Khaw tin 19h harei 19-9-2015

/ Peih ngak sarak dong ka boh sang kan kathaot padang sang dok pacang nyaik ribuk ia sua bhum kreih negar di rajaei, tal urak ni mintri padang ngak hu dong jiak 4.500 boh sang kan kathaot hu sang dok pacang nyaik ribuk ia sua, samu 17% bruk ba tabiak song 16% dom boh sang. Tapa pasang iek tapak, dom boh sang pacang nyaik ribuk ia sua hu padang ngak glong jang tanut duak glong di abih, prong takik di abih sa tal meng 15 m2 tagok, chất lượng sang samu tanut khang kajap, meteh khang kajap, yaom meng 30 tal 40 triệu đồng.

# Piah khik siam bruk nao mai angaok jalan ia dalam bilan hajan ia xua thun 2015, Labik khik iek jaln ia dalam tỉnh Quảng Nam hu ngak pasiam dom biển brei thau jalan ia, ramik pasiam dom phao tiêu, phao luồng di dom canah jalan ia dalam tỉnh, caik pandap cảnh giới. Tal tukvak ini, dom biển brei thau jalan ia di dom baok kraong ye Thu Bồn,  Vu Gia…jeng hu ramik pasiam bloh, khik caga siam bruk nao mai angaok jalan ia dalam tỉnh.

/ Akaok UB bhap bini tỉnh Ninh Thuận bahrau patabiak sarak pok brei 2 xã Phước Sơn song Phước Thuận mek hu tanut chuẩn palei pala bahrau 2015. Ni lac 2 dalam 3 xã akaok meti di huyện Ninh Phước mek hu 19 tanut palei pala bahrau

# Tapa labaih sa thun ngak tui Nghị định 67/2014/NĐ-CP di rajaei ka dom sarak patagok kaya ikan dalam tỉnh Bình Thuận, urak ini, uy mban bhapbini tỉnh hu phê duyệt  134 kapal ikan hu ngak barau, ramik pasiam; dalam nan hu 15 kapal ikan hu gilang pariak ngak nong saong patagok palei pala peih jien brei mesraiy jaik 60 tỷ đồng. 

/ Pasak y tế dự phòng tỉnh Bình Dương brei thau, ruak pandiak tabiak darah tamuak tabiak khang dalam  bilan 8 song akaok bilan 9/2015 di 4 ban sit dalam tỉnh Bình Dương ngak ka 6 urang metai. Gah y tế tỉnh Bình Dương hu peih bruk pacang caga, ngak patrun bruk mbuan tamuh ruak pandiak tabiak darah.

# Meng điểm 280, ban raya Hồ Chí Minh lac labik akoak meti dalam taneh ia mek hu điểm glaong di abih tui bảng điểm lac labik palahik ruak phong di mintri Y tế. Tanut di mintri Y tế ba tabiak lac: dom puk palei hu brei angan lac palahik ruak phong njauk ngak hu 4 bruk praong lac : khik ramik urang ruak phong, duah mboh urang ruak phong barau, caga plaih jaoh jo, pato megru y te.

/ UB MT negar ban sit Cần Thơ song dom ban, ngành dalam tỉnh bahrau jao brei 19 boh sang jum pataom ka dom boh sang kan kathaot daok di xã Nhơn Ái. Ni lac mbang jao brei ka 3 di mbang peih bruk padang ngak 184 boh sang jum pataom ka dom xã di huyện Phong Điền. Yaok boh sang yaom labaih 40 triệu đồng song prong labaih 36 m²,  dalam nan hu 32 triệu đồng meng kadung jien “ Kayua urang kan kathaot” di ban sit Cần Thơ, dok veik 8 triệu đồng di boh sang rik tame. 

Khaw tin dunya 

# Karja ban Quảng Châu, tỉnh Quảng Đông (Trung Quốc) hu tuan labaih  2.000 hộ chiếu di urang jakar dalam ban piah caga dom urang nan kuan jien suan hukum dauk tabiak taneh ia langiu. Meng akaok thun 2015 tal ini, karja tỉnh Quảng Đông patabiak quy định pasang iek catang hộ chiếu di urang jakar puk palei, dalam tuk tỉnh ini daok hu rilo urang ngak praong di puk palei tham nhũng, blaoh kuan jien nduac tapa taneh ia langiu.   

/ Rajaei Hàn Quốc bahrau tabiak panuac khan lac mbuan hu jit cúm menuk da, hadei di tuk duah mboh dom drei da rong di 2 trang trại gah Tây Nam negar ni njom ruak. Mintri ngak nong, pandap mbang song palei pala HQ brei thau, dom dut iek tuk camereip di dom drei da rong dalam dom trang trại dok di Naju (Na-giu) song Gangji (Gang-gi) brei mboh nyu meda njom sa janih cúm menuk da (AI)

# Hãng kapal haok negar Ấn Độ (Air India) harei 17/9 pandar 125 tiếp viên di hãng njauk trun dom kilogam, meyah oh trun hu, njauk salih trun mbaok haluk ngak bruk. Bruk nan hu ba tabiak hadei di tuk gah kapal ahaok dân dụng Ấn Độ patabiak qui định ka rup pabhap di dom tiếp viên.