1 # jabat raja-ei bahrau brei thau kết luận di Phaok Thủ tướng Vũ Văn Ninh pak mbang nyaom Ban tacei jalan Trung ương Danak dak bruk ngak negar padang ngak palei pala bahrau. Tui nan, Phaok Thủ tướng tacei pato njauk patagok dom jak jeng dalam 6 bilan akaok thun, peih ngak samar, pabak dom jalan jhul pakhang patagok bruk sản xuất, rami ramik veik gah ngak nong pagam haong bruk padang ngak palei pala bahrau, dak harei dak paglaong jang ka số lượng saong chất lượng.          

2/ Tal tuk vak ni, rilo sang bac Trung học phổ thông dalam tỉnh Nghệ An dok peih bruk duyệt mức điểm palih ruah tame tal bac 10. Điểm pilih ruah tame tal bac 10 Trung học phổ thông thun ni beir jang dom thun bac dahlau labaih 2 điểm. Dom urang khik ramik pato megru ndom lac, bruk ini biak njauk haong bruk bac da-a kayua ni lac thun camereip gah pato megru hu salih bahrau tui jalan pasang iek tong yaom pren bac di anek saih.

3 # Tui Ban Chỉ huy Pacang caga bala meng langik tasik saong daong duah urang njauk bala tỉnh Cà Mau, tui kuhria mboh dahlau dalam thun 2015 bala meng langik tasik meda rah tabiak khang, kayua yau nan ye tỉnh hu tacei pato ka 5 labik “pandiak” peih bruk panduan ba mikva daok tapen đê; tapen glai pacang caga; tapen tasik, tapen pabah kraong, labik bhian njauk aia duak… nao tal labik siam mekre tuk hu ribuk. Taong abih baoh sang njauk panduan ba nao daok pak labik karei jaik 18.635 baoh sang ngan haong 85.399 urang. 

4/ Hội đồng pilih ruah pok brei angan bruk ngak meng kan, palei ngak, bruk ngak cong palei pala ban sit Cần Thơ bahrau pilih ruah pok brei palei har kẹo Ba Rích, quận Ô Môn lac palei ngak. Ni lac palei ka 4 hu pok brei angan di ban sit Cần Thơ. Pren khang di palei ngak har kẹo Ba Rích lac hu patagok meng lavik thun,, tangin ngak gheih, samar lagaih haong darak pasa, song hu pren meriak gauk di darak pasa.

5 # Pasak Pachreih kong saong Tư vấn patagok bruk ngak kong Trà Vinh bahrau jao Đề án daong “Mô hình ilamu ngak hadang, ikan thu tui  công nghệ bahrau” ka Cơ sở ngak pandap kaya ikan Dương Tiến Hải, daok pak xã Đông Hải, huyện Duyên Hải (Trà Vinh). Ini lac labik ngak mbang gah chế biến kaya ikan dalam aia akaok meti dalam tỉnh Trà Vinh hu daong brei công nghệ bahrau piah paglaong chất lượng saong vệ sinh an toàn pandap panda, khik kajap vệ sinh môi trường. Taong abih phun jien buh tame ngak labaih 1, 530 tỷ đồng. 

6/ Ub bhap bini tỉnh Vĩnh Long tacei pato Bảo hiểm xã hội tỉnh  brei jhul pakhang bruk pathau khan, pataom tame dom nyaom urang hu rilo tiềm năng, duah rilo jalan langyah kan kandah piah peih prong bruk bảo hiểm y tế dalam tỉnh hu 71% menuac urang di puac thun 2015. 

7 # Trung ương Kapul Liên hiệp dam dara Việt Nam bahrau tabiak mbaok Klup kapul Nghệ sĩ ranaih Việt Nam saong Klup kapul dam dara jaoh jo Việt Nam. Nghệ sĩ Xuân Bắc dang akaok Klup kapul Nghệ sĩ ranaih Việt Nam. Sa-ai Trịnh Công Thanh, Akaok Kapul dam dara jaoh jo Hà Nội, Akaok klup kapul urang jaoh jo Trung ương brei thau:

Băng : Caong khin prong abih di dam dara jaoh jo nan lac taom gaok hu dom danak dak, bruk ngak di Đoàn, Hội. Pagap yau bruk Dam dara padang mbang angui ye urang jaoh jo jeng caong khin hu mesraiy jien ưu đãi meng đoàn. Tuk bo hu klup kapul dam dara jaoh jo pak Trung ương, dom klup kapul jaoh jo puk palei meda mong tame nan piah dak padang, meng nan dam dara jaoh jo ba drei tame dom bruk ngak di dam dara.”

Patui di ni dom khau tin dunya

8/ Quốc Hội Hy Lạp mesup harei 16/7 tui tuk vak VN hu plaik phiếu brei tapa dự luật salih bahrau piah mek poko jien dong ka Hy Lạp bo rajaei Hy Lạp bahrau ginum biai njauk gauk haong dom po sraiy di akaok dit. Dự Luật hu brei tapa saong 229 phiếu thuận, 64 phiếu chống, 6 phiếu patih dalam abih tih 299 urang QH Hy Lạp hu mbaok plaik phiếu.

9 #Meng hu ralo phiếu thuận, dalam mbang nyaom dui atah labaih 2 tuk, Quốc hội Pháp harei 15/7 hu brei tapa pok daong  ka 3 brei ka Hy Lạp. Pháp urak ini daok hu mong lac sa dalam dom negar daong ka Hy Lạp khang di abih dalam dom negar pandar sa janih jien châu Âu.

10/ Thủ tướng Thái Lan Prayut Chan-o-cha (Pray-út Chan-ô-cha) harei 15/7 brei thau, negar ni hu brei tapa sa hukum bahrau oh brei trun jalan tuk oh ka hu adat. Ong ndom lac hukum ni hu pandar ka taong abih bruk jalan, ni jeng lac sa bruk ngak prong dong ka rajaei khik ramik siam mekre salamad./.