# Patui veik danak dak mbang nyaom ka 9, page harei 24-6, ala bruk tacei ba di Phaok akaok Quốc hội Nguyễn Thị Kim Ngân, Quốc hội biểu quyết brei tapa Hukum Kiểm toán karja (pasiam veik) saong ginum biai ka dự án Hukum An toàn thông tin. Hu jaik abih phiếu njauk hatai, Quốc hội biểu quyết brei tapa Hukum Kiểm toán karja (pasiam veik).

# Thủ tướng rajaei bahrau tacei pato mintri jien padai buh tabiak, oh mek jien 492,495 tấn brah meng gilang khik piah di negar dong ka tỉnh Đắk Lắk piah dong eik lipa ka bhap bini dalam tuk cang juak padai 2015. Thủ tu7o1ng rajaei pandar UB bhap bini tỉnh Đắk Lắk taduan mek song pandar brah hu dong brei njauk tuk, njauk menuac urang tui adat hukum. Urak ni di ĐL dok  8.706 boh sang song 32.833 menuac urang dok eik lipa.

# Piah caga pacang ribuk ka 1, tal urak ini, Biên phòng dom tỉnh, bal tapen tasik meng Quảng Ninh tal Bình Thuận hu pambuak haong dom puk palei, baoh sang po gilai, akaok gilai khan brei thau, yaok veik saong tacei pato jaik 65 ribau sruh ghe gilai, lồng bè, kajang iek raong kaya ikan dalam aia, ngan haong jaik 300 ribau urang saong 2 ribau lồng bè, kajang iek raong kaya ikan dalam aia. Tapa nan, hu jaik 4 ribau 200 urang thau ka langik tasik, jalan nao di ribuk piah pacang palaih siam jang.  

# Danak dak “Pacang caga lavang lavaih song paglong bruk iek glang di boh sang ka uranaih” kayua kapul Aide et Action (AEA) dong brei hu peih ngak di 4 xã bhum ceik Phú Tiến, Trung Hội, Bảo Cường song Phúc Chu, huyện Định Hóa (tỉnh Thái Nguyên) meng thun  2012 tal thun 2015. Bruk ngak di danak dak bahrau hu ba tabiak di nyaom pataom iek veik bruk uranaih lavang lavaih di 4 xã dalam bhum peih ngak danak dak patrun samar meng 3-5%. Di nyaom biai, dom urang lambaok  hu panuac caong kapul AEA caik hatai sangka tal bruk dong ba piah danak dak patagok siam song peih prong tal 20 sang bac mầm non dalam huyện dalam dom thun anak tal.

# Bahrau ini, balai Pasang iek liên hợp Km15-Bến tầu Dân Tiến, bal sit  Móng Cái, tỉnh Quảng Ninh hu duah mboh saong cap khik 9kg pháo lậu dom jainh. Balai Pasang iek liên hợp Km15-Bến tầu Dân Tiến hu tabiak panuac duah po di nyu saong daok ngak harak pok tagok Uỷ ban bhap bani bal Móng Cái langyah tui adat hukum.

# Tây Nguyên hu 5 tỉnh Gia Lai, Đăk Lăk, Đăk Nông, Lâm Đồng saong Kon Tum – lac labik hu ralo drap ar ilamo hu mboh di meta, oh moh di meta hu yaom dakrai sajarah saong yaom thẩm mỹ biak karei yau cồng chiêng, sang rong, sang atah, sang sàn, rup patau sang kabo...saong dom ragu daoh bhap bani mbak carak hu pato veik ka ralo rai rah. Dalam nan, cồng chiêng lac sa dalam dom dap ar daneiy angan hu UNESCO pok brei angan "Không gian ilamo cồng chiêng Tây Nguyên" dalam thun 2009, nan lac drap ar ilamo oh mboh di meta lambaok ka manuac sia dunya. Gia Lai nan lac sa dalam dom tỉnh dalam bhum daok khik ramik hu biak ralo bộ cồng chiêng ngan haong labaih 6.000 bộ, dalam nan hu ralo bộ cồng chiêng klaak, biak hu yaom.

# Tập đoàn viễn thông Sót-banh (Softbank) di Japon bahrau hu panuac khan ka bruk buh jien tabiak ka dom danak dak năng lượng ia harei di Ấn Độ, piah dong ka negar ni langyah bruk kurang năng lượng. Dalam panuac khan akaok adit ni di ban ine Niu Đê-li (New Delhi) di  Ấn Độ, Chủ tịch gam Giám đốc điều hành Chủ tịch kiêm Giám đốc điều hành brei thau, tập đoàn ni hu padang sa jalan pambuak bruk song dom hãng karei karei song dom DN di ấn Độ dalam dự án ni. Tui nan , liên doanh di Sót Banh hu buh tabiak 16 tỷ đô la tame dom danak dak năng lu7o5ng ia harei di Ấn Độ hu ngak tabiak 20 gi-ga-oát điện năng dalam 10 thun anak tal.

Khaw tin dunya:

# Ban Tuyên giáo Tỉnh ủy Hòa Bình bahrau peih bruk pataom iek veik song jao giải pakacah vak kadha “Bac megru song ngak tui jalan hadah krah siam mekre di HCM” song “Urang siam ngak bruk siam” thun 2015. Ban Tuyên giáo Tỉnh ủy hu jao 20 giải ka mbang pakacah “Bac megru song ngak tui jalan hadah krah siam mekre di HCM”, 16 giải ka mbang pakacah  “Urang siam ngak bruk siam” mbang pakacah brei thau dom urang naih gheih, dom urang thau sahaneng thau ngak, ba abih pren yava ka taneh ia , ka bhap bini.

# Cục Thống kê Na Uy brei thau yaom lac oh  njauk lac thành viên di Liên minh châu Âu (EU) min Thụy Sĩ saong Na Uy lac dua negar hu yaom kaom pandap panda saong dịch vụ chit abih pak châu Âu dalam thun 2014. Cục Thống kê Na Uy jeng brei thau cambaih 3 njaom pandap saong dịch vụ  hu yaom biak glaong di negar ini , nan lac alak; pakao hala; dịch vụ nhà hàng - khách sạn, kaya mbang saong pandap menyum oh hu cồn. Dalam nan, alak saong pakao hala pak Na Uy hu yaom chit jang 2,5 mbang dut haong  yaom kuhria rah tapa pak châu Âu.

# Urang ngak praong gah y tế di bhum gah merong Pakixtan bahrau hu panuac khan lac, anak tal, urang metai kayua pandiak bhang di negar ni tui kuhria tagok tal labaih 700 urang.  Nhiệt độ dok khik di 40 độ C meng di puac adit tapa di Karachi- ban raya prong abih Pakixtan. Rilo meng lac dom urang metai kayua đột quỵ song dom urang pagam tal pandiak. Labaih 5 ribau urang hu ba tame sang iek ruak piah iek ruak./.