Khaw tin 19h harei 20/5 saong 6h30 harei 21/5

      # Tổng cục Thủy sản, Mentri Ngak nong saong Patagok palei pala  bahrau hu harak payua nao tal dom tỉnh, bal Trung ương tacei pato patagok khik iek raong ikan lồng bè pak dom labik raong pataom anak bruk pamdak di langik tasik tua riya pandiak bhang yau urak ini. Tổng cục Thủy sản pandar dom tỉnh saong bal dalam Trung ương patagok pasang iek dom adat hukum ka bruk raong ikan lồng bè tui njauk chuẩn negar ka bruk vệ sinh thú y saong an toàn thực phẩm, khik caga alam môi trường. Tacei pato urang raong bhian pasang iek bruk môi trường yau oxy hòa tan, độ pH, H2S, NH3… Tui mong iek ikan raong yaok harei piah langyah samar drah tuk mboh bruk bất thường rah tabiak.

     # Meng bilan 5 tal bilan  8, dalam taneh ia hu jaik 400.000 urang ruak kum, jaik 225.000 urang  ruak aih traoh, 39.000 urang  ruak tangin takai cambuai saong jaik 26.000 urang  ruak paniak tabiak darah. Urak ini mbuan si patuh tabiak dom ruak bhian gaok di bilan hè ye : kum, aih traoh, tangin takai cambuai, pandiak tabiak darah, thủy đậu, rubella, viên não vi rút... kayua pandap mbang oh siam, kurang ia hacih; lingik tasik, nhiet do oh lagaih, pandiak ẩm hajan rilo ngak ka jamaok saong véc tơ pambak ruak tamuh saong patagok bruik mbuan hu jit ruak.  

    # Kadung jien brei ka Uranaih Liên hợp quốc pak Việt Nam bahrau ini hu pambuak haong Viện Dinh dưỡng Trung ương peih bruk pathram paglaong năng lực dinh dưỡng samar drah kayua tua riya pandiak bhang pak 6 huyện, bal sit di tỉnh Ninh Thuận. Tui nan, dom urang jakar y tế dalam khoa nhi di sang iek ruak đa khoa tỉnh, urang jakar y tế di pasak y tế 6 huyện saong bal sit gam haong 450 urang jakar y tế di 49 xã hu pato pathram ka bruk duah mboh saong  điều trị suy dinh dưỡng trak cấp tính ka ranaih...

      # Harei 20/5, di labik buh phiếu pilih ruah ka 8, xã An Hải, huyện đảo Lý Sơn, labaih 300 cử tri di 7 labik kapul urang par phao ndao hu pataom tame pilih ruah urang ka QH mbang 14 saong urang ka Hội đồng bhapbini dom pakat, tukvak 2016- 2021, dahau dua harei duk saong hukum. Bruk buh phieu rah tabiak drak samal, njauk hukum saong salah di 10tuk meteh harei nan. 

         # Tal tukvak ini, 1.257 labik bầu cử di tỉnh Bình Định daok caga cang tal harei bầu cử 22/5. Abih di nyu nan lac, labaih 43 ribau urang taong ikan langiu tasik harei nan jeng kham merat tame taneh haluk piah bầu cử. Ong Hồ Quốc Dũng, Akaok Ủy ban bhap bani tỉnh, Akaok Uỷ ban bầu cử tỉnh Bình Định brei thau:   Ilamu meng dom mbang dahlau, mbang ini khal dahlak hu kuhria caga biak siam. Samar tacei puk palei langyah dom tavak tave, bahrau tamuh tabiak. Uỷ ban bầu cử bhian hu mbaok pak puk palei piah mong iek, langyah taong abih dom tavak tave. Kadua nan lac khaol dahlak salih bahrau bruk pathau khan, abih di nyu lac urang taong ikan khaol dahlak pandar bộ đàm piah liên lạc haong urang taong ikan langiu tasik.

      # Piah bruk pilih ruah urang ka Quốc hội mbang 14 saong Hội đồng bhapbini dom pakat tukvak 2016 – 2021 njauk lac harei roya di bhapbini, pasak phát hành phim saong chiếu bóng tỉnh Đắc Lắc hu peih rilo var chiếu phim lưu động di dom xã bhum atah bayah di tỉnh, daong cử tri thau cambaih jang makna di harei roya ini. Dom phim truyện, phim tài liệu, daoh takơ pok je Đảng, wa ho anit ranam, pok je palei negar, taneh ia, phim ka raidiuk Wa Ho, ka peih paha Bai Gon hu ngak ka rilo mikva padrut padrui, thau jang ka trach nhiem bhapbini di drei ka negar. 

     # Sa urang taong ikan pak Khánh Hòa bahrau mek hu sa drei ikan ngừ takah hijao takik mboh teik trak jaik 200 kg daok kuhria pataok tame pabah lamnge Hòn Rớ Nha Trang. Ong Nguyễn Trung Hiếu, Akaok ban khik iek pabah lamnge ikan Hòn Rớ (bal Nha Trang), brei thau, hu sa po gilai taong ikan di Khánh Hòa bahrau brei thau lac gilai ong bahrau taong mek hu sa drei ikan ngừ takah hijao trak jaik 200 kg biak takik gaok meda pataok tame pabah lamnge Hòn Rớ dalam biar harei 20/5.

     Khaw tin dunya

    # Rajaei Nhật Bản brei adat dịch vụ taxi oh hu menuac peih di thun 2020, thun ban ine Tokiô đăng cai Olimpic. Tui bruk tabiak meng thun hadei, bhapbini Nhật Bản hu pandar iek dịch vụ taxi oh hu menuac peih tuk nao tal dom cửa hàng, siêu thị di ban ine. Ini lac phiên bản thử nghiệm di công nghệ robot  caga ba tabiak darak pasal njauk harei Olimpic 2020 hu peih ngak di Tokio.

   # Tổng thống Hàn Quốc Park Geun-hye (Pắc Cưn Hê) saong Tổng thống Mông Cổ Tsakhiagiin Elbegdoji (Sa-khia-gin En-béc-đoóc-giơ) bahrau ini hu mboh tangin tame harak kanal hadar (MOU) ka bruk patagok talei pambuak bruk ralo gah yau kinh tế, dak padang hạ tầng cơ sở, giáo dục saong môi trường. 

    # Hãng tin BBC di Anh harei 19/5 ba tabiak sa roh duah lac, meyah dunya oh ngak samal, tal thun 2050,  yaok 3 giây hu sa urang gaok siêu vi pametai. Dom urang alamu duah tabiak lac, bruk ini meda dak harei dak jhak rilo tuk dom vi trùng meda kháng veik dom jru caga vi trùng. Yau nan ye,  meda hu 10 triệu urang metai yaok thun kayua siêu vi trùng meng ini tal thun 2050./.