Khaw tin 19h harei 2/11 saong 6h30 harei 3/11/2015

   # Harei 2/11, di Hà Nội, mintri ngak nong saong patagok palei pala peih ginum biai “Giáo sư Bùi Huy Đáp – radiuk saong bruk ngak”. Brei panuac di nyaom biai, Thứ trưởng mintri ngak nong saong patagok palei pala Lê Quốc Doanh ndom lac : Giáo sư Bùi Huy Đáp lac urang hu ba tabiak saong buh rilo pren roh duah ka bilan padai xuân pajaih barau salih ka bilan padai klak dahlau deih. Harei ini, nang suat padai xuan pajaih barau phun bain glaong jang duk saong nang suat padai klak phun glaong mbuan jaleih dahlau thiah. Padai xuân hu tukvak cakrok katut, peih tabiak jalan piah bố trí bilan đông padai vụ 3 dalam thun patagok praong grauk dom tỉnh gah Brak. Bilan đông oh lac patagok jien mek tame ka urang nong bo daok pasiam tính chất taneh padai meng bruk luân canh njauk .

/ Tỉnh Lai Châu hu 4 bangsa biak kan kandah nan lac Cống, Mảng, La hủ, Si La, daok diuk rai di 54 palei di huyện Mường Tè. Dom thun tapa, 4 bangsa ini taduan hu biak ralo bruk daong di Đảng saong karja, bruk kham merat di pakat ủy, karja palei yau: daong ngak sang daok; daong ilamu piah patagok bruk ngak mbang, pala drak, pato pakai urang jakar. Min rai diuk di 4 bangsa ini jeng suai patagok saong bruk ngak mbang pala drak ralo meng lac pagam pambak tame lingik tasik, nan ye bruk eik lipa kathaot rambah daok glaong. Ong Trần Đức Hiển, phaok akaok UB bhap bini huyện Mường Tè brei thau: Dahlau daih hu đề án di thủ tướng rajaei peih ngak meng thun 2011, min sarak ini daong mbiah mbiah. Kayua yau nan ye, dalam tukvak anak tal, khin kinh tế, XH di 4 bangsa ini patagok, brei hu bruk daong rilo jang di đảng saong karja. Cambaih laih, caong khin hu sarak đầu tư yau danak dak tái định cư dom thủy điện. Kayua danak dak padang ngak dom thủy điện nyu samu gauk jang saong nyu meda patagok kinh tế khang kajap jang ka 4 bangsa.  

# Gilang pariak Ngoại thương dhar Quy Nhơn, tỉnh Bình Định barau alin 100 drei limo pajiah  yaom abih tih 1 tỉ meteh ka dom sang kathaot huyện Vĩnh Thạnh. Dom sang hu daong limo pajaih mbang ini lac dom sang kathaot gaok kan kandah, dalam nan hu bhapbini bangsa takik piah hu jalan yam tagok tani tanat radiuk, rik daong patruh  eik patrun kathaot khang kajap di puk palei.

/ Tukvak tapa, baha Đức Hạnh di xã Đức Hạnh, huyện Bù Gia Mập, tỉnh Bình Phước kham merat jak ba urang ngak pahala dalam saong langiu tỉnh meng ralo jalan piah daong ka uranaih, baoh sang urang bangsa takik kan kandah dalam huyện. Tapa 8 bilan di thun 2015, baha jak ba hu 2.191 paok pandap alin hadiah kah sang kan kathaot, ralo meng lac bhap bini bangsa takik; 900 paok pandap ka urang ruak HIV di sang iek ruak Nhân Ái; 47 paok jien bac, 51 sruh radaih lăn, 2 baoh sang anit ranam. Meng nan, hu biak ralo uranaih, sang bhap bini bangsa takik, urang joh jo, urang bal glai bal glo hu daong ba, hu jalan yam tagok dalam rai diuk.

# Padang mbang ngui meng dua plak tangin saoh, yau nan bo urak ini urang nong Thạch Cơne, ndih tapui thun 1939, daok di ấp Kim Hòa, xã Kim Hòa, huyện Cầu Ngang, tỉnh Trà Vinh hu yam tagok jeng kaya meda meng mô hình danao raong hadang, hamu padai, var raong pabui rilo, jien mek tame yaok ratuh triệu đồng. Ông daok lac urang hu pathau khan điển hình tiên tiến di nyaom roya pakacah anit taneh ia pakat negar thun 2015 barau ini.

/ Di tỉnh Cà Mau hu yaok rituh baoh sang daok thu hoạch phun keo lai. Tui yaom darak urak ini, sa ha keo lai hu yaom 250 triệu đồng. Ini lac yaom biak glaong, daong ka urang pala phun keo lai hu jien mek tame ralo. Ong Nguyễn Bạch Đằng daok di ban Cà Mau pala 5 ha keo lai. Meng thun 2010 ong hu buh tabiak 200 triệu đồng pah jamriah ngak ro, gam blei phun pajaih. Bahrau ini, ong thu hoạch keo lai laba hu 900 triệu đồng. Urak ini, taneh keo lai di tỉnh Cà Mau tagok tal 12.000 ha, tui quy hoạch tal thun 2020 taneh pala keo lai hu labaih 20.000 ha.

# Piah ba mbuan lagaih ka dom kapul ghe ngo dalam huyện tame pathram saong pakacah siam di Festival pakacah ghe ngo bhapbini Khmer bhum taneran kraong Cửu Long mbang 2 - Sóc Trăng thun 2015 tuk tame harei Oóc-om-bók jaik tal, uy mban bhapbini huyện Thạnh Trị  brei daong 45 triệu đồng ka 3 kapul  ghe (15 triệu đồng/sa kapul). Langiu bruk daong jien nan, huyen daok hu tacei pato dom puk palei jak ba urang daong, ieu pataom kapul vận động viên saong pachreih bruk pasram njauk tui bruk ba tabiak. 

Patui di ini dom khau tin dunya:

/ Harei 2/11, thủ tướng NB Sin-dô Abê hu mbang taom gaok tổng thống HQ Pác Cưn Hê di ban ine Xơ-un saong ini lac mbang taom gaok pakat glaong di abih akaok meti di NB saong HQ kuhria meng bilan 5 thun 2012. Dua urang dang akaok dua taneh ia hu ginum meyai bruk bán đảo TT, bruk catang tagok di Biển Đông. Thủ tướng NB caong taduan hu bruk pachreih tui biak siam meng gah tổng thống Pắc Cưn Hê ka bruk NB saong HQ brei khik kajap talei pambuak bruk khang kajap saong Mỹ piah langyah dom bruk barau ndom.  

# Akaok mintri jien padai Thổ Nhĩ Kỳ Mô-ham-mét Sim-sếch brei thau hatai bui sambai anak bruk jayah di Đảng cầm quyền “ Công lý saong patagok ” kayua  Tổng thống Éc-đô-gan dang akaok, dalam mbang pilih ruah urang ka Quốc hội barau tamat. Ông Mô-ham-mét Sim-sếch ndom lac, Thổ Nhĩ Kỳ daok dang anak jalan siam ka bruk salih barau taong baih gah anak tal. 

/ Jabat thủ tướng Irac brei thau, thủ tướng Hai-đơ An A-ba-đi hu tabiak bruk khẩn cấp di dom labik rah tabiak hajan praong, ba tal ia ndik ia sua ngak ka ralo menuac metai. Thủ tướng Hai-đơ An A-ba-đi jeng hu tacei pato dom mintri, urang ngak praong dom tỉnh, gah an ninh, quốc phòng saong dom urang halan hatian hu mbaok tame dom bruk cứu hộ di ban ine Bát – đa saong dom tỉnh ban karei./.