Khaw tin 19h harei 21-3 saong 6h30 harei 22-3-2016 

# Tui kuhria mboh di pasak Khí tượng Thủy văn Trung ương, kayua El-Nino, bilan thu meda dui atah tal abih bilan 8 thun 2016, bruk tua riya, kuriang ia meda dui atah tal abih bilan Hè Thu thun 2016 di dom puk palei bhum Duyên hải Nam Trung bộ. Jalan ngak praong di tukvak ini lac salih janih phun pala piah caga tua riya. Urak ini, mintri ngak nong saong patagok palei pala daok pambuak bruk saong dom puk palei gaok kan kandah kayua tua riya patabiak rilo bruk salih janih phun pala di bilan Hè Thu 2016.  

/ Jaik 1000 urang nan lac anek saih, bộ đội, urang jakr viên chức saong bhap bini dom xã chreih chrai hu mbaok tame harei nduac Olympic 2016 kayua pren yava bhap bini barau hu peih tabiak di huyện pulao Lý Sơn, tỉnh Quảng Ngãi. Harei nduac Olympic kayua pren yava bhap bini lac sa bruk ngak piah jhul pakhang bruk jak ba “taong abih bhap bini pasram rup pabhap tui kreih camin Wa Hồ ”. Taphia di nan, harei nduac Olympic hu daong paglaong akaok saneng ka kein laba di bruk pasram thể dục thể thao dalam bruk khik caga, paglaong pren yava saong chất lượng rai diuk bhap bini; padang hatai takre pasram thể dục thể thao saong padang harei nduac Olympic jeng sa bruk ngak yaok thun. Dalam dom bruk ngak di harei peih bruk, mban peih bruk hu pambuak saong dom đơn vị alin hadiah pandap ka amaik VN anh hùng Trần Thị Thẩm, dom baoh sang sarak karja, dom anek saih saong dom baoh sang urang taong cap ikan kan kathaot.

# Dalam dom harei tapa, yaom thanh long di Tiền Giang daok tagok khang, sang beir bhum pala thanh long meda hu kein laba. Tui ông Cao Văn Hóa, Phó Giám đốc Sở ngak nong saong patagok palei pala tỉnh Tiền Giang, taneh thanh long dalam tỉnh hu jaik 5.000 ha saong sản lượng yaok thun meng 120.000 - 150.000 tấn baok. Bruk ini peih tabiak dom jalan ngak kaya meda ka mikva bhum taneh barau khai hoang Đồng Tháp Mười, urak ini lac huyện Tân Phước, tỉnh Tiền Giang.

/ meng akaok bilan 3 tal ini, ralo sang mac ngak hadang đông lạnh pablei tabiak negar langiu di tỉnh Cà Mau daok dang anak bruk mbuan kurang hadang piah ngak. Dalam 33 sang mac ngak hadang dalam tỉnh ye hu 17 sang mac kurang hadang piah ngak, meblah jaik meteh dom sang mac urak ini hu. Thun 2016, tanut ba tabiak ka bruk pablei tabiak negar langiu kaya ikan di Cà Mau lac mek tame 1,3 tỷ USD; sản lượng kaya ikan mek hu 500.000 tấn. Dalam quý 1 ini, sản lượng kaya ikan tui kuhria hu ala 100.000 tấn. Tapa nan brei mboh lac bruk kinh tế kaya ikan daok dang anak ralo tavak tavaiy kayua bala meng lingik tasik.

/ Meng thun bac 2011 – 2012, tỉnh Cao Bằng peih dom sang bac PT bangsa bán trú di dom bhum bangsa takik gaok biak rilo kan kandah. Dom sang bac ini hu daong patagok bruk ieu pataom anek saih dalam umo nao bac, patrun patakik anek saih klak bac, paglaong chất lượng pato megru saong ngak salah bruk phổ cập tiểu học njauk umo, phổ cập pato megru THCS hu chất lượng di bhum atah bayah gaok biak rilo kan kandah… Dalam tỉnh Cao Bằng hu labaih 15 ribau anek saih bán trú di dom pakat tiểu học, THCS saong THPT. 

# Hadei di 5 thun ngak tui danakdak padang ngak peli pala barau, tỉnh Vĩnh Long ieu pataom hu jaik 3.400 tỷ đồng. Urak ini, dalam tỉnh hu 23 xã mek hu chuẩn palei pala barau, meblah jaik 26% dom xã. Sang bhapbini hu menyek pandar hu labaih 99%,  sang pandar ia hacih hu 60%... Tui kuhria, meng thun 2016 tal  2020, tỉnh kham merat hu 50% dom xã hu chuẩn palei pala barau 

# Dự án “paglaong chất lượng pasang iek saong pato pakai ka uranaih bangsa takik saong kan kandah” barau hu peih tabiak di huyện Tam Đường, tỉnh Lai Châu. Dự án kayua Aide et Action Việt Nam, Viện Tư vấn patagok Kinh tế Xã hội palei pala saong bhum ceik saong Liên minh châu Âu gam daong saong yaom jien abih tih jaik 13 tỷ đồng. Dự án hu peih ngak meng thun 2016 tal 2018, di 3 xã Tà Lèng, Nùng Nàng saong Khun Há, piah daong uranaih bhum bangsa takik di dom bhum kan kandha dalam tỉnh Lai Châu hu bac mam non saong tieu hoc hu chat luong saong siam lagaih.

Patui di ini dom khau tin dunya:

/ Barau ini, di jabat ngak bruk LHQ, VN hu pambuak bruk haong Sao Tome saong Principe saong Palau ba gauk peih bruk pahadar harei dunya hanem phon. Thun 2012, tui panuac caong di Bhutan, Đại Hội đồng LHQ hu brei tapa adat pahadar thun ini hu angan lac “hanem phon dalam danak dak nghị sự LHQ 2030; Pamaong tal bruk patagok khang kajap barau ka anek menuac saong baoh taneh”. Đại sứ Nguyễn Phương Nga ieu bhap bini dunya gam ba tangin tame padang nền tảng di hanem phon ka taong abih bhap bini tapa bruk peih ngak danak dak nghị sự 2030 saong dom bruk ngak patagok khang kajap piah patruh iek patrun kathaot, jhul pakhang bruk sron mbon, công lý, công bằng XH saong khik caga alam mội trường. 

# Harei 20/3, sa sruh kapal haok trực thăng quân sự  laik di gah kreh negar  In-đô-nê-xi-a, ngak ka abih 13 urang metai. Tui urang brei panuac di bol bala In-đô-nê-xi-a, sruh kapal haok laik atah di mblang par Ca-si-gun-cu (Kasiguncu) di Pô-xô (Poso) dalam tỉnh Xu-la-uây-xi (Sulawesi) jaik 1 ki-lô-mét saong nan jeng lac labik sruh kapal haok ini daok nao tal. Tui panuac khan di gah bol bala In-đô-nê-xi-a, lingik sjak meda lac makna ba tal bala. 

/ Ngin khang meda lac makna ngak brei kapal haok Bô-ing 737-800 di Hãng kapal haok Phlai Đu-bai di dom tiểu vương quốc Ảrập thống nhất (UAE) laik di mblang kapal haok di ban Rô-xtốp angaok kraong Đông (Rostov-on-Don), gah meraong taneh ia Nga di harei 19/3 meng bloh. Mbang laik kapal haok ini ngak ka taong abih 62 urang angaok kapal haok nan lac tuai damuai saong phi hành đoàn metai, dalam nan rilo meng lac urang Nga./.