Khaw tin 19h harei 17-9 saong 6h30 harei 18-9

/ Tổng cục Du lịch di mintri ilamu - Thể thao song Du lịch bahrau peih bruk ginum biai “ Pambuak dom dom inum krung dunya di VN”. Dalam ginum biai, urang hu rik dong rilo panuac ngak yau habar piah pambuak pagam dom inum krung dunya, dalam nan hu bruk dom puk palei njauk padang ngak song patagok dom tour, jalan du lịch, abih di nyu nan lac bruk pambuak pagam dom inum krung dunya di VN.

# Tập đoàn Điện lực Việt Nam (EVN) barau tabiak quyết định pasiam, pabak Bộ Quy trình pablei salih điện năng pandar di abih tập đoàn, ba tame ngak meng harei 01/09/2015. Bruk ramik pasiam nan iek tui dom bruk tamuh tabiak dalam tuk pablei salih di EVN dalam tukvak tapa. Tui nan, piah khik caga quyen pasang iek bruk ghi chỉ số công tơ điện,  urang pandar menyek meda pilih ruah jalan pasang iek tapak bruk ghi chỉ số công tơ atau gián tiếp pasang iek tapa urang lambaok vakil ye akaok tổ dân phố, akaok palei, lambaok bhapbini atau kapul nyaom, menuac urang hu urang pandar menyek ủy quyền.

/ Tui mban tacei jalan pacang caga ribuk dong duah urang njauk bala tỉnh Bà Rịa – Vũng Tàu, tukvak 3 tuk mesup harei 16/9, kapan tong ikan BV 97799 TS kayua amuk Phạm Thị Ngọc, dok di  phường 2, ban sit Vũng Tàu ngak po, dok angaok jalan tame atah di Côn Đảo 30 hải lý ye bình gas angaok kapan patuh ngak kram kapan. Dalam 20 urang daok angaok kapan , sa urang angan Khai hu sa boh kapan iakn di Phước Tỉnh, huyện Long Điền srong tagok. 19 urang dok veik seik nao atah di labik kapan kram. Kuhria tal melam 16/9, gah dong duah di angaok tasik srong tagok hu 4 urang, dalam nan hu sa urang metai, oh ka thau angan di urang nan.

# Tui panuac khan meng mBan tacei pato pacang caga bala meng lingik tasik saong daong duah urang njauk bala tỉnh Quảng Nam, ribuk ka 3  ngak ka 57 ha padai saong 640 ha njam patam di mikva urang nong Quảng Nam dauk ia, jaoh jaleih, 162 ha phun mbang baoh khut khat, labaih 7.500  phun cảnh tabuac, megaiy gha, jaleih; 9,9 ha raong hadang glut jaleih. Langiu di nan, kayua gaok ribuk, 2.747m3 jalan nao mai gaok mbaih mbaoh.

/ Jiak 5 thun, meng thun 2009 tal thun 2015, peih bruk “ Tong abih bhap bini jum pataom dak padang rai duik ilamu di labik dok” dom mban, ngành di tỉnh Quảng Ngãi kham merat hu mbaok tame bruk pacang tong paoh dalam sang meng dom jalan ngak cambaih laih. Kayua yau nan ye, bruk tong paoh gauk dalam sang di dalam tỉnh hu trun khang tapa yaok thun. Meng 463 mbang thun 2012 trun dok 346 mbang thun 2013

# Harei 17/9, di ban sit Mỹ Tho, tỉnh Tiền Giang, Công ty Bảo hiểm nhân thọ AIA Việt Nam saong Kadung jien daong uranaih Việt Nam pambuak bruk peih harei patabaik danakdak “ jalan tame raidiuk”, piah pataom jien blei radaih juak alin ka uranaih kathaot pachreih bac di tỉnh Tiền Giang. Di tuk peih bruk, Công ty Bảo hiểm nhân thọ AIA Việt Nam saong Kadung jien daong uranaih Việt Nam hu alin 50 sruh ridaih juak saong 50 paok pandap  yaom abih tih 95 triệu đồng brei ka uranaih kathaot di tỉnh .

/ UB bhap bini ban sit Cần Thơ bahrau peih ginum biai ka bruk khik ramik song patagok darak angaok kraong Cái Răng. Urang dang akaok UB bhap bini tinh Cần Thơ ndom lac: Bruk khik ramik song patagok darak angaok kraong Cái Răng brei hu jalan ngak. Dahlau di abih brei padang mban khik ramik darak pasa, dong palagaih ka urang pablei salih di darak angaok kraong, oh mek jien hagait ngan saong urang pablei salih meng atah mai.

  Khaw tin dunya

# Mỹ brei thau meda daong 89 triệu đôla Mỹ viện trợ nhân đạo piah daong dom urang gaok kan kandah kayua bruk srau kadau di Yê-men. Tapa panuac khan daong barau di Mỹ, nyu  patagok abih tih jien Mỹ daong nhân đạo ka Yê-men tagok 170 triệu đôla dalam thun kadung jien karja tamat di harei 30/9 tal. 

/ Dalam sa harak pathau khan hu ba tabiak di harei 16/9, kadung jien dunya khik caga lingik tasik hu panuac lac bruk tong chap rilo, môi truo72ng nerak tachauk song biến đổi khí hậu lac dom makna ngak brei kaya ikan dalam tasik trun biak samar dalam tuk vak meng thun 1970 tal thun 2010. Pathau khan hu angan “Baoh taneh hiajo” di WWF jeng hu khan lac, dom janih sinh vật tasik ngak pandap mbang ka menuac sia jeng dok trun khang di abih./.

# Trung Quốc bahrau rah tabiak sa mbang tra bala pambuak tal thang cuốn tuk sa anek naih kumei umo 3 thun njauk thang cuốn “luan ” tangin gah ieu di sa pasak blei pandap. Tui Shanghaiist, bala pandiak harao nan rah tabiak di tukvak 16 tuk harei 15/9 di sa siêu thị  dalam quận Xiushan, langiu ban sit Trùng Khánh. Anek naih kumei umo 3 thun nyu libuh tuk daok dang angaok thang cuốn gam saong amuk, tangin gah ieu di nyu gar dalam sa labik huang sit.