Khaw tin 19h, harei 16/5

      # Page harei 16/5, tui tukvak Việt Nam, Thủ tướng Raja-ei Nguyễn Xuân Phúc gam haong Kapul nyaom pakat glaong Raja-ei negar drei tabiak truh Hà Nội, tagok jalan nao rivang Liên bang Nga saong hu mbaok dalam Nyaom biai pakat glaong pahadar 20 thun talei pambuak bruk ASEAN -Nga. Mbang nao rivang ini piah rik daong peih ngak jalan đối ngoại hu ba tabiak di Nyaom roya pakat negar mbang ka XII di Đảng. Mbang rivang daok lac tukvak piah iek prong dom baoh jeng siam mekre dalam bruk salih bahrau patagok taneh aia, paglaong talei rohim pambuak bruk nao mao taong abih gah di Việt - Nga, ba talei pambuak bruk nao mai duah gah patagok prong dalam saong mek hu ralo baoh jeng siam mekre jang.

        # Tui Ủy ban pilih ruah ban sit Đà Nẵng, dom bruk kuhria caga ka harei pilih ruah urang jakar ka Quốc hội mbang XIV saong Hội đồng bhapbini dom pakat tukvak 2016-2021 dalam ban sit daok hu peih ngak njauk tiến độ, khik caga dân chủ, njauk hukum. Thành ủy Đà Nẵng hu tacei pato dom puk palei, labik njauk jhul khang bruk pathau khan ka pilih ruah, sangka tal cử tri lac urang ngak ikan, urang ngak, dom labik bol bala; hu phương án caik thùng phiếu di động piah khik caga pilih ginup, pilih sa mbang.

              # Cục Y tế khik caga harei 16/5 brei thau, tích lũy 18 adit akaok thun 2016 dalam negar brei mboh urang njauk ruak viêm glo akaok kayua vi rút trun 41,9% saong manuac urang njauk ruak tangin takai cambuai jeng trun daok 23,2% dut haong tukvak ini thun 2015. Yau nan min, ruak tangin takai cambuai jeng brei mboh dom urang njaomn mbak di 61 tỉnh, bal saong ruak viêm glo akaok kayua vi rút jeng brei mboh rah rah di dom puk palei. Mentri Y tế ndom lac: piah chủ động pacang caga ruak, bhap bani njauk khik caga vệ sinh cá nhân, bhian rao tangin meng jabol saong aia hacih, grap tanat an toàn thực phẩm, mbang tathak, menyum tathak; takik taom gaok haong urang ruak saong cuk khẩu trang tuk mong iek urang ruak. 

          # Pagaiy harei 16/5, di tiểu khu 1, xã Tông Lạnh, Công an huyện Thuận Châu, tỉnh Sơn La hu duah mboh 2 sruh radaih ô tô hu pajeng jaik 10.000 baok menuk ada oh cambaih asal di nyu. Tổ ngak bruk hu ngak biên bản dut iek saong jao dom baok menuk ada nan ka gah chuc nang kaoh tui njauk hukum.

            # Dom harei tapa, ralo sruh gilai taong mek ikan di bhap bani di bhum tasik tỉnh Khánh Hòa mek hu ralo ikan kayua gaok ralo jalan ikan kandaong langiu tasik, ralo sruh gilai mek hu jaik 20-30 tấn ikan sa mbang nao tasik mai. Ini lac bilan tabung glaong taong mek dom janih ikan nục, ikan chuồn, ikan chù. Hadei di kaoh abih phun jien buh tame, yaok mbang tasik, sa sruh hu laba meng 70-100 triệu đồng. Ong Nguyễn Trung Hiếu, Akaok mban khik iek pabah lamnge ikan Hòn Rớ, bal Nha Trang, tỉnh Khánh Hòa brei thau: “sruh gilai duah blei ikan tame pabah lamnge Hòn Rớ biak ralo,  tame pabah lamnge blaoh, mikva meda nao mek menyek, mek aia khar jeng yau dom janih pandap panda karei piah ba nao brei ka dom sruh gilai karei daok taong mek ikan pak langiu tasik. Dom sruh gilai hadei di pablei veik ikan ye patui veik taduan mek brah padai, pandap panda piah nao tui jalan ikan, harei melam ndam gam haong tasik, patagok hu sản lượng hadei di tuk taong mek.”

             # Kapul chữ thập đỏ tỉnh Kon Tum pambuak bruk saong huyện Kon Rẫy barau alin ia hacih ka mikva bhapbini bhum tua riya. Di ini, 1.600 bình ia menyum angan Thạch Bích kuhria tui  jien hu yaom 75.000 đồng sa bình hu alin ka mikva bhapbini dom xã Đăk Tờ Lung, Đăk Kôi, Tân Lập saong thị trấn Đăk Rờ Ve. Ini lac dom puk palei daok gaok khat lihik trak kayua tua riya.

          # Bal sit Đồng Xoài, tỉnh Bình Phước hu 121 baoh sang urang bangsa takik mbang tui dandak dak 134. Ngan haong bruk daong brei cakrok patagok bruk ngak mbang pala drak di Karja ka taneh pala drak, pajaih, khak drak… palaghaih ka dom baoh sang mbang tui nan tapa truh kathaot, grap tanat rai diuk.

         Patui di ini lac khaw tin dunya

        # Đại sứ quán Việt Nam di taneh ia Anh barau peih harei pok bingun pauan  126 thun harei menek di Wa Ho anit ranam. Hadei harei pok bingu pauan harei menek di Wa, Đại sứ quán Việt Nam hu peih harei taom gaok dom sinh viên lac urang đảng daok bac di Anh hu labik đại sứ quán. Ini lac mbang taom gaok định kỳ yaok thun piah Đại sứ quán thau hu bruk bac megru, daok dang, taphia nan pang panuac ndom, hatai caong khin saong ba tagok di dom sinh viên lac urang đảng .

         # Mentri An ninh saong An toàn Công cộng Hàn Quốc harei 15/5 brei thau, negar ini meda daong brei oh mek gilac ka Việt Nam 9 sruh radaih cứu hỏa hu tapa pandar blaoh dalam taong abih 16 sruh radaih bo Seoul meda daong brei ka dom negar daok patagok dalam thun ini. Jabat ini meda buh tabiak karei jaik 77.600 USD piah ngak bahrau dom janih radaih hu tapa pandar blaoh, ba brei dom pandap panda padam khuah tui gam jeng yau daong pato pathram pandar ka dom negar taduan mek daong brei ini.

         # Takik abih 59 urang bhapbini Băng-la-đét metai kayua tala tak tuk dom mbang ribuk hangin nhiệt đới nduac tapa taneh ia ini di 3 harei tapa. Dom urang njauk bala gaok tala klak lac urang nong daok ngak bruk di mblang hamu. Gah Khí tượng Ai Cập kakei urang bhapbini taneh ia ini plaik gaok tapak ia harei di tukvak meng dala tal sup, pabak ia gam gam./.