Khaw tin 19h harei 18-9 saong 6h30 harei 19-9-2015 

 / Thủ tướng rajaei bahrau mbaoh tangin brei peih ngak Đề án “Salih jalan duk kan kathaot meng sa gah tapa rilo gah pandar ka tuk vak 2016 - 2020". Tui nan, bruk padang tanut kan kathaot tuk vak  2016 – 2020 hu tui jalan kuhria gam tanut kan kathaot ka jien mek tame song bruk kurang takik dom dịch vụ xã hội (dalam nan hu 5 dịch vụ nan lac,  y tế, pato megru, sang dok, ia hacih song vệ sinh, thông tin)

# Panuac khan meng Hiệp hội njam patam baoh kraoh Việt Nam, dalam 7 bilan akaok thun 2015, Thái Lan jeng daok dang akaok dalam kapul 10 taneh ia pabak njam patam baoh traoh rilo abih tame Việt Nam, hu jaik 96 triệu đô la Mỹ. Dom janih baoh kayau Thái Lan pablei tapa Việt Nam rilo nan lac: durian (sầu riêng), chôm chôm, bòn bon, mil, makhut (măng cụt), pa-ok.

/ Tỉnh Bình Thuận bahrau peih bruk patom iek veik 10 thun peih ngak Chỉ thị di Thủ tướng rajaei ka bruk jhul pakhang jalan patagok KTXH, khik caga an ninh trật tự ka bhum urang Cham dalam tuk vak bahrau. Tapa 10 thun peih ngak chỉ thị di thủ tướng, bruk KT song rai duik di bhum urang Cham hu rilo salih bahrau. Rilo sang salih tapa pala dom janih phun mbang boh, phun cong nghiep takik harei, lavik harei hu yaom KT glong yau thanh long, nho bahrau Châu Âu, cariah mek asar. Dom bruk ngak meng kan  yau pandap lan an, pak jot, menyim khan bac hu khik ramik

# Công ty cổ phần Hoàn Cầu Đà Lạt (daok dalam Tập đoàn Hoàn Cầu) tỉnh Lâm Đồng brei thau, Cty hu ngak blaoh bruk ramik pasiam Dinh I Đà Lạt saong peih bambang raok tuai ravang mein. Meng ini tal puac bilan 9/2015, Dinh I brei tame saoh saong trun meteh yaom jien vé dalam bilan 10-2015 ka tuai ravang mein .

/ Piah pasiam dom labik mbuan rah tabiak bala, khik caga siam mekre bruk nao mai angaok  dom jalan, Mban khik ramik dự án giao thông 2, Sở jalan mbak pajeng ba tỉnh Bà Rịa -Vũng Tàu hu peih ngak danak dak pasiam veik labaih 20 labik mbuan rah tabiak bala, atah abih tih  jiak 12 km di 8 canah jalan. Langiu di bruk pasiam mbaok jalan, dom jalan ni dok hu ngak jalan tathuak ia, gom điện hadah di tuk melam, dải phân cách song dom janih biển báo tín hiệu. Abih tih yaom jien buh tame ngak labaih 145 tỷ 300 triều đồng. Danak dak hu peih ngak dalam 36 bilan.

# Ủy ban bhapbini ban raya Hồ Chí Minh barau brei thau, brei dui atah tukvak peih ngak du an ngak tabiak 300 sruh radaih buýt pandar nhiên liệu khí nén thiên nhiên (CNG). Dự án ngak 300 radaih buýt pandar khí nén CNG hu ban raya brei adat ngak meng bilan 11/2013, piah salih dom radaih buyt klak, khut, oh daok ginup tanut radaih pajeng tuai công cộng dalam ban raya.

Khaw tin dunya

/ Hadei di mbang ginum biai ka sarak jien ndua dui atah 2 harei, mesup harei 18/9, Cục dự trữ liên bang Mỹ (FED) brei thau, yaom jien liba di Mỹ hu khik tamo. Tui nan, yaom liba cơ bản di Mỹ daok dang di tanut 0% tal 0,25% takik di abih tal bilan 11 thun ni, tuk FED peih mbang ginum biai bahrau. Makna di jalan ngak ni, tui amuk Gia-nét Ê-len (Janet Yellen), akoak Cục dự trữ liên bang lac kayua KT Mỹ oh pabak hu tanut lạm phát 2%.

# Nyaom darak parang iek Trung Quốc – ASEAN mbang yaka 12 peih tabiak harei 18/9 di ban Nam Ninh, tỉnh Quảng Tây, Trung Quốc. Nyaom darak parang iek mbang ini dui atah meng harei 18 tal harei 21, hu mbaok 61 doanh nghiệp saong 1 rabau 300 gian pandap di dom taneh ia ASEAN saong dom taneh langiu khu vực.

/ Jabat quan Khí tượng Nhật Bản brei thau, riyah glong 30 xentimét hu mboh di bhum Ku-ji (Kuji) dalam I-oa-tê (Iwate), đông bắc Nhật Bản  harei 18/9 hadei di mbang megei boh taneh khang di Chi Lê harei 16/9. Urak ni oh ka hu panuac khan halei ka bruk metai lihik atau khut khat hadei di mbang riyah di Japon. Japon oh tatuak drei tuk riyak rah tabiak di bhum tasik ni hadei di mbang megei boh taneh 8,3 độ ríchte di Chilê harei 16/9. Thun 1960, hadei di mbang megei boh taneh khang 9,5 độ ríchte, riyak glnog tal 4 mét tuh tame takai tasik Japon ngak ka 140 urang metai./.