Khaw tin 19h harei 16/3 saong 6h30 harei 17/3

# Phó Thủ tướng Vũ Đức Đam barau hu panuac tacei pato ka bruk Việt Nam hu mbaom tame padang ngak hồ sơ rilo negar bruk ngak sơn mài mengkan piah pok tagok UNESCO pasang iek ba tame angan inem krung ilimo phi vật thể lambaok ka menuac sia dunya. Phó Thủ tướng jao ka mintri ilimo, padhih saong du lich dang akaok, pambuak bruk saong dom mintri , nganh, puk palei pambuak tal pataom tame, pambuak bruk saong Hàn Quốc saong dom taneh ia hu inem krung ilimo phi vật thể bruk  ngak Sơn mài mengkan ngak hồ sơ rilo negar pok tagok Thủ tướng rajaei brei adat pok tagok UNESCO piah hu pasang iek ba tame angan inem krung ilimo phi vật thể lambaok di menuac sia dunya.  

/ Mintri Padang ngak barau hu harak caong khin giglang pariak karja pasang iek, langyah dui atah tukvak brei mesraiy pok jien 30.000 tỷ đồng.  Meyah oh dui atah hu tukvak peih jien breimesraiy paok jien daong 30.000 tỷ đồng, gilang pariak karja brei tacei pato langyah tui jalan hadei tukvak 1/6/2016, dom urang mesraiy piah padang ngak sang daok XH saong urang mesraiy pabak ginup điều kiện hu blei; pah; blei sang daok XH, hu sanya brei mesraiy phun jien ưu đãi bo oh ka hu peih jien mesraiy brei abih ye daok hu mesraiy ưu đãi tui thông tư 25 di gilang pariak karja.

# Pagaiy 16/3, mblang beir phần mềm Quang Trung ban raya Hồ Chí Minh peih bruk pahadar 15thun harei padang tabiak. Hadei di 15 thun ngak bruk, mblang bein phần mềm Quang Trung hu jeng mblang beir phần mềm akaok mereip saong jak jeng di abih dalam taneh ia. Tuk padang tagok, mblang beir phần mềm  Quang Trung tok hu 21 doanh nghiệp phần mềm ngan saong 250 urang ngak, min tal urak ini, labik ini pachreih hu 120 doanh nghiệp công nghệ thông tin, 33 urang đầu tư ngan saong labaih 18 rabau urang daok ngak bruk . 

/ Mban khik iek labik inem mek Sơn Mỹ brei thau: meng akaok thun tal ini, labik chứng tích Sơn Mỹ (xã Tịnh Khê, ban sit Quảng Ngãi, tỉnh Quảng Ngãi) hu taduan jaik 40 ribau mbang tuai mai rivang me-in, ralo jang 30% duk saong tukvak ini thun dahlau, dalam nan hu labaih 6 ribau tuai damuai negar langiu mai meng 43 taneh ia.

# Kayua kuhria mboh dahlau bruk tua riya, tỉnh Lâm Đồng hu jalan daong urang nong 50 tal 70% jien kuac danao saong ngak thủy lợi sit di dom bhum phun café, nan ye urak ini dom bhum ngak nong praong di tỉnh hu ginup ia pruh. Ông Phạm Ét, Phó akaoka uy mban bhapbini tỉnh Lâm Đồng brei thau : Di bhum njam, bingu, kayua tacei pato pala drak dalam rilo thun tapa mikva hu pandar cong nghe glaong, pandar ia pruh patak pataom;  kuac ribong krong saong neh rabha halau ia; nan ye bruk gaok tua di bhum njam, bingu oh rilo. Min, tui kuhria mboh dahlau di tukvak tal, dom bhum glaong saong bhum pala njam, bingu jeng gaok kurang ia. Yau nan ye, tỉnh pataom tame bruk duah mek di kraong, robong saong pruh ia patak pataom piah trun takik khat lahik ka mikva urang nong. 

/ Piah caga pacang cakak ruak sởi saong rubella, mintri y tế daok peih bruk klauk brei saoh vacxin  pacang 2 ruak sởi saong rubella ka uranaih umo meng 16 tal 17 thun dalam taneh ia. Tui nan,, meng harei 29/3 tal harei 2/4 tal, hu klauk ka uranaih bac tal 11 saong 12; dom uraniah oh nao bac hu klauk di harei klauk thường xuyên di bilan 4 di puk palei. 

# pasak ia hacih saong saat alam moi truong palei pala tỉnh Đồng Nai brei thau, dalam thun 2016 - 2017 tỉnh meda buh tame labaih 1.500 tỷ đồng piah ngak barau, ramik pasiam dom cong trinh ia hacih ka bhum palei pala. Dalam nan jaik 1.100 tỷ đồng lac kayua bhapbini saong doanh nghiep rik daong, daok labaih 426 tỷ đồng meng kadung jien karja meda daong dom pandap hlang ia, ba dom mo hinh hlang ia; pathau khan piah ka bhapbini buh jien tabiak ngak, pandar ia hacih piah khik caga pren yava. 

Patui di ini dom khau tin dunya:

/ Cty thư tín karja taneh ia Cuba brei thau, Mỹ saong Cuba brei pasiam veik bruk thư tín tapak di dua taneh ia. Tui nan, bruk thư tín tapak di dua taneh ia hu pambuak veik dalam harei 16/3 tui mong Mỹ, hadei di tuk dua gah tamat bruk ginum meyai gah kỹ thuật saong pajeng ba. Bruk pasiam veik dịch vụ thư tín tapak di dua taneh ia hu brei adat pajeng ba tapak bưu kiện saong thư tín di Cuba saong Mỹ.

# Tổng thư kí Liên hợp quốc Ban Ki Mun harei 15/3 hu panuac ieu Ixraen klaak bruk meblah taneh gah Bờ Tây di urang Palextin, ndom lac, bruk meblah taneh lac paga pacang jalan ngak lac dua taneh ia daok diukrai dalam hòa bình thaong gauk di Trung Đông. Panuac ieu nan hu ba tabiak hadei di tuk Ixraen tabiak panuac lac  234 hécta di Bờ Tây lac taneh di Ixraen, ngak ka urang mboh duh hatai lac mbuan patuh tabiak căng thẳng thaong urang Palextin. 

/ Barau ini, di ban Hannover di Đức hu peih nyaom darak CeBIT 2016 – nyaom drak yaok thun praong abih di dunya di gah công nghệ thông tin. Angan di nyaom drak thun ini lac “nền kinh tế số”,  pambuak tal 3 kadha praong di nền kinh tế số nan lac số hóa nền kinh tế saong dom darak pasar, số hóa bruk khik iek di khu vực công saong số hóa XH. Dom jak jeng barau gah công nghệ yau trí tuệ nhân tạo, kapal haok oh hu menuac peih saong dom gah yau siêu dữ liệu, điện toán aih ngin… hu yaih khan dalam nyaom darak./.