreih hatai dalam bruk
klah pakao.
# Tỉnh uỷ Khánh Hòa barau hu harak pandar doom gah, dom
puk palei pasang iek catang tuk peih ngak dự án kuac, peih praong luồng pambuak
saong bruk pataom mek cuah njaom mbak piah pablei tabiak taneh ia langiu di
labik kinh te Vân Phong. Ông Hồ Văn Mừng, Bí thư Huyện ủy Vạn Ninh, tỉnh Khánh Hòa brei
thau : Tỉnh tuk halei jeng ba mbuan lagaih piah ka dom gah dau tu peih ngak
du an, dalam tuk peih ngak du an jeng njauk khik caga kein laba di gah dau tu,
raidiuk mikva. Bruk ngak di mikva lac taong cap saong raong kaya ikan dalam ia,
chap mek hadang hùm anek njauk langyah
/ Meng akaok thun 2015 mbiah
tal harei ni, UB MT negar tỉnh Quảng Ngãi jak ba hu 4 tỷ 300 triệu đồng, meng
dom urang ngak pahla dom đơn vị ngak pahla, DN dok dalam tỉnh padang ngak
bahrau jiak 100 boh sang khang kajap ka dom boh sang kan dalam sarak karja di
tỉnh. Tapa nan, pasiam sang dok ka urang sang kan kathaot, dong ka dom urang
nan hu rai duik tani tanat
# Tỉnh Đắc Nông barau patabiak harak ka 1234/QĐ-UBND, ka bruk peih tabiak jalan pablei xăng sinh học E5, E10 dalam tỉnh. Tui nan, meng harei 1-12-2015 dom labik pablei xăng menyek dalam tỉnh Đắc Nông pataom tame pablei xăng sinh học E5 salih abih ka xăng khoáng Mogas 92, pablei gam saong xăng khoáng Mogas 95.
/ Harei 16/9 Cục Y tế
dự phòng (mintri Y tế) brei thau: urak ni, dalam negar hu 3 sruh jit cúm
A(H5N1) di tapon menuk ada di dom tỉnh: Vĩnh Long, Ninh Thuận song Sóc
Trăng. Piah samar pacang caga njom mbak cúm menuk ada tapa menuac, Cục y
tế dự phòng hu panuac caong Akaok Sở Y tế tỉnh Vĩnh Long patagok bruk pathau khan dom jalan pacang caga,
pacang njom mbak cúm menuk da tapa menuac di labik hu menuk ruak, metai dom
labik mbuan si tamuh jit glong.
# Sở pato magru tỉnh Gia Lai barau hu harak
tacei pato dom sang bac pakat sa dalam tỉnh peih pato môn bac pilih ruah eng sap
bangsa takik bản địa lac sap Gia Rai saong Ba Na ka anek saih dalam thun
bac 2015-2016. Meng thun bac 2015-2016 saong dom thun bac tal, môn
bac sap bangsa hu peih pato 2 tiết sa adit.
/ Di ban raya HCM, lồng đèn meng kan ngak meng baar kiếng thun ni pablei catang, lồng đèn pablei oh ka tal 1/3 dut song thun dahlau. Makna lac kayua darak pasa dok takre lồng đèn pin. Thun ni yaom lồng đèn baar kiếng trun meng 3.000-4.000 đồng/sa boh. Urak ni lồng đèn meng kan dok pablei hu kayua mối krein klak di dom quận huyện, dom kapul nyaom pahla song dom baha blei dahlau piah alin brei uranaih bilan trung thu
Patui di ini lac khaw tin dunya
# Gilang pariak dunya harei 15/9 hu panuac lac, mbuan rah tabiak
bruk phun jien nduac tame dom gah kinh te barau tagok meda trun rilo dalam tuk
Mỹ meda brei kak kajap sarak jien padai tui chu kỳ. Roh duah ba tabiak dahlau
di tuk mbang nyaom di Cục Dự trữ Liên bang Mỹ (FED) tui kuhria rah tabiak di
adit ini piah ginum biai ka bruk njauk hu patagok lãi suất cơ bản halei oh.
/ Jeng dalam harei 15/9, Gilang pariak negar Japon
brei khik ramik sarak pacadu jien ndua, jang yau patrun dự báo tăng truo73ng di
dom gah KT negar langiu, dalam tuk KT trung quốc song dom negar bahrau tagok
dok trun, ba tal dom kan kandah ka KT Japon. Sarak ni hu ba tabiak hadei di mbang
ginum biai di Gilang pariak negar Japon ka sarak jien ndua rah tabiak dalam 2
harei 14 song 15/ 9./.
# Hãng thông tấn Antara brei thau : Rajaei
Indonesia meda klak thị thực ka bhapbini 45 taneh ia di puac thun ini oh lac
tapa thun tal yau panuac khan dahlau deih, ba abih tih taneh ia hu klak thị
thực tame taneh ia “ribau ribau pulao kaoh” tagok 90 taneh ia. Bruk klak thị
thực meng blaoh nan hu daong patagok tui du lich di taneh ia langiu meng 5% tal
25%.
Viết bình luận