Khaw tin 19h harei 23/3 saong 6h30 harei 24/3/2016

# Phó Thủ tướng Nguyễn Xuân Phúc barau hu panuac tacei ka jalan langyah bruk radaih mac điện oh ka ngak harak tut angan. Tui nan, meng harei 1/7/2016  nao,  langyah catang dom urang ndih radaih mac điện di jalan min oh ka tut angan. Phó Thủ tướng pandar mintri jien padai tacei pato gah Hải quan paglaong pasang iek, tui iek catang bruk blei tame radaih mac điện di dom gah (blei tame piah pablei salih, blei tame piah pandar) di dom pabak mbang negar, labik hu jabat Hải quan piah kak je tui adat.

/ 5 họa sĩ di VN nan lac Thành Chương, Đặng Xuân Hòa, Phạm An Hải, Phan Cẩm Thượng saong Phạm Bình Chương hu ba gauk ngak kanduh ka 6 baoh từ điển Anh Anh – Việt phiên bản đặc biệt, bahrau hu sang patabiak tapuk đại học Qu ốcgia HN saong cty tapuk MC Book ấn hành. Tui kuhria dom baoh tapuk ini hu pablei to yaom ngak pahala dalam tuk pataom tapuk HCM rah tabiak meng harei 21 tal harei 27/3.

# Sở alamu saong Công nghệ  tỉnh Quảng Trị barau peih bruk ginum biai saong gah patagok Công nghiệp, Công nghệ saong Năng lượng barau di Nhật Bản saong dom công ty Stanley Electric, Mitsubishi UFJ ka bruk peih ngak Dự án pandar  gom Led ka kapal taong ikan atah ar di tỉnh Quảng Trị. Tapa nan, dom gah hu ginum biai ba tabiak dom bruk pambuak tal piah peih ngak dự án pandar gm led ka kapal taong cap ikan atah ar di tỉnh Quảng Trị piah patak pataom năng lượng. Tui kuhria, dự án ini hu peih ngak ka 70 kapal ikan di urang ngak ikan dalam tỉnh.

/ Đồn Biên phòng pablah mbang negar Tà Lùng, tỉnh Cao Bằng duah mboh hu labaih 3.000 phun jru phien hu pala angaok taneh praong jaik 600 m vuông di palei Bó Pu, ban sit Tà Lùng. Hadei di tuk duah mboh, đồn biên phòng pabah mbang negar Tà Lùng hu pambuak bruk saong công an huyện Tà Lùng, pakat ủy, karja puk aplei buac klaak taong abih phun jru phien nan. Taphia di nan hu pasang iek, langyah tui hukum.

# Di ban sit Hạ Long, tỉnh Quảng Ninh, kadung jien daong tài năng ranaih umo tỉnh Quảng Ninh hu peih harei pok meyaom 10 greih camin ranaih umo hadah trah di tỉnh thun 2014 ngan saong kadha “ Hadah mbaok urang ranaih umo rai Hồ Chí Minh". Di var pok meyaom, 10 greih camin saong 20 tài năng ranaih umo di tỉnh lac dom urang đoàn, damdara hadah trah dalam dom gah di xa hoi ye : roh duah alamu; ngak mbang pablei salih, ngak bruk karja; quốc phòng; khik caga an ninh trật tự  saong  an toàn xã hội; ilimo nghệ thuật, thể dục thể thao .     

/ Pandiak bhang dui atah siam ka bruk ngak sara di urang ngak sara tỉnh Ninh Thuận. Tukvak pataom mek sara panak nan ye sản lượng sara hu rilo. Min, urak ini sara pablei daok laik yaom  ngak ka urang ngak sara dalam tỉnh gaok kan kandah, oh karei hagait gfaok pandiak bhang dalam bruk ngak nông.

# Tui Sở ngak nong saong patagok palei pala tỉnh Cà Mau, urak ini, urang nong dom xã bhum ia taba di huyện Trần Văn Thời, huyện Thới Bình, ban sit Cà Mau saong sa binah di huyện U Minh daok gaok kan kandah dalam bruk pajeng ba, pablei kaya nong, abih di nyu nan lac padai kayua ia ala kraong, ribaong trun bair. Ông Nguyễn Văn Tranh, Phó Giám đốc Sở ngak nong saong patagok palei pala tỉnh Cà Mau brei thau :“Kayua thun ini hajan takik ba tal tua riya bo ia dalam kraong ribaong nyu trun biar. Yau nan ye bruk nao mai gaok kan kandah, ghe, kapal oh tame hu piah blei padai, yau nan ye njauk tacei pato  bhapbini pambu thu, caik piah di labik, cang hajan trun piah hu ia tame kraong ribaong meng pablei hu”

Patui di ini dom khau tin dunya:

/ Hội đồng bảo an LHQ harei 22/3 hu panuac lên án khang dom mbang taong mbom rah tabiak di Bỉ, taphia di nan hu panuac ieu bhap bini dunya saong khu vực kham merat pacang cakak  khủng bố saong cực đoan.

#  5 taneh ia daok jaik taphia  Li-bi lac Ai Cập, Tuy-ni-zi, Cộng hoà Sát, Xu-đăng saong Ni-giê sa mbang tra tabiak panuac phản đối di dom taneh ia ini ngan saong bruk can thiệp quân sự meng gah langiu tame taneh ia daok jaik taphia drei. Tui nan, dalam mbang nyaom yaka 8 pakat Ngoại trưởng dom taneh ia daok jaik taphia Li-bi peih ngak di  Tuy-ni-zi, lambaok 5 taneh ia ndom khang lac, dom bruk can thiệp quân sự halei tame Li-bi jeng njauk iek tui panuac caong di sa rajaei jum pataom bangsa di Li-bi, jeng ye njauk saong adat hukum dunya .

/ Sa mbang khuah praong rah tabiak harei 22/3, ngak ralai abih sa pasar praong di Man-đa-lây, ban praong ka  2 di Mi-an-ma. Taong abih cửa hàng di labik ini njauk pui mbang abih. Mbang khuah jeng ngak brei mbuan jaleih sa sang bac, sa sang iek ruak song dom sang glaong di bhap bini daok jaik taphia nan./.