Khaw tin 19h harei 17-10-2015

# Thủ tướng Raja-ei bahrau pandar Tổng Công ty Đầu tư saong Kinh doanh phun jien karja palih ruah tukvak laghaih, khan brei ka Thủ tướng pasang iek, tabiak bruk mek veik abih phun jien karja pak 10 doanh nghiệp, dalam nan hu: Tổng Công ty cổ phần Bảo Minh; Tổng Công ty cổ phần Tái bảo hiểm Negar Việt Nam (40,4%); dom công ty cổ phần: Cơ khí saong Khoáng sản Hà Giang (46,6%); Nhựa Thiếu niên tiền phong (37,1%)…v..v.

# Mintri Lao động, Thương binh saong Xã hội barau hu harak  payua rajaei ka bruk padheih lễ, Tết thun 2016 di urang jakar , công chức, viên chức saong urang ngak. Tui nan, urang jakat , công chức, viên chức tui  kuhria hu padheih  Tết Nguyên đán Bính Thân 2016  dalam 9 harei . Tukvak padheih meng harei 6 tal abih harei 14-2-2016, nan lac meng harei 28 bilan 12 thun sak pabe tal abih harei 7 bingun bilan sa thun sak kara.

# Ủy ban bangsa bahrau peih nyaom biai brei panuac ka harak pathau khan pataom iek veik dom sarak bangsa tukvak 2011 – 2015 saong khung sarak chung peih ngak pak bhum urang bangsa takik saong bhum ceik tukvak 2016 - 2020. Tui dự thảo, khung sarak chung peih ngak pal bhum urang bangsa takik saong bhum ceik tukvak 2016 - 2020, pataom tame dom sarak njauk brei ngak dahlau dalam dom njaom sarak nan lac: Nyaom sarak patagok kinh tế, njaom sarak xã hội, njaom sarak karei ka bhum urang bangsa takik saong bhum ceik..v..v. 

# Tui Hiệp hội Lương thực Việt Nam (VFA), thalipan bilan tapa dalam taneh ia hu pablei tabiak taneh ia langiu 4,351 triệu tấn brah, yaom FOB 1,810 tỷ USD, yaom CIF 1,861 tỷ USD. Urak ini di darak pasal dalam taneh ia, adit akaok bilan 10, yaom brah nguyên liệu janih 1 ngak tabiak brah 5%  mekuac urak ini jaik 6.450 tal 6.550 đồng/sa kg tui labik, tui puk palei; brah nguyên liệu ngak tabiak brah 25% mekuac lac 6.300 tal 6.400 đồng/sa kg tui chat luong saong tui puk palei .

 # Kapul urang kamei Việt Nam peih Harei Urang kamei hadah krah - 2015 ngan haong dom bruk rah tabiak dalam dua harei 16 – 17/10. Kadha praong di bruk ngak ini nan lac Parang iek urang kamei saong hadah krah 2015. Parang iek hu parabha jeng 4 kadha:  Kinh tế; Pato megru; Ilamu - Công nghệ saong ilamo - Nghệ thuật - Xã hội.

# Pamaong tal bruk pahadar harei padang kapul lien hiep urang kumei Việt Nam (20/10), Công ty Đông Đô Show pambuak saong gah peih melam nhạc “ bingu cuc tanhik” hu mbaok di rilo ca sy hu angan je. Danakdak rah tabiak di Cung Văn hóa Hữu nghị Hà Nội, di melam 17/10. Melam nhac bingu cuc kanhik yau ye bruk piah ka dom nghe sy, ca sy hu neh rabha hatai anit ranam di drei brei ka dom urang kumei.

# Hadei di 3 bilan peih bruk pakacah cih “Wa Ho di khaol dahlak” (meng harei 19-5 tal 19-8-2015), Ban peih bruk taduan hu 28.585 blah rup cih di dom uranaih dalam umo meng 5 tal 14 thun, meng 3 bhum payua mai pakacah. Ralo tác giả umo sit nan lac urang bangsa Nùng, Mông, Tày, Mường, Ê Đê… dom blah rup cih payua mai njuak tui kadha di bruk pakacah, yau: Rup binguk Wa Ho, Wa Ho haong uranaih, Wa Ho daok pak Việt Bắc, Wa Ho nao ngak bruk, Wa Ho ma-in Trung thu haong uranaih.. 

Khan tin dunya

# Ủy ban kinh tế Mỹ Latinh saong Caribe di Liên hợp quốc (ECLAC) brei thau jien buh tame ngak mbang tapak di taneh ia langiu (FDI) di bhum Mỹ Latinh trun 21% dalam meteh akaok thun 2015. 

# Dom urang jakar ngak praong gah hải quan Australia harei 16/10 brei thau bahrau cap khik 71 tấn pakao hala nhập lậu pak negar ini. Ini lac dom pakao hala lậu prong abih njauk cap khik meng dahlau mai pak Australia. 

# Harei 15/10 yaok pluh trang  mạng praong di Mỹ nyu lahik di rilo bhum dalam taneh ia, ngak kan kandah oh sit tal bruk ngak di dom công ty saong bruk truy cập trực tuyến di menuac urang. Dom  website  gaok ảnh hưởng hu trang tin tức BBC, hãng công nghệ pabak bruk nao gam radaih di điện thoại di động Uber, trang phim trực tuyến HBOGo, mạng xã hội Twitter, dịch vụ papar binguk tapa Internet Netflix... Min, bruk nan samar hu pasiam veik.