# Pak bal Đà Nẵng, Viện Roh duah chiến lược di Ủy ban Thường vụ Quốc hội pambuak haong danak dak patagok Liên hợp quốc peih ngak Nyaom biai brei panuac ka dự thảo hukum patabiak quyết định hành chính, daok dalam dự án “patagok cung cấp saong salih thông tin lập pháp di dom jabat Quốc hội Việt Nam”. Jaik 100 urang lambaok nan lac dom urang ilamu, lambaok mbaok dom đơn vị lập pháp, sang bac đại học saong dom đơn vị peih ngak dom quyết định hành chính di dom tỉnh, bal labik miền Trung-Tây Nguyên hu mbaok tame nyaom biai.

# Jum pataom, salih bahrau, patagok ilamu urang pan akaok, pren mesruh metak di Đảng bộ. Ni lac panuac hu ba tabiak dalam Nyaom roya Đảng bộ urang lin biên phòng tỉnh Sơn La mbang ka XVII, tuk vak  2015 – 2020. 89 urang lambaok ka jiak 600 urang đảng dalam Đảng bộ hu mbaok di nyaom roya. Tuk vak tapa, Đảng bộ urang lin Biên phòng tỉnh Sơn La ngak siam bruk khik caga chủ quyền tanrh ia palei negar, khik caga an ninh chính trị, trật tự an toàn xã hội di labik tapen negar.

# Nyaom darak parang iek Quảng Bình thun 2015 hu labaih 360 gian hàng di 170 kapul nyaom, doanh nghiệp, labik ngak tabiak dalam aia, dalam nan hu 60 gian hàng mai meng 15 tỉnh, bal gah miền Trung - Tây Nguyên. Nyaom darak parang iek, meyaih khan dom janih pandap chất lượng, mẫu mã phong phú đa dạng di ralo lĩnh vực ngành nghề karei di gauk yau jik pet, thời trang, kalik takhaok, nông-lâm-thuỷ sản saong dom janih pandap pandar bhian brei brei ka rai diuk di bhap bani... 

# Bộ chỉ huy Quân sự tỉnh Hà Giang hu pambuak bruk song UB bhap bhap bini huyện Vị Xuyên peih truy điệu song dar talang 2 liệt sĩ bahrau hu duah mboh di puk Nà La, palei Giang Nam, xã Thanh Thủy, huyện Vị Xuyên, tỉnh Hà Giang ba tame labik kubo Liệt sĩ huyện Vị Xuyên. 2 bộ talang nan hu dân quân xã Thanh Thủy duah mboh tuk nao khik iek di labik glong 233 di puk Nà La, palei Giang Nam, xã Thanh Thủy, huyện Vị Xuyên.

# Ủy ban Bhap bani tỉnh Thanh Hóa hu van taom gaok dom urang điển hình tiên tiến trong phong trào pacang khik jalan biên, cột mốc dalam tỉnh. Thanh Hoá hu  192 km jalan tapen negar haong negar ayut Lào. Dalam 88 vị trí cột mốc negar hu blaoh 56 urang taha akaok palei, akaok bản, urang hu angan je halar hatian mboh tangin tame bruk mong iek, pacang khik jalan tapen negar saong cột mốc.

# Pahadar 68 thun harei Thương binh - Liệt sĩ,  Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân song kapul ngak bruk hu cuh gilau, sirah kubo Đại tướng Võ Nguyên Giáp di Vũng Chùa, xã Quảng Đông, huyện Quảng Trạch, tỉnh Quảng Bình. Hadei di tuk cuh gilau, sirah kubo  Đại tướng Võ Nguyên Giáp, kapul hu nao rivang song tangi sua, pachreih ba urang jakar, urang lin Đồn biên phòng Roòn - di Bộ đội Biên phòng tỉnh Quảng Bình.

# Kapul nyaom Liên hiệp Thanh niên Việt Nam tỉnh Đắk Lắk bahrau peih bruk pataom mbaok pok meyaom anek saih sinh viên nan lac urang bangsa takik bac megru naih jioy thun bac 2015. Hu mbaok tame danak dak hu jaik 300 sinh viên bangsa takik hu thành tích bac naih jioy, xuất sắc, lambaok ka jaik 3.000 sinh viên bangsa takik dalam tỉnh daok tui bac pak dom sang bac Đại học, Cao đẳng dalam negar. 

Khaw tin dunya:

# Yaom menyek dunya daok trun dalam tuk thau lac, gilang khik piah menyek tamo di Mỹ dalam adit tapa tagok khang. Tui nan, gilang pabak menyek tamo di Mỹ dalam adit meng bloh hu pabak tame 2,5 triệu thung, jeng 464 triệu thùng. Gilang khik piah pandap di Kiu-xing (Cushing), Ốc-la-hô-ma (Oklahoma), labik parabha pandap ka dom hợp đồng di Mỹ tagok 813 ribau thung. Di sàn giao dịch Niu Yoóc (New York), Mỹ, yaom menyek  (West Texas jao bilan 9 trun 1,67 đô la, dok 49,19 đôla sa thùng.

# Urang tabiak panuac Mentri Ngoại giao Trung Quốc Lục Khảng bahrau tagok sap brei thau thái độ quan ngại di Trung Quốc anak thông tin toà án pak bang Kachin gah Barak Myanma (labik tiếp giáp haong tỉnh Vân Nam di Trung Quốc) harei 22/7 hu taong phạt 153 urang Trung Quốc meng 10 tal 35 thun guk kayua hành vi jah tak glai suan adat di Myanma hadei di tuk nao tame biên giới Myanma oh njauk adat hukum. Ong Lục Khảng pandar raja-ei Myanma xử lý manuac urang Trung Quốc ndom angaok nan ka nyu njauk adat hukum, samar padeih vụ án saong pok jao dom urang ngak suan adat hukum nan ka gah Trung Quốc. 

# Mintri y Tế HQ brei thau, tal urak ni, negar ni oh hu urang halei njom ruak MERS. Urak ni dok hu 12 urang njom Mớt dok hu iek ruak di sang iek ruak. Dalam nan, 11 urang âm tính song  vi-rút, ruak ini, min brei dok veik sang iek ruak piah tui iek dom tác dụng hadei di nan. Meyah bruk jit ruak Mớt daok hu siam yau urak ni, HQ meda tabiak panuac lac abih jit ruak dalam harei 2/8 anak tal./.