Khaw tin 19h harei 16/10  saong 6h30 harei 17/10/2015 

 # Pak Hà Nội, kadung jien daong ka urang ruak ung thư- Brei ka harei hadei hadah" di Mentri Y tế pambuak haing kapul jru tavao Hoffman La Roche bahrau peih Bilan pacang caga ruak ung thư tasau pak Việt Nam saong bruk “Pasang iek ung thư tasau” ka urang kamei umo meng 40 tagok. Peih bruk mbang ini, Kadung jien daong urang ruak ung thư – harei hadei hadah meda pambuak haong dom sang ruak hu khoa ung thư pak Hà Nội saong bal raya Hồ Chí Minh khám oh mek jien ka 12.000 urang kamei umo meng 40 tagok; peih dom khóa pato pathram piah paglaong ilamu ka y, bác sĩ ka bruk pacang cakak saong pasang iek ruak ung thư tasau. 

# Hội Liên hiệp Urang kumei tỉnh Sơn La barau peih bruk biai nao mai pahadar 85 thun harei  padang kapul Liên hiệp urang kumei Việt Nam saong pok meyaom dom urang ame, amaik raong anek khang kadang, pato pakai anek siam tukvak 2010 - 2015. Di var biai nao mai, dom adei saai ba gauk hadar veik jalan 85 thun hadah hadai di kapul.

# Pak bal Đà Nẵng, Viện roh duah urang prong thun Việt Nam bahrau peih nyaom biai pakat negar “Bruk di anak meta, jalan ngak saong kiến nghị ka bruk iek glang urang prong thun”. Pak nyaom biai ini, jaik abih urang prong thun ndom lac, tukvak tapa Karja hu ralo sarak sangka iek glang tal urang prong thun, yau nan min, anak meta oh ka pabak hu hatai caong khin, yaom jien daong daok biar. Jaik  30% urang prong thun daok pak palei pala bhum ceik, rai diuk daok kan kandah. Urang hu mbaok dalam van nyaom kiến nghị njauk pasiam veik Hukum urang prong thun tui gah patagok yaom jien daong, trun umo, grap tanat hatai caong khin ka urang prong thun, abih di nyu nan lac  sangka tal bruk pasang iek ruak.

# Uỷ ban bhapbini tỉnh Ninh Thuận barau tabiak bruk peih ngak tukvak sa danakdak “ trun takik bruk tảo hôn saong khing likei khing kumei cận huyết thống di bhum bhapbini bangsa takik, tukvak 2015-2020”. Tui nan, danakdak hu ba tabiak di dom xa bhum bhapbini bangsa takik, bhum kan kandah dalam tỉnh; dom puk palei peih ngak dom nyaom biai, ginum biai, taom gaok  piah paglaong akaok sahaneg ka adat hukum, salih bruk ngak di gah khing likei khing kumei bhum bhapbini bangsa takik, trun bruk tảo hôn saong khing likei khing kumei cận huyết thống.

 # Dalam dom thun tapa, meng ralo phun jien meng dom danak dak pakat negar, phun jien Trung ương hu daong saong phun jien di puk palei, tỉnh Bình Thuận hu pataom tame padang ngak hạ tầng thiết yếu pak dom xã bhum ceik, bhum glaong, bhum urang bangsa takik ngan haong 238 công trình, phun jien buh ngak labaih 356 tỉ đồng. Tal urak ini taong abih xã bhum ceik, bhum glaong, xã bhap bai urang bangsa takik hu labik ngak bruk khang kajap; hu điện pandar, balai y tế,  sang bac meng mầm non tal trung học cơ sở.

# Xã Tân Mỹ, huyện Trà Ôn, tỉnh Vĩnh Long lac palei hu rilo bhapbini bangsa Khmer daok,  labaih 4.700 menuac urang, meblah 41% menuac dalam xã. Urak ini, xã Tân Mỹ daok pataom tame pasang iek, dauh thau makna jeng ye caong khin di yaok sang kathaot bnagsa Khmer piah padang danakdak patr7un kathaot khang kajap di bhapbini bangsa .  

# Pambuak pagam tal bruk 46 baoh sang daok pak bal sit Mỹ Phước saong xã Phước Lập, huyện Tân Phước, tỉnh Tiền Giang  jaleih saong tapeih tabung kayua angin rabuk bahrau ini, urang pal kaok ủy ban bhap bani saong dom ngành, kapul nyaom huyện Tân Phước hu mai rivang, alin brei ka yaok baoh sang jaleih abih yaom jien 6 triệu đồng. Dom baoh sang mblein si jaleih, tapeih tabung hu daong 3 triệu đồng sa baoh sang. Langiu di nan, karja palei daok jak ba manuac urang mai dong dom baoh sang mblein jaleih nan pasiam veik sang danaok. 

Khaw tin dunya

 # Đại sứ quán Việt Nam di Pháp barau peih bruk brei Huân chương Hữu nghị di akaok taneh ia Cộng hòa xã hội chủ nghĩa Việt Nam ka amuk A-nít-sa Ba-rắc, dahlau thiah dang akaok jabat bhum châu Á - Thái Bình Dương di Tổ chức Quốc tế Pháp ngữ (OIF). Brei panuac di tuk nan, Đại sứ đặc mệnh toàn quyền Việt Nam di Pháp Nguyễn Ngọc Sơn hu panuac dar phor  saong pok meyaom di VN ka dom cong hien di amuk A-nít-sa Ba-rắc, tadhau yuh amuk jak jeng dalam dom bruk  ngak barau di bhum taneh Tuynidi.

# Pak bal ine Viêng Chăn, Mentri Kế hoạch saong Đầu tư Việt Nam, Kapul  patagok talei pambuak bruk ngak mbang kinh tế Việt Nam - Lào – Campuchia hu pambuak haong Viện Khoa học Xã hội Negar Lào bahrau peih diễn đàn Mekong 2015 ngan haong kadha “Jhul patagok talei pambuak bruk pablei salih, buh jien tame ngak dalam bhum Mekong dalam Cộng đồng kinh tế ASEAN”. Diễn đàn Mekong 2015 hu peih ngak piah jhul patagok bruk pambuak talei pablei salih, buh jien tame ngak di dom negar dalam bhum taneh kraong Mekong (GMS); palagaih ka dom doanh nghiệp bac megru nao mai haong gauk saong mong mboh cambaih jang ka tác động di hội nhập cộng đồng kinh tế ASEAN.

#  Akaok mintri Quốc phòng Nhật Bản Na-ka-ta-ni meda hu mbang ravang Hàn Quốc 3 harei, meng harei 20/10. Di mbang ravang ini, akaok mintri Na-ka-ta-ni hu biai saong akaok mintri Quốc phòng Hàn Quốc Han Min-Koo ka dom bruk di dua gah, dalam nan hu danakdak tên lửa saong hạt nhân di  Cộng hòa Dân chủ bhapbini Triều Tiên, pambuak bruk quốc phòng di dua taneh ia saong bruk di bán đảo Triều Tiên./.