Khaw  tin 19h harei  23 saong 6h30 harei 24/5/2016

# 10h30 minit harei 23/5, pak Phủ Chủ tịch, Akaok negar Trần Đại Quang hu dang tabiak taduan raok Tổng thống Mỹ Barack Obama tapa rivang Việt Nam. Pak van ginum biai, dua urang pal akaok njauk hatai ba talei rohim pambuak bruk nao mai taong abih gah Việt Nam- Hoa Kỳ patagok jang, hu kein laba saong khang kajap. Dalam mbang rivang, Tổng thống Obama hu taom gaok haong Tổng Bí thư Nguyễn Phú Trọng, Akaok Quốc hội Nguyễn Thị Kim Ngân saong Thủ tướng Nguyễn Xuân Phúc.

# Salam uan harei uranaih dunya (1/6), Viện Goethe yaih khan dua bộ phim hu ngak veik meng dalikan mengkan Grimm meng sap Việt “Urang siam binai ndih dalam glai” saong “ dom nhạc công thành Bremen”. 2 bộ phim meda hu công chiếu saoh di rạp Kim Đồng, Hà Nội di harei 29/5 jaik tal. Abih di nyu nan lac, hadei tuk maong phim, dom uranaih jeng daok hu trải nghiệm dom tukvak cổ tích di sang ngan saong blah tapuk “10 truyện mengkan Grimm hay abih” hu Viện Goethe patabiak meng sap Việt saong sap Đức hu pablei yaom ưu đãi di dua var chiếu phim. Vé maong phim hu brei saoh di Viện Goethe Hà Nội.

# Pambuak pagam tal mbang bala pak tỉnh Bình Thuận di dua sruh radaih tuai ngak 12 metai saong 40 urang njauk rambuis trak, ong Đặng Trọng Hiền, Phaok akaok Công ty Phương Trang brei thau: kan kandah abih tuk ini nan lac bruk duah thau  angan je dom urang metai. Tuai damuai tuk tut angan nao radaih Phương Trang bhian tok ndom tapa phon. Jaik abih điện thoại di tuai damuai metai njauk apui mbang abih dalam radaih, yau nan ye  duah tabiak gauk gar di  urang njauk bala biak kan. Ong Hiền brei thau: Ndom ka sarak, urak ini công ty daok kham merat anak meta daong ka dom baoh sang njauk bala metai 10 triệu đồng. daok veik dom urang karei daok ndih dalam sang iek ruak, công ty daok hu brei taong abih nhân viên mai mong iek saong bayar abih jien viện phí ka dom urang nan.)

# Tập đoàn Xăng menyek Việt Nam saong kapul Doanh nhân trẻ Dầu khí Việt Nam pambuak bruk saong uy mban bhapbini tỉnh Hà Giang peih pakak dua công trình sang bac di huyen bhum glaong, bhum tapeng negar tỉnh Hà Giang. Tapa jaik dua thun dak padang, urak ini công trình hu ngak blaoh, hu ba tame pandar ngan saong jien dau tu abih tih labaih 7 tỷ đồng. 

# Tapa mong iek di dom chuyên gia Viện phun hijao di Úc, Sang bac Đại học Nông – Lâm Bal raya Hồ Chí Minh saong dom Viện chuyên ngành di Việt Nam, urak ini bal Trà Vinh, tỉnh Trà Vinh daok hu jaik 420 phun kayau prong (yau phun sao, dầu, me) daok si metai nao. Makna ba tal bruk ini nan lac kayua njauk bê tông hóa tuk padang ngak vỉa hè jalan phố, jalan mong iek oh njauk ilamu... ngak ka phun kayau oh daok pren cakrok.  

# Ủy ban bhapbini tỉnh Thừa Thiên - Huế barau brei dahlau 630 tấn brah saong  9,4 tỷ đồng daong urang ngak ikan gaok kan kandah tapak kayua kaya ikan dalam ia metai bất thường di tukvak barau blaoh. Langiu nan, Thường trực Ủy ban Mặt trận negar tỉnh Thừa Thiên - Huế jeng taduan mek saong brei jien daong di gilang pariak ngak nong saong patagok palei pala Việt Nam hu 25 tấn brah daong dom sang urang ngak ikan di thị trấn Thuận An (huyện Phú Vang) saong dom huyện Phong Điền, Quảng Điền hu kapal, gilai oh nao taong cap kaya ikan dalam ia hu kayua ikan metai bất thường.

# Harei 23/5, đội tuyển caoh mbanh negar tui bruk pal akaok ba jalan di huấn luyện viên Nguyễn Hữu Thắng hu pataom gauk pak Hà Nội piah kuhria caga ka mbang caoh giao hữu gaok tuyển Syria dalam melam harei 31/05 angaok mblang caoh mbanh Mỹ Đình saong hadei di nan hu mbaok tame giải tứ hùng pak Myanmar. Hadei di tuk pataom mbaok pak khách sạn La Thành, Hà Nội, dom tuyển thủ meda yam tame van pathram akaok mereip pak mblang caoh mbanh Pasak đào tạo caoh mbanh ranaih Việt Nam.

Khaw tin dunya

# Gilang pariak dunya barau quyết định brei ka Campuchia mesraiy 130 triệu đôla Mỹ hadei 5 thun kaoh meteh. Ini lac phun jien ưu đãi piah Campuchia patagok cơ sở hạ tầng ye : jalan mbak nao mai, brei ia hacih, patagok ngak nong saong pasang iek pren yava.

# Kuhria tal harei 22-5 hu tal 7 urang metai tuk ceik apui pruh pak gah Pai Indonesia saong hu 2 urang daok nguy kịch. Ceik apui Si-na-bung (Sinabung) pak tỉnh Bắc Su-ma-tra (Suma tra)  pruh bhau atah tal labaih 3 ki lô mét tagok langik saong tui angin par nao gah pai laik trun labik jaik sa baoh kraong. Urak ini, dom lực lượng daong duah dalam nan hu binh sỹ, cảnh sát, nhân viên di dom kapul nyaom pacang caga bala meng langik tasik, dom urang halar hatian saong bhap bani dalam palei daok samar duah dom urang njauk bala.

 # Dalam dua harei tapa, takik abih 8 urang metai saong 4 urang karei lahik hadei di dom mbang hajan xua praong hamiet di tỉnh Quảng Đông, Trung Quốc. Hajan praong jeng ngak glut jaleih haluk, ngak tayah rilo cơ sở hạ tầng saong sang daok di urang bhapbini. Labiah 50 rabau urang nao daok plaih labik daok saong raidiuk di labaih  540 rabau urang karei gaok kan kandah. Kuhria khat lahik kayua mbang hajan ribuk ngak tabiak tagok tal labaih 1 tỷ nhân dân tệ, sumu labaih 152 rabau đô la./.