Khaw tin 19h harei 19-10 saong 6h30 harei 20-10 

 # Page harei 19/10, pak Bal raya Hồ Chí Minh rah tabiak Mbang nyaom ka 14 Ủy ban pambuak bruk Việt Nam - Campuchia ka bruk pambuak gauk ngak mbang Kinh tế, Ilamo, Khoa học -Kỹ thuật kayua Mentri Kế hoạch saong Đầu tư pambuak haong Mentri Ngoại giao peih ngak. Brei panuac dalam mbang nyaom, Phaok Thủ tướng, Akaok Mentri Ngoại giao Phạm Bình Minh, Akaok Phân ban pambuak bruk Việt Nam - Cam-pu-chia hu panuac lac: “Ini lac mbang nyaom yaok thun di Ủy ban tacei jalan pambuak bruk di Việt Nam saong Campuchia. Pak mbang nyaom ủy ban mbang ini khaol drei biai haong gauk dom jalan ngak cambaih laih piah patagok talei pambuak bruk di Việt Nam saong Campuchia di taong abih gah,  meng gah chính trị, kinh tế ilamo, khoa học-kỹ thuật tal talei pambuak bruk ralo gah”.

# Tập đoàn Vingroup barau peih bruk padang ngak sang iek ruak đa khoa pakat dunya Vinmec di quận Lê Chân, ban sit Hải Phòng. Sang iek ruak  Đa khoa pakat dunya Vinmec Hải Phòng kayua Công ty cổ phần sang iek ruak đa khoa pakat dunya Vinmec  ngak po đầu tư. Sang iek ruak hu padang tui tanut 5 patuk, njauk tui tanut sang iek ruak di tập đoàn Vingroup. Tui kuhria dahlau, sang iek ruak đa khoa Vinmec meda ngak blaoh tukvak 1 di thun 2017 ngan saong 200 laneng ndih hu ba tame ngak bruk.

# Meng blaoh, pak Thanh Hóa, Kadung jien pachreih bac “Paglaong hatai caong khin” hu peih bruk pok brei paok jien bac “paglaong hatai caong khin” thun ka 7 ka jaik 200 anek saih, sinh viên hu rai diuk kan kandah ngan haong yaom jien jaik 1 tỷ đồng. Kadung jien “paglaong hatai caong khin” kayua Kapul pachreih bac tỉnh Thanh Hóa, Rayo Papar sap – Papar binguk tỉnh, kapul doanh nghiệp Thanh Hóa, Kapul doanh nghiệp ranaih, Kapul urang kamei pablei salih saong Liên chi hội inem krung ilamo Lam Kinh padang tabiak di bilan 8/2009.

# Phó Giám đốc sang iek ruak Đà Nẵng brei thau, sang iek ruak barau daong hu sa urang ruak gaok viêm cơ tim cấp plaih di metai meng bruk trao đổi oxy tapa màng cơ thể. Harei 19/10 urang ruak hu tabiak meng sang iek ruak. Bruk trao đổi oxy tapa màng cơ thể lac ilamu barau, meda daong plaih metai urang ruak kayua nguy ngập hô hấp saong viêm cơ tim cấp. Ini lac urang ruak ka 3 hu sang iek ruak Đà Nẵng daong plaih di metai meng jalan ngak ini.

# Meng harei 20/10 Bal raya Hồ Chí Minh peih mbang xử lý radaih “cà tàng” (radaih mac oh hu kadeit, oh hu menyek, oh hu pô, oh hu biển số…) dui atah tal Tết Nguyên đán 2016. Dalam tukvak tapa, dalam bal raya hu ralo sruh radaih “cà tàng” pajeng pandap biak ralo, nduac samar nduac ẩu...Tui bruk ba tabiak, PC67 padang kapul pasang iek dom labik độ radaih; lắp ráp, salih kết cấu radaih patuh; langyah catang dom bruk, dom urang ngak suan.

# Yaok ratuh kapal taong cap ikan di tỉnh Cà Mau njauk khang bilan mực, dalam nan hu dua janih mực bhian mboh nan lac mực ống saong mực tua. Mikva urang ngak ikan brei thau, hadei tuk kuhria jien buh tame, yaok kapal laba meng 50 - 70 triệu đồng/sa mbang. Mực lac janih kaya dalam ia tasik yaom lac oh ka pablei tabiak taneh ia langiu min jeng hu yaom kinh te glaong. Mực ống that yaom di darak pasal urak ini lac 60.000 đồng/sa kg, meyah ngak jeng pandap hathu yaom tagok tal 300.000 đồng/sa kg. Daok mực tua oh ngak thu hu, min yaom di darak pasal urak ini meng 90.000 - 100.000 đồng/sa kg. 

# Dalam dom harei meng 19 tal 21/10, Muyim Mỹ thuật Việt Nam gam haong Viện Goethe Hà Nội pambuak gauk peih nyaom biai “labik dang bahrau di Muyim harei ini: Ilamo – taom gaok – sahneng duah”. Hu mbaok dalam nyaom biai nan lac dom giám đốc, giám tuyển saong dom chuyên gia mai meng dom Muyim Cộng hòa liên bang Đức, Malaysia, Philippinne, Thái Lan, Singapore haong ralo urang jakar meng dom Muyim di VN. Pak ini, 4 asal kadha praong hu ginum biai, dalam nan hu: jalan taom gaok bahrau ka bruk parang iek; ba muyim tame dalam rai diuk; Muyim saong đô thị; Piah Muyim jeng sa binah dalam rai diuk ilamo đô thị. 

Khaw tin dunya 

# Tui bruk duah thau hatai sahneng di menuac sia kayua hãng thông tấn Phephách (Fairfax) di Ôxtrâylia saong công ty roh duah darak pasal Ípxót (Ipsos) ba tabiak harei (19/10) brei mboh, bruk pachreih tui di cử tri taneh ia ini brei ka đảng Tự do – Quốc gia daok tagok glaong ala bruk dang akaok di Thủ tướng Mancom Tơn-bun (Malcolm Turnbull). Tui bruk duiah thau nan, cử tri pachreih tui đảng ini urak ini di tanut 45%, tagok 7% duk saong 2 bilan dahlau. Tỷ lệ pachreih tui Công đảng đối lập  trun 6% daok 30%.

# Raja-ei Mỹ bahrau mboh tangin brei adat yah klaak dom jalan taong phạt Iran, tui sanya di Iran saong kapul P5+1 ginum gauk meng bilan 7 tapa. Dalam sa harak brei thau, Nhà Trắng khan lac, bruk nan brei mboh sa cột mốc prong piah pacang cakak Iran nao tal bruk ngak pô vũ khí hạt nhân saong piah khik lac danak dak hạt nhân di negar ini brei ka bruk sron mbon.

# Tổng cục thống kê negar  Trung Quốc harei (19/10) brei thau, tui kuhria mboh oh ka ginup abih, bruk patagok dalam quý 3/2015 di kinh tế taneh ia ini tok hu 6,9%, bair abih kuhria meng thun 2009 mai ini.  Số liệu hu ba tabiak jeng brei mboh tổng kim ngạch blei tame di taneh ia langiu di quý 3 daok trun 7,9% duk saong dom bilan ni thun dahlau.