Khaw tin 19h harei 18/5 saong 6h30 harei 19/5

        # Panuac khan meng Trung ương Hội Chữ thập đỏ Việt Nam brei thau: dalam bilan 5 saong 6/2016, Trung ương Hội meda ba brei aia hacih, daong brei jien ka bhap gaok kan kandah kayua tua riya pandiak bhang, njaom mbak pak 10 xã dalam 7 huyện di 4 tỉnh: Long An, Bến Tre, Gia Lai saong Ninh Thuận. Ini lac bruk ngak di Dự án “Daong brei chip ka urang gaok kan kandah kayua tua riya pandiak bhang, njaom mbak” saong yaom phun jien abih tih labaih 4 tỷ đồng kayua Kapul Chữ thập đỏ saong Trăng lưỡi liềm bhong dunya daong brei. 

      # Dalam tuk pahadar 126 thun harei menek Chủ tịch Hồ Chí Minh, melam  17/5, Sở ilimo, padhih saong Du lịch Nghệ An pambuak bruk saong Ủy ban bhapbini huyện Nam Đàn peih bruk raok thaot binguk Wa Ho tui jalan meng sang hadar Chủ tịch Hồ Chí Minh (labik inem mek Kim Liên) tal sân vận động Làng Sen, xã Kim Liên, huyện Nam Đàn.  Bruk raok thaot binguk hu 126 blah thaot chân dung saong 12 thaot raok kiệu Wa Ho tapa dom tukvak ngak bruk cach mang di Wa dalam saong lingiu taneh ia.

       # Harei 17/5, Ban chỉ huy Pacang caga bala meng langik tasik saong daong duah urang njauk bala tỉnh Quảng Nam peih bruk paglaong pren khang pacang caga bala meng langik tasik saong roh duah urang njauk bala thun 2016 dalam tỉnh meng labik tasik tal bhum ceik glaong. Cambaih laih,  Ban brei pakhang pakajap, Ban Chỉ huy Pacang caga bala meng langik tasik saong daong duah dom pakat; pasang iek, ramikveik, pabak jalan pacang, cakak bala meng langik tasik njauk haong bruk di anak meta di yaok puk palei, abih di nyu lac pak pakat xã, puk, palei…

         # Bí thư Thành ủy Đà Nẵng barau brei thau, anak tal ban sit meda kareik bambang mblang hareik Khánh Sơn saong ieu đầu tư  padang mblang hareik barau di xã Hòa Nhơn, huyện Hòa Vang. Urak ini, mblang hareik Khánh Sơn "labik pandiak ka bruk nerak alam moi truong barau hu langyah catang tui hukum, mboh biak takik mbau bruk. Ini jeng lac sa dalam dom dự án bo Đà Nẵng caik dahlau ieu đầu tư di thun 2017. 

        # Tui Ủy ban bhap bani tỉnh Đắk Lắk, yaom lac oh ka abih bilan bhang thun ini ngak ka labaih 70.155 ha phun pala kurang aia pruh, dalam nan hu 6.290 ha padai aia (khat lahik abih jaik 2.000 ha), cà phê thu lagu 56.138 ha (lahik abih 4.399 ha)…, khat lahik tagok tal labaih 2.186 tỷ đồng. Ini lac thun tỉnh Đắk Lắk njauk khat lahik kayua tua riya pandiak bhang abih meng dahlau tal ini.

        #  Urak ini, rilo kraong ribaong di dom tỉnh bhum taneran kraong CL abih di nyu nan lac Cà Mau, Sóc Trăng, Bạc Liêu, Hậu Giang daok thulagu, ngak ka bruk nao mai, pajeng pandap panda meng jalan ia di bhapbini gaok kan kandah. Ông Lê Thành Huấn- Phó Giám đốc Sở Giao thông Vận tải Cà Mau brei thau :“ Pandiak bhang tua yau ini, bhumia  taba di huyện Trần Văn Thời jalan ia gaok kan kandah, oh daok nao mai hu, tok nao hu di jalan radaih bo urak ini jalan radaih jeng mbaih mbaoh, kan kandah biak praong tal urang nong ka bruk ngak mbang. Njam patam di mikva pablei yaom lap kayua kan si pajeng.

         # tapa 7 thun peih ngak Đề án cakrok patagok phun thanh long, tal urak ini, Tiền Giang hu pambak prong mblang taneh pala phun ini labaih 4.400 ha pataom ralo pak 10 xã di huyện Chợ Gạo. Meng hu buh jien tame ngak biak siam cơ sở hạ tầng, hệ thống điện, jalan ba aia saong ilamu ngak tabiak hu daong ka năng suất saong chất lượng phun thanh long hu tagok glaong. Urak ini,  bein pala thanh long mek hu năng suất 30 tấn/ha. Ngan haong yaom trun tagok meng 10.000- 20.000 đồng/kg, yaok ha thanh long brei jien mek tame labaih 400 triệu đồng dalam sa thun. 

          Khaw tin dunya

       # Rajaei Thái Lan hu padang angan 18.756 công ty mbuan gaok kanjah jhak gah pablei salih kayua oh brei thau cambaih labik di jabat ngak bruk atau oh brei thau bruk pablei salih yaok thun. Dalam abih tih 630 rabau doanh nghiệp hu pasang iek,  dom doanh nghiệp mbuan gaok kanjah jhak gah pablei salih meblah 2,97%.  Kayua yau nan ye, bruk rajaei Thái Lan padang danh sách jhuk lac bruk cảnh báo saong trun takik dom kanjah jhak gah pablei salih. 

      # Mentri Y tế saong Jabat Môi trường negar (NEA) Sin-ga-po brei thau, urang ruak akaok mereip njaom ruak vi-rút Zi-ka pak negar ini hu mboh dalam harei 17/5. Tui panuac khan di Mentri Y tế saong Jabat Môi trường negar Sin-ga-po, urak ini urang ruak ini daok pasiam veik pren yava saong taong abih baoh sang ong oh ka brei mboh triệu chứng hagait njaom mbak vi-rút Zi-ka.

       # Gah y tế tỉnh Quảng Đông (Guangdong), gah meraong Trung Quốc harei 17/5 brei thau, hu veik 3 urang metai kayua ruak tangin takai cambuai di tỉnh ini. Dom chuyên gia kakei, ruak ini daok tame bilan tabung glaong, dui atah meng bilan 5 tal bilan 7 yaok thun. Anek kamar saong uraniah lac dom urang mbuan si njom mbak ruak glaong di abih.