Khaw tin 19h  harei 18/3 saong 6h30 harei 19/3/2016

# Pagayi harei 18/3, di tỉnh Ninh Thuận, mintri ngak nong saong patagok palei pala peih Diễn đàn pachreih nong hu kadha “ dom bruk daong kaoh tua riya dalam bruk ngak nong bhum duyên hải Nam Trung Bộ”. Dom urang nong hu mbaok di labik nan hu klah rabha bruk caga tua di puk plaei, dalam nan ndom khang tal dom jalan pruh patak pataom saong salih janih phun pala. Jeng di dien dan ini, mintri ngak nong saong patagok palei pala ba tabiak danakdak trun takik asar pajaih pajaih pala drak piah patak pataom ia, trun takik jien sản xuất dalam tuk tua riya daok rah tabiak.

/ Mintri ilamu thể thao saong DL barau tabiak quyết định ka bruk xếp hạng inem krung pakat negar ngan saong 3 inem krung di dom tỉnh: Bắc Ninh, Hà Nội, Thái Nguyên. Tui dom Quyết định  951, 953 saong  953, inem krung kiến trúc nghệ thuật Đình Thụ Ninh, di phường Vạn An, ban sit Bắc Ninh; inem krung kiến trúc nghệ thuật Đình Phúc Lộc, xã Phương Độ, huyện Phúc Thọ, ban Hà Nội saong inem krung sajarah dak rai Labik peih nyaom roya mbang ka sa di Tổng Liên đoàn Lao động Việt Nam, kapul dam dara daong taneh ia saong Liên hiệp urang kamei Việt Nam (1950), di xã Phú Xuyên, huyện Đại Từ, tỉnh Thái Nguyên hu xếp hạng inem krung pakat negar.

# Tui mintri ngak nong saong patagok palei pala, thun 2015 tok hu 10/63 tinh, ban hu khik ramik siam pandap mbang menyum nông lâm thuỷ sản. Tui taong yaom, hu 10 tinh hu dak angan tame ngak siam nan lac: Bà Rịa - Vũng Tàu, Bình Định, Đồng Nai, Hà Nam, Hà Nội, Kiên Giang, Long An, Kiên Giang, Phú Thọ, Sơn La, Tiền Giang. Dalam tuk nan, dom tinh njauk iek veik lac : Bắc Kạn, Cao Bằng, Đắc Lắc, Gia Lai, Hải Dương, Kon Tum, Quảng Bình, Quảng Ngãi, Thái Bình.

/ Tui bruk ba tabiak di UB bhap bini ban Đà Nẵng ka bruk pakacah Marathon dunya Đà Nẵng 2016 hu peih tabiak di harei 6/8/2016, meda pachreih hu meng 1.000 - 1.500 vận động viên, tuai damuai dunya; 3.000 - 5.000 vận động viên chuyên nghiệp, oh chuyên, tuai damuai dalam taneh ia saong bhap bini ban Đà Nẵng hu mbaok tame pakacah. Gah peih bruk nan lac cty World Marathon Inc, USA (hu jabat ngak bruk di Houston, bang Texas, Hoa Kỳ).  

#  Urak ini, huyện Hàm Tân lac labik gaok kan kandah trak abih kayua tua riya di tỉnh Bình Thuận. Tal urak ini, taong abih 10 xã, ban sit di huyện ini kurang ia pandar. Anak bruk ini, karja huyen hu ba tabiak dom bruk daong pabak ia yau ye: kuac bingun, daong jien blei ia pandar ka 9.500 menuac dalam sang kathaot, jaik si kathaot, bhapbini bangsa takik, sang sarak piah tani tanat raidiuk ka bhapbini.

/ Oh diuk hu dalam độ mbak, ralo danao raong di bhum raong ikan cadot Trà Cú, tỉnh Trà Vinh nyu metai, urang nông khat lahik trak. Tui Jabat ngak nông saong patagok palei pala huyện Trà Cú, dalam labaih 1.500 baoh sang raong ikan cadot di puk palei, tal urak ini hu labaih 200 baoh sang njauk cap ikan pablei avar yaom lac ikan trak meng 200 tal 300 gr min kayua ikan raong lavik min oh praong. Abih di nyu nan lac jaik meteh bilan tapa, độ mbak meng 12 tal 14% urang raong oh khin plaih ia danao, chất thải di ikan, jru, pandap mbang labaih… kayua huac ikan ngộ độc. Saai Nguyễn Văn Hải daok di xã Hàm Tân, huyện Trà Cú,tỉnh Trà Vinh, sa dalam dom baoh sang njauk khat lahik kayua ikan tapaok kakah brei thau: “Lui nan jeng metai, cap pablei that jeng hu dua pluh dom ribau sa kg. jeng oh thau kayua halei, kayua ia mbak lo brei tame oh hu. Danao ia ini 9 harei ye, njauk xử lý jru nan ye nyu ảnh hưởng”. 

# Anak bruk tua riya khang gam saong njaom mbak di yaok pluh rabau hecta taneh ngak nong, abih di nyu nan lac hu labaih 20.000 ha padai lihik nang suat, karja tỉnh Cà Mau hu gam saong urang nong peih ngak dom jalan siam lagaih piah daong cakak mbak, daong padai piah trun takik khat lihik. Dahlau abih lac đắp đập, đắp đê. Kuhria dalam bilan 3 ini, urang nong tỉnh Cà Mau hu  đắp labaih 100 baok đập, 4.000 mét đê kraong. Langiu di nan, daok pok haluk pacang glut jaleih labaih 2.000 mét ar tasik. Bruk ngak ini jeng trun takik ia mbak njaom tame taneh pala padai. 

Patui di ini dom khau tin dunya:

/ Mintri ilamu TT saong DL hu harak pathau khan ka bruk brei peih ngak Danak dak bruk ngak di pasak ilamu VN di Lào. Lac labik hu yaom biak praong, hu urang dang akaok dua Đảng, dua taneh ia biak sangka min mbiah tal urak ini jabat pasak jeng oh ka ginup điều kiện peih dom bruk ngak chuyên môn. Kayua yau nan ye, bruk duah sa labik padang barau pasak ilamu VN di Lào piah peih dom bruk ngak lac sa kadha praong njauk ngak saong hu dom gah pambuak tal di VN ba tabiak meng lavik mai.

# Pagaiy harei 18/3, Triều Tiên  cuh sa baok tên lửa tabiak lingiu tasikh gah timul taneh ia ini. Hãng tin Yon-háp di Hàn Quốc ba panuac di dom urang dang akaok Han Quoc brei thau, baok ten lua par hu jaik 800km dahlau di tuk laik trun tasik. Mbang cuh ten lua barau abih ini di Trieu Tien rah tabiak tok klau harei hadei tuk urang dang akaok Triều Tiên Kim Châng Un (Kim Jong Un) harei 15/3 hu panuac lac taneh ia ini meda ngak iek bruk patuh sa akaok đạn hạt nhân saong ngak iek dom tên lửa đạn đạo meda ba hu akaok đạn hạt nhân “dalam sa tukvak katut”. 

/ Mỹ hu tabiak panuac ieu cộng hòa dân chủ bhap bini TT jhui ngak dom bruk ba tal catang tagok hadei di tuk taneh ia ini cuh 2 baoh tên lửa tầm trung tabiak bhum tasik gah timur di taneh ia ini mesup harei 10/3. Urang brei panuac di  mintri QP Mỹ Bin Ơ-bừn brei thau, Mỹ tui iek catang dom bruk ngak gah quân sự di TT jeng yau bruk angaok bán đảo TT. Dom bruk cuh pandar công nghệ tên lửa đạn đạo nan lac ngak sung dom sarak di hội đồng bào an./.