Khaw tin 19h, harei 21/5

 # Ủy ban bhap bani tỉnh Quảng Ngãi bahrau pandar Sở Tài nguyên saong Môi trường pambuak haong Sở Xây dựng, Ủy ban bhap bani ban Quảng Ngãi duah thau, pasang iek bruk khai thác, pablei salih, pajeng ba cuah suan adat hukum angaok kraong Trà Khúc; taong phat catang dom urang ngak suan adat hukum. Ong Nguyễn Quốc Tân, Phaok Akaok Sở Tài nguyên saong Môi trường tỉnh Quảng Ngãi brei thau meda tacei  padang mô hình tổ sản xuất, brei adat khai thác cuah piah duh ka bhap bani, pacang cakak bruk khai thác suan adat hukum: Piah khaol drei gam khai thác pabak hu bruk pandar di xã hội, ka bruk dak padang, vật liệu…, taphia di nan patrun pambak tal môi trường aia kraong saong glut jaleih tapen kraong.)

# Cục Y tế dự phòng (mintri Y tế) brei thau, dalam 4 bilan akaok thun 2016, jit ruak pandiak kanhik tagok glaong di dom taneh ia dalam bhum châu Phi ye  Congo ngan saong 453 urang ruak,  45 urang metai; Mintri Y tế kakei : piah caga oh caik ruak pandiak kanhik tuk nao tal dom bhum hu jit, bhapbini nao tal taneh ia bhum châu Phi saong Mỹ La tinh, njauk  nao tal cơ sở y tế klauk vắc xin caga ruak pandiak kanhik takik abih 10 harei dahlau si nao tal bhum hu jit…

# Thau hu hatai caong khin patagok bruk nao mai meng kapal haok di Việt Nam saong dom negar karei angaok dunya, abih di nyu lac dalam tuk hè 2016, ralo hãng kapal haok negar langiu brei thau bruk kuhria peih jalan pal tapaK tal Việt Nam; dalam nan ralo abih nan lac dom bal rivang ma-in du lịch daneiy angan. Meng harei 25/5, hãng kapal haok Bangkok Airway di Thái Lan hu peih jalan par tapak Bangkok – Đà Nẵng, yaok dit hu 4 mbang par.

# Sở Du lịch ban raya Hồ Chí Minh pambuak bruk saong dom labik peih “Harei pataom mbang menyum bhum gah meraong mbang yaka 6 meng harei 28/5-1/6 di Mblang bein Đầm Sen (quận 11, ban raya Hồ Chí Minh). Meng bruk hu mbaok di 30 labik saong 50 gian pandap, harei pataom hu rilo bruk ngak gheih ye : chế biến saong duh mbang menyum di dom bhum, dalam nan hu 4 jalan mbang menyum hu yaih khan ye : mbang meyum bhum kreh negar, mbang menyum bhum Tay Nguyen, mbang menyum gah meraong saong mbang menyum Bai Gon ngan saong labaih 250 món mbang bingu saong rilo janih pandap menyum bổ dưỡng. 

 # Tui Sở Ngak nong saong patagok palei pala tỉnh Bạc Liêu, urak ini ikan tasik taong mek hu daok hu  urang blei yau dahlau deih, oh daok bruk pambuk ralo pak darak yau dua bilan dahlau. Meng tuk kaya ikan taong mek pablei hu veik, dalam tỉnh hu mehg 75 tal 85% sruh gilai di Bạc Liêu tabiak tasik taong mek ikan. Urak ini taong abih 45 tổ hậu cần nghề ikan tỉnh Bạc Liêu jeng hu ngak bruk gam gam. Tuk gilai ikan tame ar jeng hu gilai hậu cần caga cang piah ba ikan taong mek hu tame ar pablei.

# Dom harei ini yaom ikan ra trun tagok ngak ka urang nong raong ikan oh daok sahanang hatai. Rilo danao raong daok klaak saoh. Tui panuac khan di hiep hoi ikan pra VN, tua riya, njaom mbak di bhum taneran kraong CL ngak ka gah ikan pra njauk dang anak bruk “ 3 trun” lac : trun taneh, nang suat saong yaom. Dom ahrei akaok bilan 5, urang nong raong ikan tra bui sambai tuk yaom ikan tagok meng 1.000 đồng tal 1.500 đồng/sa kg hu tanut 22.500 đồng/sa kg. di Tnut ini, urang nong laba meng 500 đồng – 1.000 đồng/sa kg. 

Patui di ini khaw tin dunya

           # Harei 19/5, dom urang jakar Nga saong Xinh-ga-po pok meyaom jalan saneng padang khu tự do pablei salih di Liên minh Kinh tế Á-Âu saong Xinhgapo. Dalam mbang taom gaok haong Thủ tướng Xinh-ga-po Lí Hiển Long gah langiu Nyaom biai thượng đỉnh ASEAN-Nga rah tabiak pak Sô-chi, Tổng thống Nga Vlađimia Pu-tin brei thau, jien padai mek tame meng bruk pablei salih pandap panda meda patagok tuk khu vực tự do pablei salih di Liên minh Kinh tế Á-Âu saong Xinh-ga-po hu padang tagok.

# Jeng dalam harei 19/5, Thủ tướng Malaysia Najib Razak (Na-gíp Ra-dắc ) saong Tổng thống Nga Vladimir Putin (Vla-đi-mia Pu-tin) hu mbang taom gaok dua gah lingiu nyaom biai pakat glaong pahadar 20 thun pambuak bruk đối thoại Nga - ASEAN rah tabiak meng 19-20/5 di Sochi (Xô-tri), Nga. Di mbang gaok, dua urang dang akaok njauk hatai gauk dak apdang dom jalan par tapak di dua taneh ia saong parilo dom mbang par urak ini, taphia nan pasang iek bruk mbaoh tangin tame hiệp định pablei salih tự do (FTA) piah jhuk khang pablei salih dua gah saong du lịch.

 # Nhật Bản bahrau ini hu pok brei công hàm phản đối Mỹ hadei di tuk Kenneth Franklin Shinzato – urang ngak ngak bruk pak căn cứ quân sự Mỹ - njauk cap khik kayua pambuak pagam tal bruk metai lahik di sa urang kamei Okinawa 20 thun. Hu ngak tapa lin ala aia taong angaok thu Mỹ saong ngak bruk pak Căn cứ không quân Kadena ở Okinawa, Shinzato njauk cap khik ngan haong cáo buộc paduak xác urang kumei nan./.