Khaw tin 19h harei 17/3 saong 6h30 harei 18/3

# Tui Quyết định 306/QĐ-TTg ka bruk ramik veik yaom jien brei mesraiy di dom sang pala drak pablei salih di bhum kan kandah  barau hu Thủ tướng rajaei ba tabiak meng harei 15-3-2016, tyaom jien brei mersaiy ka dom sang pala drak, pablei salih glaong di abih lac 50 triệu đồng oh lac 30 triệu đồng yau urak ini. Tui nan, urang mesraiy jien tal 50 triệu đồng oh cang hu drap ar piah hu mesraiy. Urang mesraiy jien meng labaih 50 triệu đồng brei hu drap ar padang piah hu mesraiy tui adat hukum gah mesraiy jien urak ini .

/ Tỉnh Quảng Ngãi daok ieu dom doanh nghiệp buh jien tame ngak dom dự án praong gah hạ tầng dalam tỉnh. Dom dự án praong ini nan lac: jalan radaih, jalan par, hạ tầng dom khu công nghiệp, dom dự án ba ia hacih ka bhap bini. Ong Lê Viết Chữ- Ủy viên Trung ương Đảng-Bí thư Tỉnh ủy- akaok HĐ bhap bini tỉnh Quảng Ngãi lac: “Kol dahlak daok hu sa đề án biak praong nan lac ieu buh jien tame ngak pasiam mblang kapal haok Chu Lai. Yaom lac mblang kapal haok Chu Lai di Quảng Nam min nyu biak siam lagaih saong Quảng Ngãi. 2 thun bloh peih dom jalan par praong jeng par ginup abih dom mbang par. Meyah urak ini kol drei buh jien tame ngak ka labik ini jeng sa pasak pajeng ba pandap panda, tuai damuai dalam khu vực saong dunya meng jalan kapal haoh ye  nyu peih tabiak jalan praong piah patagok”

# Meng thun 2011-2015, tỉnh Đắk Lắk hu buh tame labaih 9.054 tỷ đồng k bhum bhapbini bangsa takik, bhum biak kan kandah. Meng phun jien nan, tỉnh Đắk Lắk hu padang ngak hạ tầng thiết yếu, an sinh xã hội ka bhum bhapbini bangsa takik.  Tal urak ini, abih tih dom xã dalam tỉnh hu jalan ô tô nao tal pasak xã; 90% xã, 70% sang hu pandar menyek ; labaih 95% xã hu điện thoại; taong abih xã hu balai y tế…,hu daong jhul pakhang patagaok bruk ngak mbang, pala drak, meng nan kein laba meng ngak nong di bhum bhapbini bangsa takik dak harei dak tagok.

/ Harei 17/3, mintri thông tin saong truyền thông pambuak saong UB bhap bini tỉnh Gia Lai peih parang iek bản đồ saong parang tabiak tư liệu “ Hoàng Sa, Trường Sa di VN – dom bằng chứng sajarah dak rai saong pháp lý”. Parang iek hu parang tabiak  ralo harak gar, pandap panda, ấn phẩm saong jaik 100 bản đồ hu pataom meng dom tư liệu hu ba tabiak meng dahlau tal ini di dom urang ruah duah, học giả dalam taneh ia saong dunya yau: phiên bản di dom văn bản Hán – Nôm, văn bản Việt ngữ sapng pháp ngữ kayua saman patao VN saong karja Prang di Đông Dương patabiak meng abap XVII tal akaok abap XX.

# Urak ini, yaok rabau  bhapbini di xã Ngũ Hiệp, huyện Cai Lậy, tỉnh Tiền Giang saong xã Tân Phú, huyện Châu Thành, tỉnh Bến Tre biak duh hatai kayua bruk ramik pasiam, peih praong canah jalan huyện lộ 870  thi công meteh jalan ngak kan kandah ka bruk nao mai saong pajeng pandap panda di bhapbini. Di labik ini, hluk hu caoh kuac tagok jeng sa baok ribong praong, min po dau tu suai bơm cuah piah lam tapak ngak kan kandah ka bruk nao mai, pajeng ba pandap panda di bhapbini.

/ meng akaok thun tal ini, rilo kapul doanh nghiệp dalam saong langiu taneh ia hu mai tỉnh Đồng Nai duah thau bruk ngak mbang; dalam nan, dom doanh nghiệp hu mbaoh tangin pambuak bruk blei pa-aok di urang nong piah pablei tabiak negar langiu. Meng akaok bilan paik pa-ok tal ini, yaom pa-aok dalam tỉnh dang di tanut glaong. Anak meta, meng ini tal puac vụ, doanh nghiệp meda blei pa-aok 3 bialn hajan mek hu chuẩn VietGAP ngan saong yaom tani tanat 10.000 đồng/kg. 

# Piah samal langyah bruk bhapbini eng  drei salih taneh ngak nong, oh caik rah tabiak labik pandiak dalam tỉnh, Akok uy mban bhapbini tỉnh Cà Mau Nguyễn Tiến Hải hu tacei pato dom gah chức năng pacang caga samal bruk eng drei ba ia mbak tame hamu; langayah catang dom urang ngak suan; taphia nan ngak siam bruk langyah piah khik caga kein laba di urang pala padai saong urang raong hadang. Dalam 16 thun gilac mai, Cà Mau hu labaih 17.000 ha taneh ngak nong njauk bhap bini eng drei ramik veik tui hatai. 

Patui di ini do khau tin dunya:

/ Pasak rami ramik jalan par châu Âu brei thau hu padang liên lạc saong trạm liên hành tinh Nga – châu Âu ExoMars. ExoMars lac dự án akaok meti bo Nga saong châu Âu pambuak bruk khang kajap dalam gah vũ trụ. Bruk ngak praong di talei pambuak bruk ini lac duah khí metan dalam khí quyển angaok sao hỏa piah duah mboh asal di janih khí ini angaok hình tinh meraih.

# Tui sa pathau khan hu ba tabiak harei 16/3, thun ini , Đan Mạch hu yam tagok dua bậc saong meblah labik dang lac taneh ia haniem phun di abih dalam dunya di Thụy Sĩ. Pathau khan nan kayua gah Mạng lưới dom jalan patagok khang kajap (SDSN) pambuak bruk saong vien roh duah Baoh Taneh di sang bac Đại học Columbia peih ngak. 9 taneh ia dang hadei Đan Mạch dalam angan 10 taneh ia haniem phuan di abih dalam dunya nan lac: Thụy Sĩ, Iceland, Na Uy, Phần Lan, Canada, Hà Lan, New Zealand, Australia saong Thụy Điển.

/ Akaok mintri năng lượng Qatar gam lac urang dang akaok Kapul dom taneh ia pablei menyek tabiak negar langiu (OPEC), ong Mô-ham-mét An Xa-đa, brei thau dom taneh ia dalam OPEC saong dom gah ngak tabiak menyek praong langiu Kapul ini hu mbang ginum meyai di harei 17/4 tal piah tani tanat yaom menyek. Ong Sada ndom lac 15 taneh ia meblah jaik 73% sản lượng menyek di dunya, dalam nan hu Nga saong taneh ia pablei menyek dang akaok dunya lac Saudi Arabia,  hu pachreih tui jalan ngak ini./.