Khaw tin 19h harei 20-10 saong 6h30 harei 21-10

# Tui tacei pato di Thủ tướng Raja-ei, Mentri Jien padai, Mentri Kế hoạch saong Đầu tư pambuak haong dom Mentri, ngành Trung ương saong puk palei tabiak jalan ngak, bruk ngak, ba tabiak kế hoạch kadung jien karja tukvak thun 2016 - 2020 piah peih ngak siam dom sarak, danak dak, đề án ka urang hu kong saong an sinh xã hội.

# Dom harei tapa, sang iek ruak meta Trung ương njauk padheih rilo mbang blac raih hu caga bloh piah blac raih dahlau dom mbang cấp cứu kayua kurang pandap blac raih. Phó Giáo sư Trần An- sang iek ruak meta Trung ương-  ndom lac : bruk kurang pandap blac raih lac bruk di anak meta kayua sang iek ruak suai peih bruk đấu thầu. Sang iek ruak likau am pun saong caong urang ruak ma-ah brei: “Bruk kurang pandap vật tư nan di dom janih min oh njauk lac kurang abih, kayua sang iek ruak suai peih bruk đấu thầu. Kol dahlak daok caga đấu thầu praong tui phê duyệt di akaok mintri Y tế. Dalam tuk daok cang đấu thầu, kol dahlak duah abih labik piah pabak ginup pandap duh ka urang ruak”

# Thun ini, Kapul urang kamei tỉnh Quảng Ngãi daok peih ngak dom bruk daong ka urang kathaot yau: kapul rik daong phun jien, kapul pajeng vin, jak ba harei patak pataom brei ka urang kamei kathaot, Kadung jien daong bhap bani… Tal urak ini, urang kamei dalam tỉnh jak ba hu jaik 10 tỷ đồng, daong ka labaih 10.000 mbang adei sa-ai kan kathaot, urang kamei kathaot mesre phun jien piah patagok bruk ngak mbang, raong glang. Amuk Phạm Thị Thu Trang, Akaok Kapul urang kamei tỉnh Quảng Ngãi brei thau:  Patak pataom meng jien, harei ngak bruk saong meng brah. Tapa bruk patak pataom hu daong ka ralo adei sa-ai kamei hu rai diuk grap tanat jang, taphia di nan jeng hu pasang iek meng phun jien jak ba hu piah daong ka adei sa-ai kamei tabiak truh kan kandah.

# Tỉnh Lâm Đồng saong rilo tỉnh, ban karei dalam taneh ia daok tame bilan paik cà phê. Min yaom  cà phê  thun ini daok trun jang duk saong dom thun dahlau. Saai Cil Khiếu, ban sit Đan Gia, huyện Lạc Dương (Lâm Đồng) hu 2.000 m2 pala cà phê daok paik athar brei thau, yaom cà phê baoh mekre di akaok bilan urak ini lac 7.000 đồng/sa kg; trun meng 2.000 - 4.000 đồng/sa kg duk saong akaok bilan thun dahlhau. Tui yaom ini, urang nong pala caphe oh hu laba, tok ginup jien buh tame saong pren pasang iek.

 # Tui taong yaom di gah chức năng, sản lượng ikan bống tượng di Cà Mau thun 2015 hu jaik 30 tấn, trun tal 70% dut haong 3 thun dahlau kayua takik hu urang raong saong dom baoh sang raong prong daok tavak sre jien di gilang pariak oh bayar hu. Taphia di nan, bruk pablei tabiak oh tani tanat kayua oh pablei tabiak negar langiu hu, tok ba pablei dalam taneh aia nan ye tame bilan pablei ikan oh pablei hu, njauk urang blei kateik yaom nan jeng lac makna ba tal bruk urang takik raong. 

# Akaok Sở Giao thông Vận tải tỉnh Bạc Liêu brei thau, tukvak tal, Bạc Liêu njauk buh pabak tame 1.400 tỷ đồng piah pasiam jaln mbak palei  pala dalam tỉnh piah ba mbuan lagaih ka bhapbini nao mai dalam dua bilan pandiak, hajan saong pajeng pandap. Urak ini, dalam tỉnh Bạc Liêu hu 13 xã oh ka hu jalan ô tô nao pasak xã.

# Hãng roh duah BMI Research di Kapul thông tin dịch vụ jien padai dunya "Fitch Group" (Mỹ) brei thau lac bruk ngak mbang kinh tế di Việt Nam dalam dom bilan puac thun 2015 biak siam saong GDP di Việt Nam meda tagok 6,4% dalam thun 2015, dut haong tanut tagok 6% di thun 2014. 

# Meng harei 20 tal 23/10 di Noumea, New Caledonia (di negar Pháp) rah tabiak sa nyaom biai ka an ninh jalan tasik kayua klau taneh ia Pháp, Australia saong New Zealand peih tabiak piah duah dom jalan langyah dom kandah dalam bhum tasik saong gauk praong 2 triệu km2 di gah meraong Thái Bình Dương. Kadha praong di nyaom biai mbang ini lac pataom tame ginum biai paglaong pasang iek dom bruk gah jalan tasik.

# Harei 19/10, pak Paris, Đại sứ đặc mệnh toàn quyền Nguyễn Ngọc Sơn hu pok Quốc thư tagok Đồng Công vương Andorra, ong Francois Hollande, Tổng thống Pháp. Tapa nan, Đại sứ Nguyễn Ngọc Sơn hu brei thau ka talei rohim pambuak bruk Việt Nam – Andorra cakrok patagok siam mekre saong brei mboh hatai caong khin patagok jang talei rohim pambuak di dua negar.