Khaw tin 19h harei 17/5 saong 6h30 harei 18/5

       # Bruk kuhria caga ka harei bầu cử urang Quốc hội khóa XIV saong Hội đồng bhap bani dom pakat pak bhum atah bayah, bhum glaong, labik tapen negar di tỉnh Sơn La hu salah blaoh blai. Bruk pathau khan brei thau, jak ba bhap bani thau ka bầu cử saong pathau khan ka cử tri thau harei bầu cử, labik buh phiếu, tukvak buh phiếu hu peih ngak bhian harei, meng ralo sap Yuan saong sap bnagsa (Thái, Mông, Dao). Tal ini, dom xã, phường, bal sit, puk palei, tiểu khu, tổ dân phố hu ngak salah blaoh labik phiếu, kuhria caga cơ sở vật chất saong pandap panda brei ka harei bầu cử.

         # Tỉnh Bình Định hu jiak 43 rabau cử tri lac urang ngak ikan. Dom harei ini, uy mban pilih ruah dom pakat tỉnh Bình Định pataom tame jak ba, pathau khan mikva urang ngak ikan samal mai sang pataom tame pilih ruah. Urak ini, dom urang ngak ikan saong po kapal hu taduan mek asal kadha ka harei pilih ruah  Quốc hội mbang 14 saong Hội đồng bhapbini dom pakat.  Ông Nguyễn Văn Xuân, urang ngak xã Tam Quan Bắc, huyện Hoài Nhơn, tỉnh Bình Định brei thau : ông hu hadar anek likei saong dom urang nao taong cap ikan kham merat mai sumu harei pilih ruah : Thun ini siam lagaih abih lac harei nan harei adit, urang ngak ikan mai sang abih paje.)

    # Tal ini, taong abih bruk kuhria caga ka harei palih ruah urang Quốc hội khóa 14 saong Hội đồng bhap bani dom pakat pak tỉnh Bình Thuận hu salah blaoh blai. Nan lac panuac khan di Ủy ban bầu cử tỉnh Bình Thuận dalam nyaom biai pataom iek veik bruk bầu cử rah tabiak dalam page harei 17/5. Kuhria tal harei 17/5, Ban thường trực Ủy ban Mặt trận Negar Việt Nam tỉnh Bình Thuận hu ngak salah blaoh bruk peih ngak nyaom biai taom gaok haong cử tri jak ba bầu cử pak taong abih 43 labik taom gaok di ứng cử viên urang Quốc hội saong pak taong abih 120 labik taom gaok di ứng cử viên đại biểu Hội đồng bhap bani tỉnh.  

        # Pagaiy harei 17/5, Chi cục raong glang saong Thú y ban sit Đà Nẵng khan brei thau ka bruk 7 drei menuk di amuk Nguyễn Thị Hòa daok di tổ 76, phường Hòa Hiệp Bắc, quận Liên Chiểu metai sahaneng lac kayua mbang ikan. Po sang brei thau, langiu dom janih pandap mbang yaok harei, sang daok brei mbang hasit ikan klak, rilo jang ikan taba, sahaneng lac menuk metai kayua jru mek meng ikan. Chi cục khik ramik Chất lượng Nông- Lâm- Thủy sản Đà Nẵng jeng hu dut iek saong xét nghiệm dom janih ikan klak gam saong asal di nyu.

            # Meyah atah di ini jaik 3 tháng, tỉnh Phú Yên hu 2.666 baoh sang tapen tasik dalam huyện Tuy An saong bal sit Sông Cầu kurang pandar ye tal harei ini, tui Sở Ngak nong saong patagok palei pala Phú Yên, taong abih dom huyện, bal sit hu tal 13.309 baoh sang kurang aia pandar, tagok 7.703 baoh sang dut haong puac bilan 4. Anak bruk kurang halau aia, mbaok aia ala haluk trun khang, tỉnh Phú Yên daok hu kế hoạch mong iek veik kadung jien daong ka dom puk palei 7,9 tỷ đồng piah ka mikva kuac kuah, takac dalam jang bingun, kuac bingun bahrau atau mek jalan mbrong nhựa ba aia pandar tame sang.

           # Tui Thường trực Ban tacei pato Tây Nguyên, yaom lac hu hajan min bruk thulagu di Tây Nguyên jeng daok rah tabiak khang, khat lahik praong ka urang bhapbini. Kuhria eng phun caphe, urak ini dom tỉnh Tây Nguyên jeng hu labaih 100 rabau ha kurang ia pruh, thulagu jeng ngak brei takik baoh meng 30% tal  70% atau phun metai thu lahik abih.

        # Tui kết quả dut iek nồng độ mbak bahrau ini di gah chức năng tỉnh Hậu Giang, nồng độ mbak di ralo puk palei dalam tỉnh ini trun biak ralo, abih di nyu ralo labik nồng độ trun meng 2 tal 4 mbang. Gah ngak nong tỉnh daok khuyến cáo karja dom xã, bal sit tui iek catang tua riya pandiak bhang, mbak. Meyah nồng độ mbak daok mboh glaong, meda kareik jang dom baoh binek thời vụ daok veik piah khik caga mblang taneh pala drak saong aia pandar brei ka bhap bani. 

        # Mô hình pala darang suan bilan brei jien mek tame glaong duk saong chính vụ urak ini daok hu Sở ngak nong saong patagok palei pala tỉnh Đồng Tháp pachreih ngak saong pambak praong. Urak ini, janih darang pajaih kalik limo chính vụ di  Đồng Tháp hu pablei di yaom lac 9.000 đồng min, darang janih ini suan bilan gilac hu yaom glaong jang lac 11.000 đồng sa kg. Darang pajaih Edor hu yaom glaong jang kayua ini lac darang piah pablei tabiak taneh ia langiu hu yaom pablei  lac 25.000 đồng/sa kg dom suan bilan hu pablei di yaom lac 28.000 đồng/sa kg.

       # Labaih 300 urang pal akaok doanh nghiệp Anh hu pachreih jak ba cử tri negar ini nao buh phiếu ủng hộ bruk Anh tabiak truh Liên minh châu Âu (EU), atau daok iew lac "Brexit", dalam mbang trưng cầu ý dân tui kuhria dalam harei 23/6 tal kayua lac "bộ máy cồng kềnh" di EU kìm hãm bruk cakrok patagok di dom doanh nghiệp Anh.

     # Hạ viện Nhật Bản harei 16/5 hu brei brei tabiak dự thảo kadung jien karja tame 7 tỷ 200 triệu USD ka tài khóa 2016 piah ramik pasiam khat lahik di mbang megaiy taneh rah tabiak di bhum Tây Nam taneh ia ini di bilan 4 barau blaoh. 

     # Số liệu chính thức Ban quốc gia ka bruk Patagok kinh tế saong xã hội (NESDB) di Thái Lan brei thau harei 16/5 brei mboh kinh tế negar ini dalam quý I/2016 tagok 3,2% dut haong tukvak ini thun dahlau nhờ chi tiêu công saong rivang ma-in du lịch. Jalan patagok ini tapa bruk kuhria dahlau di dom chuyên gia kinh tế dahlau di nan saong lac tanut glaong abih dalam 3 thun tapa.